مش مظبط نومي و الدنيا بايظه شويه من حيث حاجات كتير و كمان مش عارف المدرسين الكويسين اون لاين و مش عارف اخد اون لاين و سنتر مع بعض ولا ده هيضيع وقت
أنا فاهمة إنك في مرحلة صعبة جدًا دلوقتي، تالتة ثانوي بتكون ضغط كبير، والنوم مش مظبط بيخلي كل حاجة أصعب. خلينا نرتب الأمور خطوة بخطوة عشان تقدر تتحكم في الدنيا شوية. أول حاجة النوم: حاول تثبت موعد نوم وصحيان ثابت كل يوم، حتى لو في الإجازة. ابدأ بتقليل استخدام الموبايل قبل النوم بساعة على الأقل، وخلي غرفتك مظلمة وهادية. لو الدنيا بايظة من نواحي كتير، قسم يومك لمهام صغيرة بدل ما تفكر في كل حاجة مرة واحدة، ده هيقلل الإحساس بالضغط. بالنسبة للمدرسين والدراسة: أفضل طريقة إنك تسأل زمايلك أو ناس في السنة اللي فاتت عن المدرسين الكويسين أونلاين، وشوف تقييماتهم وطريقة شرحهم. أما بخصوص الجمع بين الأونلاين والسنتر، ده ممكن يكون مفيد لو اخترت مدرس واحد أساسي في السنتر عشان المتابعة والامتحانات، ومدرس أونلاين للمواد اللي محتاج فيها شرح إضافي. لكن لو هيضيع وقتك في التنقل أو التشتت، ركز على خيار واحد في البداية لحد ما تنظم جدولك. جرب تبدأ بجدول أسبوعي بسيط فيه أوقات ثابتة للدراسة والنوم، وعدل عليه حسب تجربتك. لو عايز نصايح أكتر عن تنظيم الوقت أو اختيار المدرسين، ابحث عن أسئلة مشابهة على فدني عشان تشوف تجارب ناس تانية. أنت قادر تتجاوز المرحلة دي، خد خطوة بخطوة.
تم النشر الاثنين، ١٣ يوليو ٢٠٢٦
ابدائي سنتر وبلاش اونلاين خالص عشان تالته ثانوي محتاجه متابعه وتطبيق ف الحصص ومتسمعيش من حد يقولك ظبطي نومك والكلام دا النوم كدا كدا بايظ نامي وقت ما تنامي وذاكري وقت ما تبقى فايقه عشان لو فضلتي تدوري ع نظام نومك هتضيعي وقت مذكرتك ف تعديل نظام النوم
تم النشر الجمعة، ١٧ يوليو ٢٠٢٦
ايوا فهمت جزاكم الله خيرا @mai mahfouz
تم النشر الخميس، ١٦ يوليو ٢٠٢٦
@Ahmed Osama أي سؤال ممكن تشارك في الرد عليه بطريقتين، يا إما تعليق زي التعليقات اللي كاتبينها هنا دلوقتي أو بإجابة في خانة الإجابات في آخر الصفحة وبتظهر إجابتك منفصلة مش وسط تعليقات باقي الأعضاء.
تم النشر الخميس، ١٦ يوليو ٢٠٢٦
منا بقولك كنت باخد عربي وكيميا بس لأني كنت محتاج أظبط نفسي فيهم شوية ، والوقت معاك يكفي ويفيض إنك تلعب كمان ، الفكرة إنك تكون ملتزم وتخلص اللي وراك أول بأول وبس وهيكون معاك فايض من الوقت تعمل اللي انتي عاوزه كمان
تم النشر الخميس، ١٦ يوليو ٢٠٢٦
لا عادي بس متشتركش فمنصات وانت مش هتسمعها عشان حرام بس لو هتسمع الاتنين فعادي مفيش تضييع وقت هى كل الفكرة فانك ازاي تنظم يوم وتبعد عن الحاجات اللي بتضيعلك وقتك وهتلاقي وقت لكل حاجة
تم النشر الأربعاء، ١٥ يوليو ٢٠٢٦
مبتفهمش من مدرسين السناتر غيرهم عادي وبالنسبة للاونلاين ممكن تشترك بس تسمع اللي محتاجه بس ولو عندك مشكلة مع السناتر بشكل عام فمتنزلش سناتر هيبقى تضييع وقت جدا ممكن تخلي حد يتابع فحوار الاونلاين وعلفكرة المدرسين الاونلاين بيكلموك وبيهتموا زي السناتر بالظبط
تم النشر الثلاثاء، ١٤ يوليو ٢٠٢٦
@Ahmed Osama التعليق غير الإجابة.. تنزيل السؤال بيحتاج إجابة مش تعليق.. أنت افتح سؤال تقدر تجاوب عليه وانزل تحت خالص آخر الصفحة هتلاقي خانة الإجابة اكتب فيها مش في خانة التعليقات.. جرب كده ولو لسه فيه مشكلة قل لي.
