بعد اذنكم عندي مشكله وهي التوتر والقلق الزياده خصوصا في شغلي دائما خايف وقلقان وحاسس اني معنديش ثقه في نفسي لدرجه اني مش طايق الشغل اصلا ولا عايز اشتغل خايف ليكون حد عاملي حاجه ارجو الافاده
محتاجة اعرف هل السبب وراء قلقك دا شئ حدث بالفعل ؟؟ ولا مجرد افكارك الشخصية ؟ ، وهل حاولت التحدث حول مخاوفك قبل كدا مع شخص مختص ؟
تم النشر الاثنين، ٨ سبتمبر ٢٠٢٥
السلام عليكم ورحمه الله وبركاته التوتر والقلق ده اللي حصل الشغل هل ده اول شغل لينا خالص عندي اول مره نشتغل ولا ده شغل احنا بقى لنا فيه مده طويله هل حصل احداث جديده في الشغل؟ هل فيه يعني احتمالات او او اخبار لها علاقه بان احنا ممكن نسيب الشغل ممكن يحصل فيه تطورات احنا مش مرتاحين ليها يعني ايه التغيرات اللي حصلت ممكن تكون هي اللي في الجاره نقطه القلق والتوتر ده بالنسبه للشغل لانه وارد يكون في حاجات ممكن نفتكر انها بسيطه لكن هي دي السبب في الالم
تم النشر السبت، ٦ سبتمبر ٢٠٢٥
مرحباً بك، لا تخجل من مشاعرك، فالكثير من الناس يمرّون بفترات من التوتر والقلق، وخاصة في بيئة العمل التي قد تكون ضاغطة أحياناً، وأنت بالفعل تسعى لفهم المشكلة وهذا هو أهم خطوة نحو التحسن. دعنا نفصّل معًا خطوات عملية قد تساعدك في تقليل الخوف والتوتر وبناء ثقتك بنفسك: فهم أسباب القلق والتوتر: حاول تلاحظ ما هي المواقف أو الأسباب التي تزيد من شعورك بالخوف والقلق في العمل. هل هو خوف من الفشل؟ من الانتقاد؟ أم ضغط العمل نفسه؟ التعامل مع السبب الأساسي يساعد كثيراً. تنظيم الوقت والمهام: حاول تقسيم مهامك إلى أجزاء صغيرة وترتيبها حسب الأولوية. هذا يقلل الشعور بالارتباك ويرفع من إحساسك بالسيطرة، مما يخفف القلق. تطوير مهاراتك: ضع خطة لتعلم مهارات جديدة أو تحسين مهاراتك الحالية في مجال عملك. كلما شعرت أنك ملمّ بالأمور، زادت ثقتك بنفسك وقل خوفك. التحدث مع مشرفك أو زملائك: إذا كنت تشعر أن هناك ضغطًا غير مبرر أو سوء فهم، يمكنك بحكمة وهدوء التحدث مع مديرك أو زملائك. أحيانًا مجرد شرح مشاعرك يمكن أن يخفف العبء. ممارسة التوكل على الله والدعاء: الاستعانة بالله والذكر والدعاء من أعظم ما يخفف القلق، واجعل نيتك في العمل خالصة لوجه الله، فهذا يريح القلب ويزيد الطمأنينة. تحديد أوقات للراحة: لا تهمل نفسك، خذ فترات قصيرة للاستراحة خلال يومك، وابتعد قليلاً عن العمل لتجديد نشاطك. اطلب مساعدة نفسية: إذا استمرت مشاعر القلق والتوتر بشكل مزمن، فمن الأفضل أن تتحدث مع متخصص نفسي لكي تحصل على الدعم المناسب، حيث أن التوجيه المهني يساعد كثيراً في هذه الحالات. في النهاية، اعلم أن حب العمل والثقة بالنفس ينموان تدريجياً مع الوقت وبالخطوات الصغيرة. لا تضغط على نفسك كثيرًا، وكن صبورًا مع ذاتك. إذا أحببت، يمكنك زيارة صفحة الخبراء على منصة فدني لتجد مستشارين نفسيين ومدربين حياة يمكنهم مساعدتك بشكل متخصص ومباشر. وإيضاً تصفح الأسئلة المشابهة لمشكلتك قد تجد فيها تجارب واقتراحات قيمة من مستخدمين آخرين. أنا هنا دائماً لمساعدتك، فلا تتردد في طرح المزيد من الأسئلة أو توضيح أي جزء لم تفهمه. دمتم بخير يا صديقي!
تم النشر الجمعة، ٥ سبتمبر ٢٠٢٥
خوفك من غير سبب ولا حصلت معاك حاجة قبل كده
تم النشر الاثنين، ٨ سبتمبر ٢٠٢٥
القلق والتوتر لابد لهم من سبب سواء فكري أو جسدي .. فهل انت عندك تفكير انك في خطر في الشغل أو في منافسة أو انت مطارد لأن عملت حاجة غلط مثلا .. هل كان في قسوة أو اهمال في الطفولة ومتستهينش بالطفولة والماضي لأن مازالت المواقف في عقلك الباطن ولما بتفتكرها بتجيلك نفس المشاعر اللي كنت بتعيشها زمان / ده عشان تعرف سبب التوتر وأحيانا بيبقا في أفكار مغلوطة زي القناعات اللي بتسبب توتر زي مثلا صورة ذهنية ان اللي في الشغل دول انذال وبيتقربوا من المدير ده مثال بس .. أو مثلا شخص لما كان في المدرسة كان بيتضرب فربط اي شغل بالضرب والعقاب والتشدد والقلق
تم النشر الاثنين، ٨ سبتمبر ٢٠٢٥
ولو مقتدر ماديا روح لدكتور نفسي يساعدك مش عيب
تم النشر الأحد، ٧ سبتمبر ٢٠٢٥
بيبقى غالبا من صدمات الطفولة حاول تخصص وقت لنفسك في اليوم فضفض واسأل نفسك شوية اسألة انت حاسس بكذا ليه في حاجات بتبقى ناتجة عن صدمات الماضي ملهاش حل غير انك تقعد مع نفسك وتفهم نفسك كويس عشان تحاول تتشافى من صدمات الماضي
تم النشر الأحد، ٧ سبتمبر ٢٠٢٥
ممكن يكون سبب جسدي .. عموما أنصحك بالرياضة أو التأمل لأنهم بيخففوا التوتر .. جرب ولو مخفش يبقا الافضل تستشير دكتور بس موثوق عشان مش يزيد المشكلة أو يستغلك .. ومتكسلش لأن التوتر ممكن يؤثر على الصحة
تم النشر الجمعة، ١٢ سبتمبر ٢٠٢٥
خوفي من غير سبب للاسف
تم النشر الجمعة، ١٢ سبتمبر ٢٠٢٥
انا بمر بشوية قلق بردوه بقالي اربع شهور مأثر عليه اكتر حاجه ساعدتني في تقليله شويه قرأت سورة البقرة وياسين
تم النشر السبت، ٦ سبتمبر ٢٠٢٥
لعرض السؤال في فدني اضغط هنا