السلام عليكم، أنا بشكل عام ضد فكرة تصوير كل شيء وتحويله لتريندات. وحقيقة، الأمر تحول مؤخرا إلى سلوك مجتمعي أرى أضراره أكبر من نفعه. ليست كل الحالات تحتاج للنشر على المنصات وتحويلها لتريند لحل المشكلة وما يحدث مؤخرا يثبت أن الأمر يخرج من نطاق المعالجة إلى نتائج أسوأ. سواء كان الأمر المخالف هذا مجرد مشكلة بسيطة أو جريمة أو خطر على الناس، برأيي الحل الأفضل هو تحويل الأمر للجهات المختصة والسيادية، تصوير الحدث يكون كنوع من الأدلة لتبليغ الجهات المسؤولة والتعامل بالإجراءات القانونية. التوثيق شيء وتحويل الأمر لترند شيء آخر. هناك حالات بالطبع قد تحتاج لضغط مجتمعي لسرعة الاستجابة لحلها والتعامل معها وتتحول وقتها لقضية رأي عام، لكن بشكل عام كثير من المشاكل والترندات الحالية يسارع الناس للحكم من طرف واحد وقد يتضح لاحقا أن الأمر بخلاف ما تم تصويره وقد يظلم أبرياء ويخاض في عرضهم وذواتهم وعندما تظهر الحقيقة لا يهتم أحد بنشرها أو توضيحها.
توضيح المتحرش بيبقي عامل بلاوي زمان بس ربنا بقا بيخلص رصيد الستر اللي عنده*
تم النشر الأربعاء، ١٧ يونيو ٢٠٢٦
حضرتك شكلك راجل قانوني ،،بس أنا بتكلم نيابة عني. وعن اي بنت بتفضح واحد متحرش ابن كلب بس دي مش عواطف دا اسمه دليل ونشر الدليل مش تشهير بينشروه بهدف انه يوصل للداخليه غير كذا مش هيوصل ولا البنات الكتير دول هياخدوا حقهم ،،بتشكر حضرتك تاني علي بلاغتك وكلامك 🙏🏻
تم النشر الأربعاء، ١٧ يونيو ٢٠٢٦
أيوة تشهير طبعا واللي بعتمل كدا بيكون نهايتها السجن. يا جماعة في حاجه اسمها قانون والقانون بيحكم بناء علي معطيات مش بناء علي أهواء وعواطف. وحتي لو مفيش دليل لأن بطبيعة الحال بعض الجرائم ومتها التحرش مش بيكون عليها دليل. بس بيكون ليها قرائن. ودا بيكون محل نظر الجهات المختصة. حضرتك حكمتي ان كل شخص تم التشهير به هو فعلا متحرش ودا كلام غير سليم وبعضهم ان لم يكن معظمهم برئ من التهمة دي
تم النشر الأربعاء، ١٧ يونيو ٢٠٢٦
@لِينَا مُحَمّد شكرا جدا لتفهمك❤️ أنا عارفة أكيد وفاهمة كلامك كويس في النقطة دي. هو المشكلة إن الموضوع بقى معقد ومتشابك والسوشيال ميديا عموما بقت فوضى مؤخرا، ربنا يهدي الجميع... آسفة للموقف اللي تعرضتِ له، ربنا يحفظك ويحفظ كل البنات. 💚💚
تم النشر الأربعاء، ١٧ يونيو ٢٠٢٦
@mai mahfouz صدقيني مفيش بنت بتنزل بهدف الإعجاب واللايك إلا بتوع الحواري والسرسجين لكن مفيش بنت بتتعرض لكدا وتنزل علشان لايك وتشوه سمعتها لكن شكرا علي شرح حضرتك يا دكتورة ❤️🙏🏻
تم النشر الأربعاء، ١٧ يونيو ٢٠٢٦
تشهير وسمعة اي !! الإشكال دي لو ما تفضحتش ممكن ما تكتفيش انها تتحرش لفظيا او بطريقه سطحية ممكن يحصل الاسوأ من كدا دا تحرش مش خناقه حضرتك لكن احترم وجهة نظرك بتقول حضرتك اطلب المساعده من الآخرين أنا في واحد حيوان شامتي في الشارع بدون سبب هل لما طلبت راجل يساعدني ساعدني؟!!كانوا بيضحكوا ومنهم اللي قالي اني ما تربتش علشان برد علي راجل قد بابايا واني مش معايا دليل انه شتمني بدون سبب يا أستاذ إبراهيم شكرا انك متفهم🙏🏻
تم النشر الأربعاء، ١٧ يونيو ٢٠٢٦
@لِينَا مُحَمّد أنا مشككتش أبدا في إن فيه بنات كتير بتتعرض للتحرش وإن فعلا بيحصل كده كتير في المواصلات، أكاد أجزم إن تقريبا كلنا كبنات تعرضنا لده فعارفة كويس إحساس البنات في المواقف دي، كل القصد من النقاش إن الموضوع فعلا بدأ يخرج عن السيطرة في مسألة التصوير والنشر، مفيش مشكلة في التصوير ذات نفسه عشان يتقدم بلاغ للسلطات والبنت تجيب حقها لكن إن الناس تتسرع وتنشر كل حاجة على الإنترنت فده تحول لمشكلة في حد ذاته عكس ما كان مفروض يكون حل، ومش بتكلم عن التحرش بس، حاليا أي خناقة بسيطة ولا حتى اتنين خبطوا بعض بالغلط وشتموا بعض بقى يتصور وينزل على النت وبوستات السوشيال ميديا تقلب خناقات في التعليقات وناس بتشتم بعض بأسوأ الألفاظ ومفيش مانع يخوضوا في الأعراض ويقذفوا شرف غيرهم.. الترند مش قصدي به حتى مجرد المعنى السطحي إن مثلا الشخص بينشر متعمدا عشان لايكات وتفاعلات قصدي في العموم إن فيه حدث يشتهر لفترة على النت ويعمل ضجة ومشاكل أكتر بين الناس سواء قصد صاحبه منه كان كويس أو غلط.
