السلام عليكم، طيب التشخيص لما كشفت قالوا لك إيه؟ الصورة لوحدها مش كافية للتشخيص. فيه أمراض تانية غير البهاق والاكزيما بتظهر اختلاف في صبغة الجلد وتعمل بقع بيضاء. فلازم كشف وفحوصات عشان التأكد من إذا كان ده بهاق أو حاجة تانية. **** بالنسبة للبهاق، هو فعلا مش له علاج نهائي، هو مرض مناعي... المناعة الذاتية للجسم بتهاجم بالغلط خلايا صبغة الميلانين، فالعلاج مش بيستهدف التخلص من المرض، بيستهدف إبطاءه أو إيقاف تطوره وانتشاره، وتحفيز إعادة نمو خلايا الميلانين. فيه علاجات موضعية دوائية أو بالأشعة فوق البنفسجية وفيه علاج جراحي. *** الأفضل زي ما قلت كشف جلدية من تاني وخد معك أي فحوصات أو تقارير أو علاجات سابقة وتابع مع طبيب معين لفترة كافية قبل ما تقرر تغيير الطبيب. *** عامة دي قائمة بأطباء مختصين في علاج البهاق في مصر، ممكن تشوف تقييماتهم الأول وتختار اللي تشوفه كويس، وإن شاء الله هيؤكد لك إذا كان ده فعلا بهاق أو حاجة تانية. https://www.vezeeta.com/ar/دكتور/كل-التخصصات/مصر/أعراض/بهاق ألف سلامة.
العفو، ربنا يطمنك ويتمم عليك الصحة والعافية.
تم النشر السبت، ٧ نوفمبر ٢٠٢٦
شكراً لحضرتك ربنا يجازيكم خير
تم النشر السبت، ٧ نوفمبر ٢٠٢٦
تمام، لو كده فزي ما قلت لحد الآن مفيش علاج نهائي، والعلاجات بتستهدف تقليل انتشاره عن طريق مثبطات مناعية وأدوية محفزة لنمو خلايا صبغة الملانين، سواء بقى كريمات موضعية أو علاج بالأشعة فوق البنفسجية أو ليزر، فأنت تابع كده مع طبيب مختص في علاج البهاق وعلى حسب حالتك يشوف العلاج الأنسب، وربنا يسهل.
تم النشر الجمعة، ٦ نوفمبر ٢٠٢٦
و عليكم السلام ورحمه الله وبركاته قالو بهاق
تم النشر الجمعة، ٦ نوفمبر ٢٠٢٦
لعرض الإجابة في فدني اضغط هنا