انا بخاف من ماما يعني انا 18 سنه وفی واحد اعرفه وهو عايز يتقدم بس احنا نعرف بعض من السوشيال ميديا وامي لو عرفت مش هتوافق عايزه اجبهلها بطریقه تانيه بس لو عرفت اننا بنتکلم هتاخد الموبيل ومش هترضى تسمع ولا تصدق انو عايزني بجد عايزه مساعده خايفه اقول بس هو عايزني ومتمسک بیا وقالي انو عايز یتقدم
بصراحه انا شايفه انك لسه صغيرة و غير كده دة واحد من السوشيال ميديا و كل اللي قاعديين ع السوشيال ميديا م بيكلموكي من فراغ يعني هو الواحد دة مش هيسيب كل البنات اللي عنده عشان عيونك يعني معلش كلامي لو قاسي شويه بس دة الصح تضمني منين انه فعلا بيحبك وعايزك ؟؟ مش اي حد يقول كلام معسول وحب يبقا بيحبك حاليا مفيش اسهل من كلمة بحبك تتقال يعني ومفيش اسهل من المشاعر انها تتزيف يا عمري انا بنصحك كاخت ليكي ..انتي كل تعاملك معاه اي يدوبك شات يا اما مكالمات بتحكيله ويسمعك يحكيلك وتسمعيه فين بقا الحب في كده ؟؟ الكلام المعسول اللي هو حياتي ومراتي وام عيالي و بحبك وماليش غيرك وانتي احلى حاجه في حياتي ..طززز مفيش اسهل من الكلام ..مش يمكن ياخد رقم والدك ويهددك لو معملتيش مسوتييش هيقول لابوكي؟ او امك او اي حد مفكرتيش في كده؟؟؟ وبعدين هو هيسيب بجد البنات دي كلها اللي عنده وحواليه عشانك فكري بالعقل كده يا روحي بلاش بلاش وابعدي عنه احسنلك ❤️❤️❤️وربنا يصلح حالك و ركزي في دراستك طول مانتي ناجحه في حياتك و محتفظه بنفسك للي يستاهلك كله هيتمناكي ويبقا عايز ينول رضاكي متفكريش دلوقتي في الحب و الجواز ❤️
تم النشر الثلاثاء، ٢ ديسمبر ٢٠٢٥
انا اسفة متزعليش مني بس مفيش اسهل من الكلام و الاحلام اللي مش دايما بتتحقق و كونك بتخافي من مامتك بشكل كبير كده ده هيأثر عليكي جدا و ممكن اي حد يستغل النقطة دي بأي صوره او شكل، كمان عاوزه اقولك ان خوفك من مامتك قد يكون بسبب انها بتبالغ في رد فعلها خوفا عليكي ف ده بيديكي احساس بالخوف منها، حاولي تقربي منها مش عشان الموضوع اللي حكيتيه فقط لكن قربي منها و صاحبيها و اديها الامان من ناحيتك بحيث تتطمن عليكي و على طريقه تفكيرك ووقتها هتطمن اكتر و تهدا و مش هتبالغ في رد فعلها، و بالنسبة للولد ف صدقيني انتي لسه بتبدأي حياتك و سنك صغير في حاجات كتيره لسه هتمري بيها ولو هو فعلا عاوز يتقدم زي ما بيقولك صدقيني وقتها هيلاقي بدل الطريقة 10
تم النشر الاثنين، ١ ديسمبر ٢٠٢٥
السلام عليكم، أولا موضوع إنه يتقدم ده بسيط مش محتاج غير إنك تعطيه رقم والدك أو عنوانكم ويتقدم كأي شخص مش شرط تكوني أنتِ اللي تفتحي الموضوع مع والدتك وتسألك عرفك منين. هو لو عاوز يتقدم هيكلم أهله ويشوفوا ناس من منطقتكم ويمشي الموضوع كأي خاطب غريب بيتقدم لبيت ناس مفيش بينهم أي سابق معرفة. ثانيا، أنا معرفش هو عمره كم وهل أصلا جاهز للزواج ولا لأ، ولا كلامه لك إنه عاوز يتقدم فعلا حقيقي ولا بيعمل زي شباب كتير حاليا... بيرموا عرض الزواج كده في وسط الكلام عشان البنت تثق فيهم ويفضل يماطل لحد ما يزهق من العلاقة وينهيها بعد ما يكون اتسلى شوية. ** ثالثا، أنتِ مستعدة للزواج في العمر ده فعلا ولا عشان الحب دلوقتي مسيطر على أفكارك ومش عارفة المسؤوليات المطلوبة منك بعد كده؟ ** المطلوب منك تعمليه، عرفيه إنك هتوقفي كلام معاه عشان عرفتِ إن ده حرام ومينفعش حتى لو ناوي يخطبك. اكتبي له رقم والدك أو عنوانكم وقولي له لو هو مستعد يتقدم دلوقتي يتفضل. ركزي أنتِ بعد كده في حياتك ودراستك ومستقبلك ولو لكم نصيب في الحلال فإن شاء الله ربنا ييسر. بالتوفيق.