تم النشر الخميس، ١٦ يوليو ٢٠٢٦
انا عملت تعليق و رديت على حد بس برضو لسه @mai mahfouz
تم النشر الخميس، ١٦ يوليو ٢٠٢٦
انا خطتى ان شاء الله انى اخد مع كل درس منصه معادا الانجليزي.. فهل ده ممكن؟
تم النشر الخميس، ١٦ يوليو ٢٠٢٦
انا اصلا من قريه ف مش سنتر هو درس عادي بس اهو بحاول احاكى الناس... و هل انت مكنتش بتضيع وقت لما بتاخد درس و بعدين ترجع تخدو تاني اون لاين لان كذا حد حظرنى من كده
تم النشر الخميس، ١٦ يوليو ٢٠٢٦
بص أنا كنت باخد في كل مادة درس واحد وأونلاين كنت باخد مع أستاذ خالد صقر كيميا وأستاذ وليد محسن عربي ، الاتنين دول أحلى من بعض أرشحهملك بشدة ، أما عن السناتر أنا بجد منصحكش تاخد في سنتر طبيعي الزحمة والعدد يخليك مش قد كدا في الاستيعاب ، شوف لو في أساتذة بتعمل مجموعات صغيرة ١٠ ولا ١٥ وروح فيها
تم النشر الخميس، ١٦ يوليو ٢٠٢٦
يعني لو علقت على اي سؤال ده يعتبر إجابه
تم النشر الخميس، ١٦ يوليو ٢٠٢٦
ممكن تشوف المنشور ده، فيه أسئلة وإجابات هتعرفك أكتر على التطبيق وإزاي تستفاد منه. https://www.fedni.net/q/84853799/أسئلة-مهمة-عن-تطبيق-فدني-وإجاباتها
تم النشر الخميس، ١٦ يوليو ٢٠٢٦
افتح صفحة الأسئلة وشوف الأسئلة اللي غيرك منزلها ولو فيه سؤال تقدر تفيد صاحبه بإجابة هتكتبها زي ما قلت في صندوق الإجابة اللي تحت خالص. دي صفحة الأسئلة لو مش عارف توصل لها.. أو تقدر تفتحها من القائمة الجانبية للتطبيق. https://www.fedni.net/recent
تم النشر الخميس، ١٦ يوليو ٢٠٢٦
شكرا اولا... بس مش عارف اجاوب منين
تم النشر الخميس، ١٦ يوليو ٢٠٢٦
@Ahmed Osama أهلا يا أحمد، التطبيق بيطلب إنك تشارك بإجابة مفيدة على سؤال لعضو تاني عشان تقدر نزل سؤال جديد. الإجابة مختلفة عن التعليق، الإجابة بتكتبها في الخانة اللي في آخر صفحة السؤال تحت خالص مش الخانة اللي كاتبين فيها دلوقتي.
تم النشر الخميس، ١٦ يوليو ٢٠٢٦
انا اسف اني بكلمك بس علشان مش فاهم حاجة و مش عا، ف اتواصل مع حد بس البرنامج مش بيخليني اسال تاني و بيقولى السؤال ده هيتحفظ و بعدين تبقا تنشره بس مش عارف
تم النشر الأربعاء، ١٥ يوليو ٢٠٢٦
تمام... شكرا جزاكم الله خيرا🌹❣️
تم النشر الأربعاء، ١٥ يوليو ٢٠٢٦
انا قصدي هل لو خليتني طول السنه مع مدرسين.. يعني مدرس سنتر و مدرس اون لاين هل ده هيضرنى و يضيع وقتى؟
تم النشر الأربعاء، ١٥ يوليو ٢٠٢٦
خلاص لو مرتاح يوتيوب اسمع نفس مدرسين المنصة بس يوتيوب عادي
تم النشر الأربعاء، ١٥ يوليو ٢٠٢٦
طول عمرى متعود اني اروح الدرس اجي اجيبه من على اليوتيوب لاني بحسه بيجيب كل حاجة
تم النشر الثلاثاء، ١٤ يوليو ٢٠٢٦
للاسف انا مش بفهم اوى من المدرسين فى السناتر ف بضطر اعيد الدرس اول م بروح على اليوتيوب فبقول اخودها من قاصرها و اشترك منصه مع الدرس بس كله بيقولى هتضيع وقتك و كله حذرني منها. و انا شخص للاسف مقدرش اعتمد على الاون لاين بس لاني مش ملتزم و جربت قبل كده
تم النشر الثلاثاء، ١٤ يوليو ٢٠٢٦
بلاش حوار الدرسين فمادة وبالنسبة للنوم مع بداية السنة غصب عنك نومك هيتظبط عشان دروسك ونصيحة خلي دروسك كلها الصبح ومتضغطش من اول السنة وزع طاقتك على السنة كلها بلاش حماس البدايات وبالنسبة لحوار الاونلاين والاوفلاين فاللي انت مرتاحله اعمله بس لو انت شخص مبتعرفش تسيطر على نفسك ومش هتقعد تسمع المحاضرات الافضل تنزل سناتر وعلفكرة حوار ان الاوفلاين تضييع وقت ده اي كلام عشان حرفيا انت عندك اربعة وعشرين ساعة يعني تنام تمن ساعات وتروح دروسك وتذاكر وهيفضل وقت بس متضيعش وقت فحاجات مش مهمة ممكن مع بداية السنة تقرأ كتب مع مذاكرتك او تسمع الدحيح لحد شهرحداشر كده بعدين ممكن تبدأ تقفل ونصيحة كمان اقفل سوشيال ميديا اول لما تبدأ افتحها بعد امتحاناتك هيفرق جامد فوقتك وعذرا على اني طولت
تم النشر الثلاثاء، ١٤ يوليو ٢٠٢٦
لعرض السؤال في فدني اضغط هنا