السلام عليكم ورحمة الله وبركاته
انا دلوقتي حاسه اني مقفوله من شخص اوي بجد مع اني مش بتواصل معاه ولا بيتواصل معايا لكن انا مقفوله اوي هو ديما فبالي الشخص وانا بحبه جدا وكدا وديما بفكر فيه واكون سعيدة بالتفكير فيه لكن انا فجأة حسيت اني قلبي مقبوض من ناحيته واني خايفه وان في حاجة غلط بتحصل مش فاهمة ليه مع أن احنا مش بنتكلم أصلا ولا أي حاجة بس انا حاسه اني مقفوله اوي بصراحة يعني أنا دماغي بتسوحني وبتقترح سنياريوهات من نفسها ف انا حصل ف دماغي تخيلات بسبب اني مقفوله منه خوفتني اكتر تفتكرو ده اي
بصي ي حبيبتى أنتِ طبيعيه جدا ومعظم الناس كدا برضو بس الى المفروض تعرفيه دلوقتى نفسك تدرسي نفسك ودراسة النفس دي لا تقل اهميه عن اي حاجه بتدرسيها او بتتعلميها يعنى من كلامك اهو انا فهمت انك شخصية مزاجية ودا طبيعي جدا المفروض بقا أنتِ تبقي فاهمه حاجه زي دي وتتقبليها عادي ولو عايزه تعرفي اكتر ممكن تعملى سيرش عن شخصيتك وهتلاقي كل حاجه عنها ومن ضمنهم انك فجأة بتتقفلى وبعدها ترجعي طبيعيه وهكذا ومش شرط مع شخص دا أنتِ مع الكل كدا حتى زمايلك البنات احتمال كبير بتتقفلى منهم وترجعي تاني طبيعتك نفس الحوار مع السيناريوهات فاهمة؟
تم النشر السبت، ٢ مايو ٢٠٢٦
وعليكم السلام ورحمة الله وبركاته يا حبيبتي 🌸 أول حاجة، أنا فاهمة تماماً إيه اللي بتحسي بيه.. ده شعور طبيعي جداً لما الإنسان بيحب حد بقوة، حتى لو مفيش تواصل. القلب بيعلق والعقل بيبدأ يرسم سيناريوهات سلبية من الخوف والقلق (ده اسمه "التفكير الزائد" أو overthinking)، خاصة لو في ارتباط عاطفي قوي بدون ضمانات. فجأة بيجي الإحساس ده لأن الشيطان بيحاول يوسوس ويزرع الشك، زي ما قال الله تعالى: "إِنَّمَا النَّجْوَىٰ مِنَ الشَّيْطَانِ لِيَحْزُنَ الَّذِينَ آمَنُوا". إيه الحل العملي؟ اقفلي على الذكر والصلاة : كل ما يجيلك التفكير، قولي "أعوذ بالله من الشيطان الرجيم" واقرئي آية الكرسي 3 مرات، أو صلي ركعتين وادعي الله يريح قلبك ويبعد عنك الوساوس. اشغلي نفسك بأهداف : حددي جدول يومي بأنشطة مفيدة زي قراءة كتاب، تعلم مهارة جديدة، أو مساعدة في البيت/العمل. ده هيقلل التفكير الزائد. اكتبي الإيجابي : خدي ورقة واكتبي 5 حاجات سعيدة حصلت النهارده، وركزي عليها بدل السيناريوهات السلبية. لو الإحساس ده مستمر وقوي، روحي على صفحة الخبراء في Fedni (https://www.fedni.net/experts) وابحثي عن متخصص نفسي أو مدرب حياة لاستشارة خاصة. كمان، جربي تبحثي في Fedni عن أسئلة مشابهة هتلاقي إجابات كتيرة مفيدة. أنتِ قوية وهتقدري تتخطي ده إن شاء الله، ربنا يفرج همك ويفتح قلبك للخير 💕. قوليلي إيه رأيك في النصائح دي؟