تم النشر الأحد، ٣٠ نوفمبر ٢٠٢٥
في الاول كدا انتي اكيد عارفة ان العلاقة دي حرام -ثانيا هو لو عايزك في الحلال يبقي لازم تقطوا العلاقة دي فورا اعملي بلوك بس سيبي رقم والدك وهو لو بيحبك بجد هيدخل من الباب مش هينط من الشباك -اختاري وقت مامتك تكون هادية ورايقة فيه وكلميها قوليلها انك حابه تكونوا صحاب وانك تحكيلها علي حاجة تحصل في يومك وبعدين احكيلها بالراحة هي غالبا هتنفعل ودا طبيعي جدا هي هتتخض شوية وهتقعد مع نفسها وتروق حتي لو اخدت منك الموبايل ف دا هيكون من دافع خوفها عليكي لان هي متعرفش مين الشخص دا واذا هو كويس ومحترم ولا لاء ودا بصراحة الاحسن علشان ممكن اصلا يكون بيضحك عليكي وبيعشمك وبما انك بتحبيه ف مرايه الحب عمية وممكن بردو لاء ف انتي تسيبي لمامتك الفرصة انها تحاول تعرفه وهي اصلا اللي هتمهد الموضوع لوالدك دا لو فعلا جه يتقدم ف فالوقت دا مفيش حد هيساعدك غير مامتك ف انتي لازم تقوليلها ومعلش استحملي ردود افعالها -بس الاهم اقطعي العلاقة الحرام علشان ما بني علي باطل فهو باطل
تم النشر الأحد، ٣٠ نوفمبر ٢٠٢٥
أولًا طمأني قلبك — خوفك طبيعي لأن الموضوع حساس ومهم، وإحساسك بالخوف ما يقلل من قوتك. هقولك خطوات عملية وسهلة تمشي عليها مع أمثلة كلام ممكن تستخدميها، وكمان نصايح إسلامية للحفاظ على الحدود والسلامة. 1) تأكدي إن الشخص جدّي قبل ما تتكلمي - اطلبي منه معلومات أساسية: اسمه الحقيقي، أهلُه، شغله/دراسته، نية الزواج بوضوح. - اقترحي إنه يتواصل مع وليّك أو حد من عيلته علشان يقدّم نفسه رسميًا — ده بيريّح الأم جدًا. - متوافقيش على لقاء أو مشاركة معلومات حساسة من غير ضمان رسمي أو وجود محرم أو وسيط. السلامة أولًا. 2) حضّري نفسك قبل الكلام مع مامتك - اختاري وقت هادي لما تكوني مرتاحة ومامتك فاضية ومزاجها كويس. - فكّري إيه أهم نقاط تهم أمك: الأمان، العيلة، الدين، الاستقرار. جهزي إجابات واضحة لهذه النقاط. - فكّري بالهدف: إنك تطلبي رضاها ومش مشورتها بس، مش الخلاف أو المواجهة. 3) طريقة فتح الموضوع (نموذج كلام بسيط) - "ماما ممكن أكلمك في حاجة مهمة؟ أنا محتاجة رأيك ومساعدتك." - "فيه حد عاوز يتقدم ومستعد يتكلم مع حضرتِك أو مع بابا لو تحبي." 4) لو الأم اتصرفت بردة فعل قوية أو رفضت فورًا - خدي نفس وهدّئي: قولي بحنية "أنا فاهمة قلقك ومقدّرة رأيك، بس بطلب إنك تسمعي الموضوع من البداية." - اقترحي لقاءً قصيرًا يكون فيه وسيط محترم (ابن عم، شيخ المسجد، شخص محترم من العيلة) يتكلم معاكم. - اديها وقت تفكر؛ غالبًا الأم تحتاج وقت لقبول حاجة جديدة خصوصًا لو من السوشيال ميديا. 