تم النشر الأربعاء، ١٧ يونيو ٢٠٢٦
متفهم رأيك ومقدر الضرر النفسي اللي بيقع من انتشار التحرش ولكن دا برضو لا يبرر التشهير والإضرار بالسمعة بدون دليل. والأفضل هو التصوير وطلب المساعدة من الموجودين والإتصال بالشرطة والقضاء والمباحث هم من يتولو مهمة الحكم بين المدعي والمتهم
تم النشر الأربعاء، ١٧ يونيو ٢٠٢٦
@mai mahfouz فيديوهات السوشيال ميديا اللي بتحكي عن التحرش مش تريند حضرتك نكتفي بإني اقول كدا ومش هيحس انه تريند غير اللي مرّوا بدا!
تم النشر الأربعاء، ١٧ يونيو ٢٠٢٦
اللي قصدته بقضايا الرأي العام مسائل كبيرة، مثال جريمة قتل حصلت في ميدان وبشهود وحصل تقصير من الجهات المختصة، قضايا فساد ورشاوي وهكذا... فيه فرق بين سلوكيات بشرية وتصرفات تحتمل تفسيرات مختلفة ممكن صاحبها بريء وأسيئ فهمه وبين جرائم مجتمعية واضحة ومدعومة بأدلة... قضايا الرأي العام قضايا مجتمعية لا تحتمل تفسيرات شخصية قد تصيب أو تخطئ... اللي قصدته أيضا برفضي للتريندات هو المنتشر على السوشيال ميديا حاليا من فيديوهات اتهام بالتحرش أو اشتباه سرقة أو غيرها، حتى ممكن شخص يكتفي بتصوير طفل على بلكونة ومهدد يقع في أي لحظة بدل التدخل لإنقاذه ويحول الأمر لترند إهمال أسري... وزي ما قلت ده بقى سلوك مجتمعي للأسف ومش مقتصر على مصر عامة، العالم كله بقى كده.
تم النشر الثلاثاء، ١٦ يونيو ٢٠٢٦
المشكلة حضرتك في كلمة (تحويل المشكلة لقضية رأي عام للضغط علي المسؤوليين) لأن كل واحد من وجهه نظره هيبقي شايف ان مشكلته مهمة وتستحق انها تبقي قضية رأي عام. وبرضو مادام حضرتك شايفه ان في مشاكل تستحق النشر يبقي احنا رجعنا لنقطة الصفر: ايه هو الموقف اللي يستحق يتنشر ويبقي قضية رأي عام؟ يعني مثلا واحدة ماشية في الشارع لقت واحد عمل حاجه هي تعتقد انه غير قانوني زي مثلا حط شنطة علي حجره، او لف سيجارة، او طلع موبايله وصور الشارع، كل واحدة من التلات مواقف دول حقيقية وحصلو الشهر اللي فات. وكل واحدة من التلات بنات كانت فاكرة ان دا فعل فاضح او غير قانوني او تحرش ولازم أنشرة وأطلعه تريند علشان أكسب تعاطف الجمهور والجهات تتحرك. وبعد ما الجهات تتحرك يكتشفر سوء الفهم منها وحسن النية من الطرف الآخر ويتقبض عليها هي بتهمة التصوير بدون اذن ونشر شائعات والإضرار بالسمعة.
تم النشر الثلاثاء، ١٦ يونيو ٢٠٢٦
لعرض الإجابة في فدني اضغط هنا