تم النشر الأربعاء، ٢٩ أبريل ٢٠٢٦
أحيانا التعلق بيؤدي أنه يتحول من حب شديد لكره، فشوية التعلق يتحول لحب مبالغ فيه وشوية يتحول لبغض، العقل بيفكر والتعلق بيضخم الأمور فبيكون الإحساس أشد من الطبيعي، لازم تشتتي أي فكرة تيجي تجاهه ومتكمليهاش عشان دا بيغذي الموضوع، وعلقي قلبك بالله عن طريق معرفة أسمائه وصفاته والنظر لمخلوقاته، كتاب لشرح أسماء الله الحسنى أو كتاب لأنك الله، وقناة National Geographic Abu Dhabi
تم النشر الجمعة، ١ مايو ٢٠٢٦
لأ ، لكن لو ذكرتي ربنا زي ما قولتي أفضل وهتاخدي حسنات عليها
تم النشر الجمعة، ١ مايو ٢٠٢٦
معلش يجماعة هسألكم سؤال اخير انا قبل م انام لازم تتخيل اي حاجة علشان انام بس ملهاش علاقة بحب وغيره يعني بتخيل نفسي على جزيرة ولازم اعيش بتخيل نفسي اتخطفت وبواجه العالم بتخيل نفسي وحيدة فالعالم حجات ملهاش علاقة ب مشاعر الحب والعلاقات هي علشان انام ف انا كنت بفضل استغفر او اسبح وكدا علشان ابطل خيال بس الموضوع مكنش بيقل لا برضو لازم اتخيل علشان اعرف انام فهل ده برضوا حرام
تم النشر الجمعة، ١ مايو ٢٠٢٦
@مِنّه حُسَيْن جزاكم الله خير الجزاء على شرحك المبسط .... ولكن أنا أقصد إن التفكير بدون قصد يعني مش إن أنا أعيش عالم خيالي بأفكاري أكيد ده هيأذيني وما ينفعش أبداً زي ما حضرتك قولتي إن أنا أو أي بنت عموماً تضيع مشاعرها علي حد إلا الشخص اللي قد المسؤولية اللي بييجي يتقدم من الآخر كدة بيخش البيت من بابه... لأني والحمد لله وحده مش مؤمنة بعلاقات الحب واللي تقولك جواز صالونات والهبل ده لأن الحب بيكون بعد الجواز ... المهم أنا أقصد إن مجرد التفكير لا يُؤاخذ عليه الإنسان ما لم يتحول إلى إرادة أو فعل. في الشريعة : ... الخواطر العابرة: ليست حرامًا ولا إثم فيها. إذا استرسل الإنسان في التفكير وتعمّد تنمية مشاعر أو تخيلات محرمة (كالعلاقات العاطفية غير المشروعة): يُخشى أن يكون فيه إثم بقدر تعمده واستمراره. أما الفعل (تواصل، علاقة، تجاوز): فهذا هو الحرام الواضح.. ده اللي أقصده وآسفة على التطويل وربنا يباركلك علي النصيحة ولو كنت غلط برضو بإمكان حضرتك تصححيلي غلطي 😊💗
تم النشر الجمعة، ١ مايو ٢٠٢٦
لازم تفهمي الدين بيقول ايه في الأمور اللي زي دي علشان قلبك غالي ولازم تحفظي قلبك وماتديش مشاعر لأي حد غير اللي يستحقها واللي بيستحق المشاعر هو الشخص اللي بيتقدم مش من برة برة كده
تم النشر الجمعة، ١ مايو ٢٠٢٦
انا مش فاهمة حاجة منكو واكيد انا مش هفكر تفكير وحش هو تفكير عادي وسعات بيكون مش قصدي أصلا افكر بتيجي كدا صدفه
تم النشر الجمعة، ١ مايو ٢٠٢٦
