وتاني يوم كلمت أخته في الشغل فقالت هو قعد يشكر فيك وفي اخلاقك وساعتها يعني فرحت
بس بعدها بيوم في الشغل قالتلي بس اخويا التاني مش موافق لأنه سأل على عيلتك وعرف كام واحد من ولاد عم أبوك أنهم بتوع مشاكل
فقولتلها برضو انا هستنى رد اخوكي بعدها بأسبوع
واتكلمنا بعدها بأسبوع وقالي كل شيء قسمة ونصيب لأن اختي مش موافقة انها تقعد مع حماتها
فقولتله ازاي حضرتك لما انا كلمت الوسيط اللي بيني وبينها أكددت انها موافقة ودليل انها موافقة اني انا اخدت رقمك
فقو قالي ما يمكن الوسيط مقالش كل حاجة
فقولتله أنا بكرة هتكلم مع الوسيط اتأكد منه
فهي كلمتني على الواتس متأخر وقالت أنا عرفت اخويا قالك ايه وقالي طب هاتي بقى رقم المشرفة بتاعتك دي واتصلي بيها قدامي فهي اتصلت برقم المشرفة بتاعتها بس هي مرددتش وهي قالتلي بالله عليك حاول تكلمها وتفهمها ع الحوار ده فاتصلت بالمشرفة وفهمتها الحوار وأخوها عيليتها عملوا الحوار ده كله عشان انا مفهمش ايه سبب الرفض الحقيقي
وكلمت أخته قولتلها يعني حاولي تتكلمي معاهم وقولي لهم دول ولاد عم أبوه يعني مفيش بعيد عنه وهو مش مختلط بيهم فهي بصراحة هي حاولت معاهم كذه مرة بس هما مش موافقين
وحاولوا أنهم يخطبوها لكذه شخص وهي مكانتش بتوافق وكانت بتحصل مشاكل كبيرة بينها وبين اخواتها وهي في العيد حاولت تتكلم مع اخوها والبيت كله كان ماشي برأي اخوها التاني فهو قالها ماشي هفكر في الموضوع ده واجي اكلمك بكرة وتاني يوم أمها قالت لها البسي كده عشان احنا رايحين لخالك فلما لبست امها قالتلها كويس انك لبستي عشان في عريس جايلك في السكة ولما رفضت اخوها قعد يزعقلها
وقعدوها مع العريس غصب عنها وقعدوا هما اللي يتكلموا نيابة عنها وخطوبتها يوم الجمعة الجاية والفرح كمان شهر والكلام ده كله عرفته بعد العيد في الشغل وقالت انها حاليا مقري فاتحتها وانا بصراحة اجا في بالي اننا نروح انا وهي لمأذون ونتجوز ويكون معايا شهود بس قولت مع نفسي ممكن تحصل مشكلة كبيرة بيني وبين عيليتها وصرفت نظر عن الفكرة دي وانا حاليا من جوايا انا مقهور فقولتلها انا هتصل بيه والمفروض اعرفه الحقيقة أن عرفت سبب الرفض الحقيقي منك
فلما كلمت اخوها قولتله حضرتك كان سبب الرفض عشان كان كام شخص من عيلتي فهو قعد يحلف كدب أنه هو مقالش كده وان السبب أن امها مش موافقة انها تقعد مع حماتها فقولتله في تناقض في الكلام دلوقتي مع أن اخوك الكبير قائل إن الرفض من عند اختك فقالي طالما اختي مش موافقة يبقا اختي مش موافقة وأخوها خلاها تقدم استقالتها من الشغل
انا بكتب الكلام ده حاليا وانا مقهور وحاسس بالعجز وقلة الحيلة وبدعي ربنا اللي هما عملوه معايا يخص كده معاهم بالحرف الواحد مع عيالهم لأنهم هما فرقوا بين اتنين بيحبوا بعض
أخي، أشعر بمدى الألم والقهر اللي بتمر بيه دلوقتي. اللي حصل معاك موقف صعب جدًا، خاصة إنك كنت شايف فيه فرصة لبناء حياة، وفجأة لقيت نفسك قدام رفض عائلي قاسي وتدخلات أجبرت البنت على قرار مش بإرادتها. ده بيخلي الإنسان يحس بالعجز والظلم، وده شعور طبيعي في مثل هذه المواقف. من منظور إسلامي، الزواج قسمة ونصيب، والله سبحانه وتعالى يعلم ما في القلوب وما هو خير لنا. اللي حصل ربما كان حماية لك من مشاكل أكبر كانت هتحصل لو استمر الموضوع، خاصة مع عائلة فيها هذا النوع من التدخل والضغط. ادعُ الله أن يعوضك خيرًا، وأن يرزقك الزوجة الصالحة التي تكون سببًا في سعادتك وراحتك، وتذكر قوله تعالى: "وعسى أن تكرهوا شيئًا وهو خير لكم". الدعاء بالخير لنفسك أفضل من الدعاء بالسوء على الآخرين، لأن الدعاء بالانتقام يثقل القلب ويمنعك من التقدم. عمليًا، حاول دلوقتي تركز على نفسك: خذ وقتًا للراحة النفسية، مارس هواياتك أو عملك بتركيز أكبر، وفكر في تحسين ظروفك المادية والاجتماعية عشان تكون جاهزًا لفرصة أفضل. لو لسه بتحس إن الموضوع مسيطر عليك، يمكنك استشارة شيخ أو مستشار أسري موثوق ليساعدك على تجاوز هذه المرحلة بطريقة متوازنة. ولا تنسَ أن تبحث عن أسئلة مشابهة على فدني لترى تجارب الآخرين وتستفيد من وجهات نظر إضافية. ربنا يفرج همك ويعوضك بالأفضل.
تم النشر الأحد، ١٤ يونيو ٢٠٢٦
انا مش فاهم انت عايز تعرف السبب ليه .. مش هيفرق معاك ف حاجه خلاص ده كان باب واتقفل ممكن هما مش عايزين يقولو السبب الحقيقى منعا للاحراج وانت عمال تحاصرهم ف هيضطرو يكدبو او يحصل لخبطه زى ما حصل .. بغض النظر عن ان اللى عكلوه صح او غلط انت شوف حياتك واللى مش مناسب ليهم مناشب لغيرهم وهكذا
تم النشر الأحد، ١٤ يونيو ٢٠٢٦
سيبك منهم وركز في حياتك ، بمجرد ما ربنا يرزقك بزوجة تستحقك وإنت تستحقها وأهلها يحترموك هتنساها وهتنسى أهلها ، بس إن غلطت لما كلمتها ،، خليك مباشر في كلامك في أي علاقه بعد كده ، يعني بنت عجبتك وعاوزها روح لأهلها واتقدم على طول ،بلاش الكلام الغير مباشر لإنه بيقلل من قيمة الإنسان، ،، والرجال أصلًا معروفين بالوضوح والمباشرة، أقفل أي مدخل بيوصلك معلومات عنها منه ، واشتغل على تطوير نفسك الفترة دي وزيادة دخلك المادي ، وركز أوي أوي في حياتك ،، وبعد كده دور على واحدة تكون عندها أخلاق ولبسها شرعي ومحترمه واتقدملها وخد خطوة
تم النشر الأحد، ١٤ يونيو ٢٠٢٦
لعرض السؤال في فدني اضغط هنا