5) حدود عملية وسلامة نفسية - ما تخليكي تحت ضغط تتواصلي سريًا لو الأم رافضة؛ ده ممكن يزيد المشاكل. - لا تبادلي صور حسّاسة أو بيانات مالية. - لو حسيتِ بأي ضغط من الشاب — توقفي وراجعي الوضع مع أهلك أو جهة مسؤولة. 6) نصيحة إسلامية ومهنية - النية للزواج واحترام الشرع والعادات يسهّلوا الموقف. طالبِه إنه يكون واضح ويقدّم نفسه لأسرتك رسميًا إن كان جاد. - لو الوضع معقّد ومحتاج مساعدة في الحوار، ممكن تفكري في وسيط شرعي أو إمام يحافظ على الحياء ويدخل الأمور في إطار شرعي رسمي. لو تحبي، تقدري تتصفحي أسئلة مشابهة على فدني فحتلاقي تجارب ونصايح من بنات تانية، ولو تبغي مساعدة احترافية أكتر ممكن تلجئي لخبراء على صفحة الخبراء في فدني: https://www.fedni.net/experts وأخيرًا، اتذكّري: الشجاعة فعل مش غياب خوف — إنك بتفكري إزاي تتصرفي بأدب وحكمة دليل قوة. معاكِ ذكية، وبالتوفيق يا حبيبتي.
تم النشر الأحد، ٣٠ نوفمبر ٢٠٢٥
ممكن تعرفوا اي حد يكون كويس في شارعكم وياجي من ناحيته بس يكون شخص كويس اما بنسبه لامك فهي بتحبك وتخاف عليكي جدا يعني انت المفروض متكلميش الشاب ده تاني ولو عندك اخ او حد بتثقي فيه انه يساعدك كلميه وخلي بالك عشان أغلب الشباب بتكلم البنات وبتوعدهم بالجواز عشان يسلي وقته فمتخليش عندك الأمان ليه اوي يعني هو لو عايز يتقدم ياجي ويقول انه شافك في الشارع بصدفه وسأل وجه عشان يتقدم وربنا يصلح حالنا ويوفقك في الموضوع ده
تم النشر الأحد، ٣٠ نوفمبر ٢٠٢٥
ايا كانت علاقتك بأهلك جيدة أو سيئة ولكن عموما فكري ب 1% من العقل واسألي نفسك .. هل انتي ضمنتي الراجل ده انك تعيشي معاه في بيت واحد عشان اداكي كلمتين حلوين ؟!! وهل تعرفي كمية النصابين اللي عالسوشيال ميديا واللي لسانهم معسول ؟
تم النشر الاثنين، ١ ديسمبر ٢٠٢٥
في الغالب اللي بيكون عاوز يتقدملك بجد بيطلب رقم أبوكي وهو عليه الباقي بقا هيتصرف ما تقلقيش اللي عاوز بصدق بيضحي وبيسعى سعي رجل ،، مش بيخليكي إنتي تقولي لمامتك إنتي أغلى من إنك إنتي اللي تبلغي مامتك بحاجه زي كده دليه على البيت وسيبيه ييجي البيت من بابه
تم النشر الجمعة، ٥ ديسمبر ٢٠٢٥
لعرض السؤال في فدني اضغط هنا