السلام عليكم ورحمه الله وبركاته،
أنا بعاني من مشكله انو مش بعرف أعبر عن كل مشاعري ولو عبرت بعبر بشكل غلط بيخلي اللي يسمعني يفهمني بشكل غلط واحيانا وقت زعل بيني وبين أشخاص معينين مش بقدر أبرر موقفي ويكتفي بالسكوت واللي قدامي بيحس انو انا مش مهتمه أبرر على الرغم انو انا عكس كده وهو شعور أو كانو حاجه بتقيدني عن التبرير والتعبير...
نفسي اطلع كل اللي جوايا... انا مليانه غلطات في التعامل منها عصبيتي ووقت الزعل بيطلع مني كلام يجرح كتير بس والله غصب عني وحاسه انو جوايا مشاعر كتيره مكتوم مش عارفه اعمل اي؟
حاولي تطلعي كل المشاعر في الكتابة أنك تتعودي تأخذي نوت بوك تكتبي فيها كل المشاعر المكتومه جواكي عشان متأذكيش نفسياً وهترتاحي لأنك افرغتي الي جواكي الي مش عارفه تفرغيه لحد وبالتالي هتتعلمي تعبري عن مشاعرك عشانك لما تكتبي مشاعرك في ورقه فانتِ بتحاولي تعبريها لنفسك وتفهميها ودا الاهم فابتشوفيها من منظور آخر وبتتعلمي تصيغيها فابتفهمي نفسك بشكل أكبر فبالتالي لو فضلتِ تواظبي علي كتابة مشاعرك هتخرجي مشاعرك من غير ما تشعري للقدامك لأنك دايماً بتخرجيها لنفسك واظن بردو دا من الخوف من حكم الناس علي مشاعرك لكن متخافيش اعرفي أنه من حقك تعبري عن مشاعرك كإنسانه وانتِ لما تعرفي تعبري عن مشاعرك العصبيه هتخف عشان العصبية بتعوض المشاعر الي مش عارفه تقوليها وحاولي تعملي رياضه حتي لو شئ بسيط هتساعدك
تم النشر الجمعة، ١٢ ديسمبر ٢٠٢٥
اول غلطه انك حاطه قدام عينك أن تعاملك غلط وعصبيه ، فخلاص عقلك بقى متقبل أن انتي كدا فوقت التعامل كأنه بيقولك مش فارقه ما انتي كدا كدا عصبيه ، البدايه انك تهيأي نفسك انك بتعرفي تتعاملي عادي خالص وبراحه ، وكمان العصبيه دي بترجع للي بتتعاملي معاهم علي فكره ، يعني متحطيش علي نفسك لأنها اوقات كتير بتكون غصب عننا ، تاني حاجه الكلام اللي مش بتعرفي تعبري عنه لانك عندك حصيلة كلمات قليله مش لانك عندك مشكله في التواصل ، دا بيرجع لانك مش بتقري كتير ولأنك بتتعاملي قليل ودايرتك قليله ، كمان بنسبه كبيره العصبيه بتكون بسبب الكلام المكبوت جزاكي ومش عارفه تحكيه أو أو تعبري عنه حتي بالعياط ، الموضوع دا هيتظبط معاكي لو هديتي كدا وطلعتي اللي جواكي وعيطي شويه صدقيني المشكله دي كلنا مرينا بيها وفعلا بنحس اننا مش بنعرف ندخل في نقاش أو نقول راي زي اللي بيقول لأن كلامنا علي طول طاير من عقولنا ، اهم حاجه زي ما قولتلك تأهلي عقلك لمعلومات وكلمات ومفردات ليها بحيث كلمه تروح يكون جاهز عندك كلمه تانيه بنفس المعني
تم النشر الجمعة، ١٢ ديسمبر ٢٠٢٥
حاولي لما تردي علي حد انك تدي نفسك ثانيه تفكري في كلامك وترتبي كلامك وبعدين تقوليه وبلاش العصبيه الزياده اللي تخلي اللي قدامك يفهمك غلط اهدي ورتبي كلامك واتكلمي بثقه وهدوء ،حاولي انك تتحكمي في عصبيتك وانفعالاتك خليكي هادئه وثابته وانتي بترودي ورتبي افكارك وخودي الموضوع ببساطه وواحده واحده هتتعودي وهيبقي الموضوع عادي .
تم النشر الأربعاء، ١٠ ديسمبر ٢٠٢٥
حاولي تبقي أهدي كل ما تتعصبي اتنفسي بالراحة والمشاعر المكتومة ممكن تحاولي تحكي لمامتك مثلا أو تتكلمي معاها ولو مش قادرة تحكلها كل حاجة اكتبي في ورقة كل الكلام إللي عايزة تقولي واحرقيها أو ارميها وإسمعي قرآن علطول هيخليكي هاديه ويحسسك إنك مرتاحة ومش محتاجة تتعصبي لحاجة
تم النشر الجمعة، ١٢ ديسمبر ٢٠٢٥
جزاكي الله خيرا هعمل كدا بإذن الله
تم النشر الجمعة، ١٢ ديسمبر ٢٠٢٥
ايوا بس انا بأذى الناس
تم النشر الجمعة، ١٢ ديسمبر ٢٠٢٥
العصبي دا قلبه ابيض علي فكره
تم النشر الخميس، ١١ ديسمبر ٢٠٢٥
حد يفيدني يا جماعه
تم النشر الأربعاء، ١٠ ديسمبر ٢٠٢٥
لعرض السؤال في فدني اضغط هنا