السلام عليكم ورحمة الله وبركاته
هحكي موضوع كدا عارفه اني غلطانه وندمانه اوووي
من سنه و8شهور تعرفت ع حد واتكلمنا وحبينا بعض وطول فتره كلامنا يشهد ربنا ع كلامنا ان مفيش اي حاجه غلط.
المهم انا مكنتش ارضى انزل اقابله عشان مكانش ينفع انزل اصلا ف لسه من 3 ايام كنت انا نزلت المعهد والمكان قريب عادي يعني لو شوفته المهم....
تقابلنا قعدنا شوي ف الكافيه رجع كل فينا ع بيته ولما رجعت بعدها بشوي لقيته بيقولي انتي غير الصور مع اني منتقبه اصلا ف عيني وكدا ظاهر فبيقولي انتي بشرتك سمرة شوي عن الصور مهو طبيعي يعني اكون كدا اي العبط دا
المهم يعني طريقته تغيرت انا قفلت نت يومين فتحت تاني ملقيتش اي رساله منه رنيت عليه اقولك اي يعني مبعتش حتى نقطه ف رساله قالي كان لازم اعمل كدا من امبارح ف قلي خلينا صحاب الكلمه دي نزلت عليا كانها صاعقة حطمت قلبي لانه كان كل حياتي
تظاهرت بالقوة وان مش فارق معايا كلامه لاني انا فعلا م فارق لاني متيقنه وعارفه نفسي كويس وشايفه نفسي حلوة اوووي كمان وهو حب شكل محبش قلب واللي يحب واحدة عشان شكلها مش هيكفيه نساء الارض
ف انا دلوقتي مش عارفه اتقبل الموضوع هو لي كل دااا
عارفه اني غلطت اني كلمته كل الفتره دي حبيته وتعلقت بيه كان كل اهلي هو
بس مطلعش قد وعده ليا وكسر قلبي بس مش مسامحه ليوم الدين
ومش عايزة ادعي واقول حسبي الله كسرلي قلبي لاني بحبه وهفضل احبه لاخر يوم ف عمري هو هيتزوج ويكون اسرة ونا هفضل عايشه ع كل ذكري بينا حتي لو انها وجع لقلبي
دلوقتي اي اعمل انا هو انا عشان حبيت يحصل فيا كل دا
ندمااانه اووووووووووي اني عصيت ربنا عشانه وهو طلع ميستاهلش اي حاجه ❤️🩹
السلام عليكم، ارمي ورا ظهرك وفوقي لنفسك ولمصلحتك. اللي حصل كان درس المفروض تتعلمي منه، ارمي الماضي ورا ظهرك بس احتفظي بالدرس عشان متكرريش الغلط. *** وصدقيني، أنتِ لسه صغيرة على إنك تتعلقي بفكرة الحب الأبدي. ده لو كان اللي حسيتِه معه حب من الأساس. المشاعر بتتغير والقلب متقلب أصلا وناس كتير كانوا فاكرين إنهم عمرهم ما هيحبوا تاني ولا مشاعرهم هتتغير لكن نسيوا وبقى الموضوع مجرد ذكرى أحيانا حتى ممكن متخطرش لسنين على بالهم وقابلوا ناس تانية وارتبطوا بهم وأحبوا. والحب اللي بينبت ويقوى مع الوقت والعشرة بيدوم أكتر. *** الشخص ده لا أظن أصلا إنه أحبك، هو كان راسم صورة في خياله ولما مجتش على المزاج قرر يوقف ومفرقش معه مشاعرك لأنه أصلا مكنش بيحب، كان بيقضي وقت مسلي وبيملأ فراغ عاطفي. مش عارفة منين واثقة إنه أصلا مكنش بيكلم غيرك، علاقات الإنترنت أصلا أغلبها وهم ومبنية على أساس هش وصور ظاهرية لما بتصطدم بالواقع بتنهار. *** عارفة إن الموضوع صعب عليكِ دلوقتي لكن سيبي الزمن يعالج مشاعرك وكسرة قلبك، وصدقيني لو شغلت نفسك وتابعتِ حياتك هتنسيه بسرعة ومش بعيد تضحكي بعد كم سنة على اللي كنتِ فيه. *** وبما إنك عارفة إنك عصيتِ ربنا فأول حاجة إنك تتوبي عن اللي فات وتستغفري، مش محتاجة تدعي عليه أصلا، أنتم الاتنين كنتم في علاقة غير شرعية مش لكم حقوق على بعض. توبي واستغفري واعزمي على عدم تكرار الخطأ ده تاني. وبلاش تحولي التجربة دي لهوس وتعملي لها مزار تفضلي تطوفي حواليه وتعيشي عليه طول عمرك وتوقف حياتك عشان شخص أنتِ أصلا مش فارقة معه. محدش يستاهل تحبيه أكتر من نفسك أو توقفي عليه حياتك. ** دي نصيحة من أخت أكبر منك، أرجو إنك تعملي بها وتعرفي إنك تستحقي أفضل من كده. ربنا معك. 💚💚
تم النشر الثلاثاء، ٢٩ سبتمبر ٢٠٢٦
وعليكم السلام ورحمة الله وبركاته، يا بنتي. أولاً، أحييكِ على شجاعتك في مشاركة قصتك بهذه الصراحة، وأشعر بألمكِ العميق وندمكِ الصادق. ما مررتِ به ليس سهلاً، خاصة بعد تعلق طويل وتوقعات كبيرة، لكن تذكري أن الاعتراف بالخطأ والندم خطوة أولى نحو الشفاء الحقيقي، وهذا يفتح باب التوبة والمغفرة من الله. من منظور إسلامي، العلاقة التي كانت خارج إطار الزواج كانت خطأ، لكن الله غفور رحيم، وهو يحب التوابين. ابدئي بالتوبة الصادقة: استغفري الله كثيراً، واقرئي القرآن يومياً لتهدئة قلبكِ، وادعي أن يشفي الله قلبكِ ويبعد عنكِ ما يؤذيكِ. لا تتمسكي بالذكريات المؤلمة، فهي تثقلكِ فقط؛ بدلاً من ذلك، ركزي على بناء نفسكِ من جديد. أنتِ جميلة ومميزة كما وصفتِ نفسكِ، والرجل المناسب سيقدر قلبكِ وشخصيتكِ كاملة، لا مجرد مظهر. استخدمي هذه الفترة لتطوير مهاراتكِ أو هواياتكِ، مثل تعلم شيء جديد أو التركيز على دراستكِ أو عملكِ، لتعززي ثقتكِ بنفسكِ وتملئي وقتكِ بما ينفعكِ. تذكري أن الشفاء يحتاج وقتاً، فلا تستعجلي نفسكِ، وكوني لطيفة مع قلبكِ. ابتعدي عن أي تواصل معه، حتى لو كان "صداقة"، لأن ذلك يعيق التعافي. إذا شعرتِ بالحاجة إلى دعم إضافي، ابحثي عن أسئلة مشابهة على فدني لتستفيدي من تجارب الآخرين. أنتِ أقوى مما تظنين، وستتجاوزين هذا بإذن الله، وستجدين السعادة الحقيقية في علاقة مبنية على الحلال والاحترام. إذا أردتِ مشاركة المزيد، أنا هنا لأستمع وأدعمكِ.
تم النشر الثلاثاء، ٢٩ سبتمبر ٢٠٢٦
لعرض السؤال في فدني اضغط هنا