سلام عليكم
كلماتي ممكن تكون ملخبطه شوية فأتمنى تفهموني
من وانا صغيره مامتي شايله مسؤولية كل حاجه ربنا يباركلي فيها ويحفظها يارب فمكونتش بتكلم معاها كتير لأنها بترجع تنام وتشتغل هكذا والدي الله يرحمه المشكلة ان ده خلق حاجز لأنني من وانا صغيره كنت بحاول اتكلم معاها خصوصا انني معنديش صحاب وقتها بس هي كانت بتصدني علشان تعبانه
هي بتحب تتكلم بس بحس كلامي معاها مبيبقاش مشوق فمبتحبش تتكلم معايا فده زي ما قولت خلق حاجز شويه وبقيت منزويه لوحدي في اوضتي ولما كبرت القعده لوحدي مبقيتش عائق كنت بحب اقعد لوحدي هي جت فتره وبقت بتقعد في البيت فعاوزاني اقعد معاها واحكي للأسف بقا الصد جاي مني انا
والله ما بكون قاصده او لا قدر الله بقل ادبي انا بس بسكت مبحبش اتكلم ولما بحكيلها على حاجه مبتفهمنيش بتطلعني دايما الشريره في القصه او لما حاجه بتعصبها بتيجي تتعصب عليا انا وتشتكي مني
لسه من مفيش قايله انني عبء عليها هي كانت كلمه بس مش قادره انساها ولحد دلوقتي اما تتردد في دماغي عيني بتدمع لأنني طول عمري شايفه انني عبء على اي حد فكنت بحاول أبعد او ابقا خفيفه عالناس بس هي اكدت لي حاجات وحشه في دماغي للأسف
انا اسفه لو طولت عليكوا بس عاوزه اجابه لسؤال واحد ازاي اقدر اكلمها عادي اللي هو ابقا اجتماعيه معاها اقعد معاها كتير عارفه ان العمر قصير وربنا يجعلني قبلها بس غصب عني مبعرفش لما اجي اتكلم مبحسهاش مهتمه وبتبقا مهتمه بقصص الناس اكتر مني فممكن تقولولي حل ازيل الشعور ده عني واتعامل عادي؟
السلام عليكم ورحمه الله وبركاته اولا. الظروف اللي بتكون خلت الام والاب مشغولين بشكل كبير علشان يعني يكفوا الاحتياجات الاساسيه بتخليهم غصب عنهم مرهقين ذهنيا و نفسيا مش قادرين يكملوا بقيه المسؤوليه اللي عليهم اللي هي مسئوليه نفسيه اللي هي مسئولية بقى الاحتياجات الاخرى النفسيه للاطفال بتوعهم فهنا ماما واضح انها كانت بتبقى مرهقه ذهنيا ونفسيا ومش قادره انها تدي الباقي مش قادره ان هي تدي لك المساحه اللي تتكلمي فيها وتبتسم في وشك وتضحك معاكي وتهزر معاكي ويكون لكم وقت لطيف مع بعض ما قدرتش تعمل ده. فمن هنا هاجي اقول لك ايه اللي تقدري تعمليه علشان شعورك ده تجاهه تبقي عذراها انه دي مساحه قدرتها حتى لو هي زي ما انت بتقولي هي بتحب ان هي تتكلم ولكن للاسف كان ارهاقها بيمنعها من ان هي تقدر تعمل اللي هي بتحبه وهي مرتاحه متخيلي كده لو انت تعبانه جدا وجسمك تعبان ونعسانه وعايزه تنامي وانا جايه بحكي لك موقف يضحك صدقني هتبقي مش قادره حتى انك تبتسمي او تضحكي قد ما انت شايفه. اللي انا بحسبه لك مضحك او تهتمي تسمعي اكتر وتقولي لي انا كملي او تبيني لي حمسك من كتر ما انت تعبانه ومرهقه فهنا حل احساس اتجاه ماما انك فعلا تشوفي الصوره دي كويسه قوي قوي انا عارفه انك عذراها ولكن محتاجه فعلا تعذري انها كانت مرهقه بس ده دليل انك قلتي لما بقى فيه وقت هي قاعده فيه في البيت بقيت هي حابه ان هي تبدا تغطي بقى الجزء ده وانت غصبا عنك بداتي تتعاملي على اساس الحاجز ليه بقى لانه هنا انت خلاص قلتي انا كده ما بقاش ماما ما بقتش تنفع ماما ما بقتش موجوده وعمرها ما هتبقى موجوده فأصدرت حكم زي حكم الاعدام انك اعتبرتيها خلاص مش موجوده بالنسبه لك نفسيا فاحنا محتاجين ان احنا نرجع بقى نراجع ناس القضيه دي تاني كده ونراجع الحكم ده من اول وجديد هل فعلا الحكم ده لا هي متستحقوش بالشكل ده.
