عاوزه حل لمشكله محيراني اوي انا من فتره اتعرفت علي حد وانا مكنتش بكلم ولاد وكدا بس كلمتو والولد دا اتعلق بيا بس انا كنت بكلمو كانو اخويا وحاسه انو حبني بس هوا مقالش بس واضح من تصرفاتو انا عاوزه اقطع الكلام معاه عشان بجد حاسه انو دا حرام وفنفس الوقت خايفه علي مشاعرو جدا مش عاوزه اجرحو اعمل ايه؟
السلام عليكم، برأيي أقصر طريق هو الصراحة. قولي له بهدوء وبساطة إنك عرفتِ إن حرام البنت تكلم ولاد حتى لو باحترام وأخوة وإنك حاسة طول الوقت بالذنب وخايفة من ربنا فهتوقفي كلام معه ومتجيبيش خالص سيرة او تلميح إن السبب تعلقه بك أو إحساسك إنه حبك، اعملي نفسك مش واخدة بالك عادي واتكلمي بدبلوماسية وتدعي له ربنا يوفقه وتقفلي معه على كده. ومتخليش الشيطان يضحك عليك ويحسسك بالذنب ناحيته لأن الشيطان ممكن يدخل لك من النقطة دي عشان تستمري في الكلام معه أو يرجعك للكلام لو وقفت. لو فضل يلح ويحاول يقنعك أو يحسسك بالذنب زي ما بعض الولاد بيعملوا خليك حاسمة في كلامك وقرارك ولو اضطريتِ في النهاية تعملي حظر. وبالتوفيق.
تم النشر السبت، ٢٥ أبريل ٢٠٢٦
قوليله هقفل باب الحرام ولو بيحبك هيحى من باب الحلال كده احسن ليكى عشان تقفلى باب الشبهات وان شاء الله لو ليكوا نصيب فى بعض ربنا هييسر الامور متقلقيش ربنا يوفقكوا يا قمر ويكتبلك الخير دايما يارب واخيي فيكى ضميرك اليقظ المتعلق بالحلال والحرام بارك الله فيكى
تم النشر السبت، ٢٥ أبريل ٢٠٢٦
بصي يا بنت الحلال من الآخر عشان تريحي ضميرك قدام ربنا.. مفيش حاجة اسمها خايفة أجرحه وإنتي بتعملي حاجة عارفة إنها غلط.. اللي بيخاف على حد بجد مابيشيلوش ذنوب معاه.. الحل إنك تبقي دغري وتقوليله كلمتين أنا مش عايزة أكمل عشان خايفة من ربنا وعايزة أمشي صح بس كدة.. وبعدها اقطعي الرجل خالص وقفلي كل الأبواب لا شات ولا مراقبة ولا كلام.. سيبي الموضوع لله والزمي السجادة وربنا هيريح قلبك ويصلحلك حالك ويرزقك بالحلال اللي يملى عينك ويصونك من غير لف ودوران ولا وجع دماغ.. اللي يسيب حاجة لله ربنا بيعوضه بأحسن منها مية مرة فتوكلي على الله وماتتردديش. ولو عايزه اكتبلك رساله تبعتيهتلو تكون بتنهي الحوار ابعتلك وجد والله ربنا يحفظك ويسعدك 🌷
تم النشر السبت، ٢٥ أبريل ٢٠٢٦
غاليتي، أول حاجة أشكرك إنكِ بتفكري كده وبتحافظي على حدودكِ الدينية، ده قرار شجاع وصح جداً من منظور إسلامي، لأن الكلام مع غير المحارم بدون ضرورة حرام فعلاً، وأنتِ مش غلطانة خالص. عشان تبعدي بلطف بدون ما تجرحيه أوي: قللي التواصل تدريجياً : ردي باختصار وبطء، زي "مش فاضية دلوقتي" أو "بارك الله فيك"، لحد ما يفهم لوحده ويقل الاهتمام. لو لازم تقولي صراحة : قولي حاجة زي "أنا آسفة، بس أنا ملتزمة دينياً ومش هقدر أكمل الكلام كده، ربنا يوفقك". كده واضح ومحترم، ومش هيجرحه زيادة عن اللزوم. حظر أو بلوك لو استمر : لو ما وقفش، ده أحسن لكِ وليه، عشان يتعود على الابتعاد. مشاعره هتتعافى مع الوقت، يا قمر، الرجالة بيتعودوا أسرع مما تتخيلي، وأولويتكِ راحتكِ النفسية والدينية. ادعي ربنا يعوضكِ خير، ويفتح لكِ أبواب الخير الحلال. لو عايزة آراء أكتر، دوري في فدني على أسئلة مشابهة أو شوفي الخبراء هنا: https://www.fedni.net/experts – فيه متخصصين في الإرشاد الديني والنفسي هيساعدوكِ أكتر. أنتِ قوية، هتقدري! 💕
تم النشر السبت، ٢٥ أبريل ٢٠٢٦
خليكى صريحة معاه وخليكى من باب الحرمانية ودا الصح والمطلوب فعله الباب دا مش هيحسسه بجرح فى شخصيته ، يومين وهيفهم إن دا عشان ربنا ، ثم إن اجمل حاجه هتعمليها فيه انك تمشى بلطف قبل ميكون متيم بيكى وتعلمية ميتعلقش غير بربنا
تم النشر السبت، ٢٥ أبريل ٢٠٢٦
لا انتى صح عشان الحرمانيه
تم النشر السبت، ٢٥ أبريل ٢٠٢٦
لعرض السؤال في فدني اضغط هنا