@السائلة @مِنّه حُسَيْن ...مش حرام .. ليه الكذب ... التفكير في شخص لا يحل لك (بشهوانية ) حرام ... ولو كنت أنا غلط يا استاذه منة اتفضلي قولي دليل ؟
تم النشر الجمعة، ١ مايو ٢٠٢٦
@مِنّه حُسَيْن ممكن اعرف الدليل
تم النشر الجمعة، ١ مايو ٢٠٢٦
@فَاطِمٌ الشَّافِعِيُّ. لا هو احنا عمرنا ما هنتكلم ولا نعمل كدا اكيد علشان حرام بس الفكره اني كنت مقفوله والاحساس راح لانه شخص كويس جدا بصراحة شكرا ليكي
تم النشر الخميس، ٣٠ أبريل ٢٠٢٦
لا متقلقيش مش حرام يا حبيبتي أنا بردو زيك وأسوأ كمان بقعد أتخيل سيناريوهات عشان كان عندي أرق ... وسبحان الله اتعالج لما بدأت بعلاج الكبد الدهني ... وعلاج الكبد الدهني الوحيد هو الصيام المتقطع يعني ما بين الوجبات ما تدوقيش أي أكل .... ولكن ما زال عندي حاجة شبه الأرق يعني لازم أقعد أفر علشان أعرف أنام مش هعرف حتي لو بالأذكار أو للذكر أو بغيره لازم أتخيل سيناريو معين كأني هحلم بيه ولكن مش لدرجة السهر بالخمس ساعات بدون نوم مثلاً زي الأول ... يعني الأول كنت مثلاً ما كنتش نمت يوم كامل وآجي أنام تاني يوم ما أعرفش بسبب الأرق كان عذاب ... وممكن السبب الرئيسي لعلاجه قبل علاج الكبد الدهني هو تقربي من الله عز وجل وكثرة العبادات ❤️
تم النشر الجمعة، ١ مايو ٢٠٢٦
إن كان غض البصر فرض على الرجل والمرأه ، وأنتِ تجادلي في التفكير الذي بيد الإنسان دفعه وبيده أيضًا زيادته من إتباع طرق تجعل وجود الشخص في البال باستمرار . .. نعم @زهرة الأمل مقصد كلامي *تفكير في شخص تحبه* وليس أي تفكير عابر .. وكلنا يعرف ماذا يفعل التفكير في الإنسان ويشغله عن المنافع ويشتت قلبه فهي لها كامل الحرية في أن تسترسل في تفكيرها وأمامها أيضًا أن تقطع هذا التفكير وتجعل تركيزها على أهدافها .
تم النشر الجمعة، ١ مايو ٢٠٢٦
التفكير في شخص لا يحل لكِ حرام .
تم النشر الخميس، ٣٠ أبريل ٢٠٢٦
مش عايزة أكون بنجم بس فكري فيها كده مش شرط كل شخص كويس يبقي مناسب لينا يمكن ربنا شال القبول ليه من قلبك لانه مش مناسب ... او يمكن دي تكون مجرد هرمونات مش أكتر اصبري علي نفسك الموضوع هيوضح وادعي
تم النشر الخميس، ٣٠ أبريل ٢٠٢٦
الله يثبتك اللهم آمين
تم النشر الخميس، ٣٠ أبريل ٢٠٢٦
وعليكم السلام ورحمة الله وبركاته، طيب بصي اكتبي الأفكار دي كلها هتلاحظي إن دماغك مضخم حاجات مش مستاهلة غالبًا الأفكار بتكون مبرر عشان تتواصلي مع الشخص وتسأليه الـ في دماغي صح ولا خطأ ولكن واضح جدًا من كلامك أن الكلام عن شاب بصي طالما قطعي العلاقة وتركتيها لله خلاص مترجعيش تاني، ومتسمعيش لدماغك خالص ولا حتى تسمعي لقلبك ، الله يرضى عنك اللهم آمين.
تم النشر الخميس، ٣٠ أبريل ٢٠٢٦
لعرض السؤال في فدني اضغط هنا