تم النشر السبت، ٩ أغسطس ٢٠٢٥
بصى.... انتى اتكلمتى من اللى انتى شايفاه... حقيقى انتى متعرفيش هى بتشوف ايه فى الحياه او حاجبه عنك ايه.... بس اكيد هى ام وقبل كده هى انسانه ... انا لما بكون مضغوطه نفسيا ممكن اطلع ردود افعال على اولادى غير مبررة وبعدين ابقى كويسه فالعيال يبقو كويسين الكبير ممكن ميروحش وييجى معايا فبين وبينه ممكن اقوله متزعلش منى كنت مضغوطه امبارح ... اللى اقصده انك عدددى .... متقفيش على حاجه ... اكيد فيها حاجه انتى متعرفيهاش ..... بحكم السن انتى لسه فى مقتبل العمر ... يعنى لسه بيوووور هى اكيد شافت كتير... سامحى وتسامحى فى الاخر والله والله كل لحظه هتعدى دلوقت معاها مش كويسين مش هتعرفى تعوضيها بعد كده ... انا قولت كده لنفسى يوم ما امى ماتت الله يرحمها كانت تقولنا دايما اشبعو منى قبل ما اموت عشان هوحشكو ومش هتطولونى بعد كده... ربنا يهدى الحال يارب ... ويباركلك فى عمرها ويخليكو لبعض❣️
تم النشر الأحد، ١٠ أغسطس ٢٠٢٥
وعليكم السلام ورحمة الله، شكرًا لكِ على مشاركتك هذا الشعور الصادق والجميل، وأقدر جدًا شجاعتك في التعبير عن مشاعرك بهذه الطريقة. بالفعل، مشاعر الحزن، الوحدة، والشعور بأنك عبء على الآخرين أشياء بتأثر بعمق على النفس، خصوصًا عندما تكون العلاقة مع الأم معقدة أو غير متوازنة. خليني أساعدك خطوة خطوة، ونعمل معًا على تخفيف هذا الشعور، وتحسين طريقة تواصلك مع والدتك: أولاً: فهم مشاعرك وتقبلها طبيعي جدًا أن تحسي إنك تاني عبء، خصوصًا لما تسمعي كلمات أو تصرفات تؤثر عليك. لكن هذا الشعور مش هو الحقيقة الكاملة، فقط جزء من التجارب والمواقف اللي مريتِ بها. حاولي تعاملي مع نفسك بلطف، وحاولي تقولّي لنفسك: "أنا مهمّة، وأحترم مشاعري، وليس من اللائق أبداً أن أكون عبئ على أحد." قد تلاحظين أن هذا الشعور مرتبط بالخوف من الرفض أو عدم القبول، وكلنا نحتاج نشتغل على تقوية هذا الجانب داخلنا. ثانيًا: تحسين التواصل مع والدتك حاولي تختاري أوقات هادية لما والدتك تكون فيها مرتاحة (مش متعبة أو شغالة)، مثل وقت القهوة أو قبل النوم. ابدي الحديث بأشياء بسيطة، مثل سؤالها عن يومها، أو إخبارها بشيء إيجابي حدث لك. هذا يساعد في بناء جسر تدريجي بينكما بدلاً من إثقالها بمشاعر كبيرة مرة واحدة. استخدمي عبارات تعبر عن حبك واهتمامك، مثلاً: "أنا بحب قعدتنا مع بعض، وبشعر بالراحة لما بحكي معاك." ثالثًا: إزالة الشعور بالعبء تذكري أن كل إنسان له ظروفه وهمومه، والوالدة بنفسها مش هتقدر تعبر عن كل مشاعرها، وهذا لا يعني أنك عبء. حاولي تقسمي وقتك معها بشكل يجعلكما تشعران بالراحة، ولا تضغطي على نفسك أو عليها بالجلوس لفترات طويلة. الاعتراف بالأمر والمصارحة به يمكن أن تكون خطوة مرضية، مثلاً: "أحيانًا بحس إني عبء عليكي، ولو عندك تعب أنا حاسة، بس أحب أعرف أحب أكون جنبك." رابعًا: العمل على ذاتك خصصي وقتًا لنفسكِ لتعزيز ثقافتك الاجتماعية والثقة بنفسك. ابدئي بخطوات صغيرة، مثل المشاركة في نشاطات تحبينها أو التواصل مع ناس يفهموكِ. العمل على تعزيز ثقتك بنفسك يساعد بشكل مباشر على تحسين علاقاتك مع الآخرين، وخصوصًا مع والدتك. إذا شعرتِ أن الأمور صعبة أو عالقة، لا تترددي في زيارة صفحة الخبراء في فدني (https://www.fedni.net/experts) حيث يمكن أن تجدي استشارات متخصصة تساعدك على التعبير عن مشاعرك بشكل أفضل واستراتيجيات التواصل الناجحة. وأخيرًا، تذكري أن العلاقة بين الأم وابنتها شيء ثمين، وأنت بالفعل تحاولين أن تبنيها بطريقة صحيحة، وهذا بحد ذاته نجاح كبير تستحقينه. وزي ما بنقول، "الصبر مفتاح الفرج"، وأنت بالأخلاق الطيبة والنية الحسنة، ربنا يسهل عليكِ ويرزقكِ سعادة التواصل والمحبة. هل تودين أن أساعدك على وضع خطوات عملية بسيطة لتجربة حديث أول مع والدتك؟ أو هل تفضلين أن أساعدك في طريقة التعبير عن مشاعرك لها؟ أنا هنا دائمًا معكِ يا غالية.
تم النشر الجمعة، ٨ أغسطس ٢٠٢٥
كل اللي اقدر اقوله أن لازم تتكلمي معاها وتحاولي تقربي منها افهميها وتحكي معاها بدون خوف أو رهبه بس انتي تقبلي انك تتكلمي معاها 🙂
تم النشر السبت، ٩ أغسطس ٢٠٢٥
لعرض السؤال في فدني اضغط هنا