انا تالته إعدادى ومش عارفه ادخل إيه .. والدتى عايزانى ادخل معاون مباحث ال هى سنه ونص انا مستويه حلو جدا وعلطول بطلع التالته على المدرسه وولدى عايزنى ادخل تمريض علشان مصاريف الثانوي غاليه علما انا والدى شغال فراش فى مدرسه وشغال أمن فى شركه عادى انا ممكن اشتغل واصرف على تعليمى انا عايزه اخش ثانوى وبعدين كليه طب خايفه اكون مش قد الخطوه ديه ويكونوا هما صح وجزاكم الله خيرا
ادخلي ثانوية عامة وماتخديش دروس وهتلاقي أن مصاريفك مش أكتر كثير من مصاريف المدارس التانية وقولي لوالديك أي قرش هيصرفوه عليك دلوقتي في الثانوي هترديه لهم أضعاف إن شاء الله لأنك متفوقة ولك مستقبل كويس و...
توكلى على الله بس كونى قد المسؤولية وذاكرى كويس ومتزوديش عليهم فى الدروس ...انتى ممكن تذاكرى اون لاين اصلا دلوقتى الدروس كتير
هتكوني قد المسؤولية طالما انتي عايزة كده باذن الله متخافيش .. انتي تحاولي تظبطي امورك في كل حاجة في الثانوية العامة .. بحيث انك تقللي من مصروفتها على قد ما تقدري. وطالما انتي متوفقة خلاص ايه اللي يمنع...
يا ريت تعرفي أن فيه مؤسسات خيرية بتعطي منح للطلاب لاستكمال التعليم الجامعي مثل مؤسسة مصر الخير .. وأكيد هتلاقي اللي يشرفه أنه يدعمك في الثانوي برضه طالما أنك متفوقة .. واعرفي أنك ممكن تتفوقي في الثانو...
حياة الإنسان عبارة عن شوية قرارات مهمة بتغير مصير الإنسان بالكامل للأحسن او للأسوء.. اقعد معاهم و ناقشهم في رغبتهم دي و شوف انهي الأصلح لك ولازم تحكم عقلك كويس قوي لان ده واحد من القرارات المصيرية، و لازم لازم لازم تاخده بنفسك بعد اما تحسبه كويس حلو و وحش بمعني تحسب لو الخطوة دي نجحت او فشلت مصيريك هيبقي ايه و تأثيره علي حياتك، برضه لازم يبقي عندك شخصية و القرار يبقي قراراتك لان دي حياتك انت مش حياة ابوك ولا امك مع كامل الاحترام.. بس عايزك و انت في الوسع كده تحسب كل الخيارات بتأني و تاخد وقت و بلاش تختار حاجه علشان هيه الاسهل، الناس بتتعب في شبابها علشان ترتاح لما تكبر و لما تاخد القرار تتحمل مسؤلية قرارك للآخر و متحملش حد النتايج، علشان اصلا القرار قرارك و انت بطل قصة حياتك بس لازم تسأل و تستشير الأكبر منك خصوصا لو انت لسه مسؤل منه، بتمني لك التوفيق.
أن شاءالله شكرا جدا لحضرتك
لعرض السؤال في فدني اضغط هنا