انا ف اولى ثانوي مش عارفه احدد ادخل ايه علمي ولا أدبي ولا ليا هدف معين عايزه اوصلو حاسه ان انا مش هنجح و مش هعدي مش عايزه اخيب امل اهلي فيا دايما بحاول و بذاكر و اجيب مجموع عالي عشانهم و عايزه اخش علمي علوم عشانهم مع ان انا مفكرتش ولا عارفه هدخل ايه ولا ميولي للمواد ايه حاسه لو دخلت حاجه تانيه غير اللي كان نفسهم ادخلها هضيع فرحتهم بيا هيزعلو خصوصا ان انا بنتهم الكبيره دايما يقولولي انتي اول فرحتنا مش عايزه ازعلهم بس انا فعلا مش عارفه احدد مستقبلي بقيت ببني اي حاجه او باخد اي قرار عشان اسعدهم حتى لو هاجي على سعادتي انا مع انهم عمرهم مضغطوا عليا ف اي قرار و دا خلاني اكون عايزه احققلهم اللي نفسهم فيه مش اللي نفسي انا فيه
ما انتى طالما مفيش حاجة معينة نفسك فيها... يبقي خليكى زى ما انتى فى طريق انك بترضي اهلك... ده طريق لوحده بنيتك الحلوه فيه ربنا هيكتبلك فيه النجاح والتوفيق و فى طريقك أعطى فرصه لنفسك فى اكتشاف ما تحبين.. ومن الممكن أن تجدى انك تتوافقين مع رغبة اهلك وحتى ان اكتشفت طريقا مختلفا ف المستقبل يمكنك فعله. الكثير من القصص موجوده لأشخاص نجحوا فى طريقين (طبيب وعمل بالكتابة) (مهندس وبارع فى عزف الموسيقي) والكثير من الأمثلة
تم النشر الأحد، ٣١ ديسمبر ٢٠٢٣
طالما مفيش طريق واضح قدامك .. ادخلي اللي هما عاوزينه طالما انتي مش عارفه. ولكن برضه متستلميش للفكرة ديه .. يعني مش تقولي لنفسك خلاص طالما انا مش عارفه دلوقت هدخل اي حاجه وخلاص! لا .. اسعي واعرفي انتي عايزة ايه؟ ودوري في المجالا واقري عنها وكوني فكرة، وشوفي انتي بتميلي ل ايه؟ ولو فيه اختبارات تعرفي منها ميولك اعمليها .. وفيه اختبار هضعه ليكي برضه .. ف متستلميش للوضع الحالي .. طالما بتسعي علشان تعرفي ديه اهم حاجه .. وبابا وماما باذن الله ف الاخر كلكم تتفقوا ع حاجه كويسة https://www.for9a.com/learn/اختبار-تحليل-الشخصية-والتخصص-الجامعي-من-موقع-فرصة وفيه واحد تاني برضه يعتبر شبهه https://www.16personalities.com/ar/اختبار-الشخصية
تم النشر الأحد، ٣١ ديسمبر ٢٠٢٣
بصى مبدأيا بدال مش حطه هدف هتفضلى تايه خش اليوتيوب فى ناس ياما أوى بتتكلم عن ادبى ممكن تدخلك ايه وعلمى ممكن تدخلك ايه وده ليه مستقبل فين وده شغله بيبقى عامل ازاى ولو قعدتى فتره بتبحثى كويس على اليوتيوب انا متاكد انك هتلاقى اجابه وتعرفى ايه هدفك من التعليم اصلا لانك مش هتقعدى تعملى حاجه مش عارفه اخره فين زى انتى كده عامله زى الحفار إلى عارف ان الارض ديه مش تحتيه دهب.مهيحفر ليه بدال مفيش حاجه وبديهين هيسيب الحفر والدهب هنا انا شبهته بالهدف لازم تدورى على هدف هتخديه بعد تعبك فى الدراسه حتى هدفك ده وقت ما هتتعبى هيبقى هو البنزين إلى بيحركك.......وقرار ما بينك وبين اهلك فربنا أمرنا بالبر ولكن لم يأمرنا باتخاذ قرارات حياتيه أو شخصيه بناء على رغبه الأهل وتقدرى تسالى أو تبحثى عن اى شيخ بيتكلم قرارك لازم تبعديه عن عاطفتك وتبعديه عن اهلك واهلك مهما عملتى..اكيد مش هيبطلو يحبوكى واكيد مش هيبطلو يدعموكى فعلى أساس هدفك إلى هتبحثى عليه سواء كان فى اليوتيوب او جوجل ومتساليش. حد معين لانو هيقولك من وجهه نظره هو قبل ما يفهمك واتخذى قرارك على أساس هدفك واصرى عليه وزى ما انتى بتقولى هما مش بيضغطو عليكى ....وهما مستحيل يزعلو على قرار هيفرحك وانتى هتبقى مبسوطه وانتى بتاخديه وكمان بتبقى ماشيه فى هدفك الى اكيد هيبقى كويس واكيد لو قولتلهم هدفك هيدعموكى..بالمختصر ....دورى على هدفك....اهلك مش هيزعلو من قرارك .....اتمنى اكون فدتك
تم النشر الاثنين، ١ يناير ٢٠٢٤
لعرض السؤال في فدني اضغط هنا