السلام ورحمه الله وبركاته
ابني كان من صغره من أول ما دخل kg في مدرسه لغات إسلاميه وكانوا فاصلين البنات عن الولاد ووقت الصلاه لازم المدرسه كلها تصلي الظهر جماعه وهو كان فيها من kg لحد رابعه الترم الاول وانا كنت مقدماله في تجريبي علشان مدرسته كانت مصاريفها بقت غاليه جدا
اتقبل السنه اللي فاتت الترم التاني ونقلته ومن وقتها وهو مش مرتاح ابدا في المدرسه الجديدة والموضوع زاد جدا السنه دي علشان في فرق كبير في المستوى بين مدرسته الأولى و المدرسه الحاليه
... الولاد في المدرسه الحاليه معظمهم سيئين جدا وأخلاقهم صعبه وألفاظهم وحركاتهم وكل حاجه صعبه وابني انا مربياه على الحلال والحرام ومن وقتها بيواجه مشكله أنه مش عارف يتعامل معاهم لإنه مترباش على كده لدرجه انه كاره المدرسه وبيقولي انا لازم اكون زيهم وفي نفس أخلاقهم علشان اعرف اتعامل معاهم يا اما بيعتبروني ضعيف وبيقعدوا يتريقوا عليا
وانا مش هقبل أن سلوكه يكون وحش
ففكرت انقله أزهري
بس مش عارفه ده صح والا غلط وهل ممكن ينفع انقله السنه الجايه هو هيكون في سادسه ابتدائي
واي الفرق بين الأزهري حكومه وأزهري لغات
وخايفه أن المناهج تكون صعبه عليه وأكون كده زودت الموضوع عليه
أنا مش هقولك متدهوش ازهر بس هقولك انك هتخليه فعلاً ضعيف الشخصيه لأن أنتي بتقولي هو كويس ومحترم لانه اتعلم ده في المدرسه الاولي والمدرسه التانيه سلوك طلابها مش كويس سواء المدرسه دي او المدرسه هو كده كده هيتخرج منها وهيواجه الحياه بعدين هيلاقي النوعين نوع بقي من المدرسه المحترمه ونوع من المدرسه اللي سلوك طلابه مش كويس لاحظي أن الطلاب دول هما المجتمع بعدين يعني تخيلي هو مش هيتأقلم مع المجتمع بعدين ومش هيعرف يواجهه الناس لا هيبقى عاوز كل الناس من المدرسة المحترمه لكن الوقع مرير ودي هي الدنيا فيها السوي والغير سوي خليه يكمل في المدرسة الجديد ويثبت شخصيته واحترامه واخلاقه اللي اكتسبهم من المدرسه الاولي واللي يقدر يغيره للاحسن يعمله مش انه هو اللي يتغير للاسوأ علشان يعرف يتعايش معاهم قوليله هو ده العالم ده السلوك الحرام اللي كانوا يحذروك منه وانت دلوقتي في اختبار علشان يشوفوا انت هتعرف تحافظ على نفسك واخلاقك ومجتمعك ولا هما اللي هيغيروك للاسوء
تم النشر الثلاثاء، ٤ نوفمبر ٢٠٢٥
السلام عليك ورحمة الله وبركاته أختي العزيزة، أشعر تمامًا بقلقك وحرصك على مصلحة ابنك وحفظه من الوقوع في بيئة قد تؤثر على قيمه وأخلاقه. وضع ابنك الحالي يحتاج إلى تفهم وحنان، وهذا واضح من كلامك ومدى حرصك على تربيته وترسيخ القيم الإسلامية فيه. أولًا: فهم المشكلة الرئيسية ابنك يشعر بأنه غريب عن بيئة المدرسة الجديدة، وهذا طبيعي لأن مستوى السلوك والأخلاق مختلف. هو يعاني من ضغط نفسي بسبب محاولة التوافق مع زملائه الذين لا يتفق سلوكهم مع تربيته. هو في حالة صراع داخلي بين الحفاظ على القيم التي تربى عليها، أو التنازل عنها ليقبل في الوسط الاجتماعي. أنت من وجهة نظرك لا ترغبين في أن يتغير سلوكه إلى الأسوأ، وهذا موقف سليم وحكيم. هل فكرة النقل للأزهري مناسبة؟ نقل ابنك للمدرسة الأزهريّة فكرة جيدة جدًا خصوصًا إذا كنتِ تفضلين بيئة تعليمية محافظة ومتزنة تضمن له جوًا تربويًا متناسبًا مع تربيته وقيمه. الأزهري يوفر تعليمًا يعتمد على المنهج الإسلامي واللغة العربية، ويكسب الطالب بيئة أخلاقية متجانسة. الفروق بين الأزهري الحكومي والأزهري لغات الأزهري الحكومة: منهاج عربي بالكامل وتقليدي، يركز على المواد الدينية واللغات بما فيها العربية والإنجليزية بمستوى عادي، بأسعار أقل. الأزهري لغات: يمزج بين المنهج الأزهري والمناهج الحديثة للغات الأجنبية، مما قد يكون أصعب إذا لم يكن ابنك متأقلمًا مع اللغات أو أسلوبها، ولكنه قد يساعد في مستقبله الأكاديمي. هل المناهج صعبة عليه؟ قد تكون المناهج الأزهريّة مختلفة عن المناهج الانجليزية أو اللغات، خاصة من ناحية اللغة وطريقة التدريس، لكنها لا تعتبر بالضرورة صعبة، بل ربما تكون أبسط وإن كانت تعتمد على فهم عميق للدين واللغة العربية. بالنهاية، ابنك سيتعود عليها مع الوقت خاصة إذا كانت البيئة محفزة ومشجعة له نفسياً وأخلاقياً. خطوات عملية أنصحك باتباعها: التحدث مع ابنك بوضوح ومحبة : فسري له أنك تفهمي ما يمر به، وأن الحفاظ على قيمه أهم من الاندماج في سلوكيات لا تليق به. زيارة المدرسة الأزهريّة المشاركة معها في القرار : اطلعي على المناهج والتعامل مع الطلاب، وحاولي فهم البيئة التي سيعيش فيها ابنك. استشارة خبراء تربية وتعليم : يمكنك زيارة صفحة خبراء التربية والتعليم في فدني (https://www.fedni.net/experts) حيث ستجدين من يساعدك في توجيه القرار بصورة أفضل. تشجيع ابنك على الصبر والتأقلم مع نفسه : وغرس الثقة بقدراته وأخلاقه القويمة. النظر في نقل العام الدراسي القادم : فإذا كان الوضع مدمرًا له نفسيًا وأكاديميًا في المدرسة الحالية، فالنقل خيار مناسب. ختامًا ابنك في مرحلة حرجة بحاجه لدعمك وثقتك فيه أكيدًا أن قيمه وأخلاقه هي أجمل ما يملكه. لا تضغطي عليه ليكون "مثل الآخرين" بل شجعيه على القوة في الحسن والتواضع والتعامل الطيب. وإذا أحببتِ، يمكنكِ العودة لي هنا في فدني أو البحث عن أسئلة مماثلة لتستفيدي من تجارب الآخرين، أو التواصل مع خبراء التربية والاستشارات النفسية. ذكية معك دائمًا، وأدعو الله أن يوفقك وييسر لك الأمر ويرزق ابنك بيئة صالحة ينمو فيها بخير وسعادة. إذا لديك أي أسئلة أخرى لا تترددي! 🌷
تم النشر الثلاثاء، ٢٨ أكتوبر ٢٠٢٥
برأيي حوليله ازهر الازهر احسن بكتير سواء كان نموذجي او عادي انا محولة من عام لازهر لما كنت في تالتة اعدادي المواد مش صعبة خالص بتحتاج بس تأقلم مع المادة وحفظ القرآن محتاج استمرارية الفرق بين النموذجي والعادي ان النموذجي في فعاليات اكثر وفي اهتمام بالانجليزي اكتر من العادي
تم النشر الخميس، ٣٠ أكتوبر ٢٠٢٥
السلام عليكم ورحمه الله وبركاته بالفعل هو اقل يعني اقل فسادا من العام صراحه الاولاد اخلاقيات الاولاد واخلاق المعلمين بصراحه يعني الازهر افضل بكثير ولسه موجود في الحلال والحرام ولسه موجود فيه التعليم الاكاديمي والورقه والقلم مش التعليم اللي في مشاكل اللي هو في العام في مميزات تانيه حفظ القران المفروض عليه ميزه تانيه ان هو مفصول طول مرحله التعليم عن البنات وده شيء مهم جدا بيتعلم علوم شريعه اللي هو الناس بتخرج من العام مش عارف حاجه في اي حاجه إلا بقى لو اهله في الجانب ده كويس فيه علوم شرعية وبيحفظ في القران وبيتفصل على البنات والاولاد في فصل يعني في الاختلاط والطلبه فيه اقل شرا من العام واهاليهم اهل الطلبه دول بيكونوا افضل يعني طبعا مش قاعده بس اي اي حد بيدخل ولاده ازهر بيكون هم كويسين واولادهم كويسين فحتى لو صاحب اولاد من المعهد وراح بيتهم بيكون حضرتك مطمنه ان هو رايح بيت كويس لان اهله ناس متدينين ما بيدخلش الازهر غير الناس فيهم خير قوي قوي طبعا مفهوم المخالفه ان غير كده باش كويس لا بس هو كتير جدا من اهالي الاثر بيكونوا كويسين.
تم النشر الثلاثاء، ٢٨ أكتوبر ٢٠٢٥
الأزهر يعني بركة القرآن ومشفتش حد نقل عياله من حكومي لأزهر وندم يكفي عدم وجود قرارات متخبطة توكلي على الله
تم النشر الثلاثاء، ٢٨ أكتوبر ٢٠٢٥
لعرض السؤال في فدني اضغط هنا