تخصص العناية من التخصصات المرهقة جدًا وللأسف إذا كنت هتشتغله في وزارة الصحة المصرية ومع النقص الشديد في عدد الأطباء حاليًا فده معناه شغل مضاعف وإرهاق أكبر... هو من التخصصات المطلوبة جدًا نظرًا لاستقالة وسفر أطباء كتير والنقص الشديد في أطباء العناية، حتى إن الوزارة بترجع تتعاقد مع الأطباء المستقيلين بمرتبات أعلى وأيام أقل من اللي كانوا بيشتغلوها وهم على قوة الوزارة. وأعتقد إذا كنت بنت فهيكون الأمر أصعب. إذا ما كان عندك مشكلة في التوتر الزائد وقلة ساعات النوم أو البقاء مستيقظًا ليوم أو أكثر والاستدعاء كل دقيقة وتوقع تدهور الحالات في العناية في أي لحظة فممكن تحاول التخصص فيه. إذا كنت لا تحتمل توتر الأعصاب وقلة النوم ورؤية الموت باستمرار فلا أظن هذا التخصص يناسبك. بالنسبة للمزايا، بحاول أفكر في مزايا تعوض عن العيوب الرهيبة، بس صعب 😅 بس عامة، التخصص مرتباته مجزية... ولو هتشتغل في نظام آدمي ومكان خاص أو فيه فرصة سفر كويسة للخارج تمام، ممكن تكون العيوب أقل، وأكثر احتمالًا.
العفو بالتوفيق إن شاء الله.
تم النشر الاثنين، ١٩ أغسطس ٢٠٢٤
تمام تسلمي شكرا جدا ❤️
تم النشر الاثنين، ١٩ أغسطس ٢٠٢٤
ده جروب الزمالة المصرية https://www.facebook.com/groups/567782267196085
تم النشر الاثنين، ١٩ أغسطس ٢٠٢٤
لا للأسف معنديش معلومة في النقطة دي... بس ممكن تسأل في جروب الزمالة أو صفحتهم https://www.facebook.com/groups/zamala.emtyazna
تم النشر الاثنين، ١٩ أغسطس ٢٠٢٤
ان شاء الله خير تسلمي ،معلش لو عندك معلومة في الحتة دي ،لو انا اخدت فترة نيابة وزمالة في تخصص ما كذا شهر وبعدها دخلت جيش .الزمالة تتجمد لحد ما اخرج من الجيش ولا الجيش محسوب من عدد سنوات الزمالة ؟
تم النشر الاثنين، ١٩ أغسطس ٢٠٢٤
العفو، إن شاء الله هم يفيدوك أكثر، سجل المزايا والعيوب اللي هيقولوا لك عليها وخليهم قصاد بعض في ورقة وقارن ووازن بينهم وإن شاء الله بالتوفيق ولا تنس الاستخارة واللي فيه الخير ربنا يوفقك له... تحياتي.
تم النشر الاثنين، ١٩ أغسطس ٢٠٢٤
تمام تسلمي شكرا جدا لمجهوك ،اللي اتاكدت منه من كلامك أنه مرهق جدا في الفترة دي والدنيا صعبة بس ان شاء الله خير وربنا ييسر لنا الحال جميعا هحاول اسال نواب برده ودكاترة في التخصص دا افهم منهم اكتر شكرا جدا ليكي 🙏🤍
تم النشر الاثنين، ١٩ أغسطس ٢٠٢٤
https://www.facebook.com/groups/159595600747079/
تم النشر الاثنين، ١٩ أغسطس ٢٠٢٤
ده رابط جروب للأطباء ممكن تسأل فيه عن التخصص وإن شاء الله يفيدوك https://www.facebook.com/groups/khebratna
تم النشر الاثنين، ١٩ أغسطس ٢٠٢٤
ده على حسب، هل هتتحمل (الشوية) اللي في فترة النيابة في مصر؟ هل مضمون السفر بعد كده؟ أنا فاكرة أصحابي وزمايلي اللي أخدوا عناية وفيه منهم كان بيحب التخصص بس كانوا تعبانين جدًا وفيه منهم استقال بعد كده... الضغط النفسي والتوتر وتعب الأعصاب ده لازم تعمل حسابه، هل تقدر تتحمله لحد ما تقدر تسافر؟ كمان مبقاش فيه حاجة مضمونة في مصر وفيه كلام عن تضييق على استقالات الأطباء أو هجرتهم للخارج فمحدش عارف رايحين على فين... انت ممكن تشوف مجموعات الأطباء على الفيسبوك وتسأل هناك عن تجارب أطباء العناية والمزايا والعيوب، هيفيدوك أكتر إن شاء الله تاخد قرارك... أما إذا كنت بتحب التخصص قوي وكان حلمك تشتغل فيه فممكن تتحمل أي تعب هيقابلك وتوازن بين عيوبه ومزاياه لأن في النهاية كده كده كل حاجة بناخدها مقابلها ثمن أكيد... بالتوفيق إن شاء الله.
تم النشر الاثنين، ١٩ أغسطس ٢٠٢٤
يعني لو اخدت نيابة عناية في مستشفي تعليمي أو أمانة في مصر وسافرت الخليج مثلا السعودية بعد النيابة لما ابقي اخصائي.كدا العيوب والضغوط دي هتكون أقل ؟وهتعب شوية في فترة النيابة هنا في مصر وخلاص ولا ايه؟
تم النشر الاثنين، ١٩ أغسطس ٢٠٢٤
لعرض الإجابة في فدني اضغط هنا