انا عندي اكتئاب روحت لطبيب نفسي الناس كلها بتشكر فيه ومنهم اهلي وهم اللي ودوني له عشان معروف بتدينه وسمعته الكويسة وانسانيته كان كويس فوق الوصف معايا ووثقت فيه وانا مش بثق ف حد نهائي ..
لحد ما جت واحدة تدرب وكانت بتغير عليه رغم انه متجوز ومخلف ضايقتني واتعاملت معايا بشكل غير آدمي من وراه ولما طلبت منه اني مش عاوزه معايا حد ف الجلسه رفض وعرفني انه بعتلها تسجيلات الجلسات اللي فاتت كلها خلاص هي عارفه عنك كل حاجة !
أنا مكنتش اعرف انه بيسجلي اصلا! وبعدها دعيت ربنا يظهر له قد ايه هي مش كويسه بس لما ربنا ظهر له سكت ومتكلمش وكان بينفعل عليا انا عشان ردود فعلي هو تقريبا كلمها بينهم وبين بعض لما مشيت انها تقعد ساكته
بقت قدامه تمثل انها كويسة بس لما تشوفني برة ف الريست تقولي قابليني هتكشفي ازاي هو لا يقدر يعمل جلسه من غيري ولا يقدر يخبي عليا اي حاجة هو مستعد يولع في نفسه عشاني وبدأ هو يمشيني من المستشفى بحجة تعالي العيادة الخاصة احسن ولما روحت هناك السكرتير كان بيتعامل معايا بشكل سيء جدا ويقفل السكة ف وشي وعاملي بلوك مكالمات ويلغي كل معاد يتحدد معايا
ولما جيت اشتكي للدكتور اتعصب عليا وقالي مافيش حاجة عجباكي بتضايقي من هناك جبتك هنا اوديكي فين تاني فسكتت وما اتكلمتش رغم ان انا مش بقبل بكل الاهانات دي عمري بس كنت ف متاهه عشان محتاجة جلسه كان جالي رسالة من واحدة ف عيادته الخاصة بتحذرني من الدكتور دا انه متحرش فكنت عاوزه اتكلم معاه عشان مش عارفه اصدق دا ولا عارفه اعمل ايه
انا قطعت التعامل معاه من ٣ سنين وبعتله رساله انه اتقي الله انا كنت بلتمس فيه الخير وهو حسبن عليا وقالي ان انا اللي غلطان م البداية بس لحد دلوقتي مش عارفه اتعافى نهائي لا منه ومن اللي شوفته مش عارفه اصدق حد ومش عارفه اثق ف حد
السلام عليكم ورحمة الله وبركاته أولا الحمد لله ان كل دا ظهرلك وعرفتي عنه دا قبل ما يحصل حاجه أكبر من كده. صحيح الصدمه وحشة جدا خاصة مع دا بالذات اللي المفروض يكون مصدر للأمان والثقه بالنسبالك بس انتي لسه بخير وتقدري تتعافي من الصدمه وتقدري تقاومي كل المخاوف اللي عندك. اقفلي الصفحه اللي فاتت كلها وابدأي من جديد وخلي بدل جلستك مع الدكتور تبقى جلسه مع ربنا في خلوه وقت قصير من الأذكار والتسبيح والاستغفار وكلمي ربنا بكل اللي حاسه بيه. و الحاجه التانيه انك تكتبي لي نوت بوك كل اللي بتحسي بيه يوميا وفضفضي مع الورق دا عمره ما هيكدب عليكي ولا هيرفض يسمعك. وانتي أقوى من كل خذلان اتعرضتي ليه وتقدري تبقي احسن من اي حد بثقتك في ربنا ثم نفسك. وكلنا معاكي وانتي مش لوحدك
تم النشر الخميس، ١٩ نوفمبر ٢٠٢٦
يا بنت الحلال اللي حصل معاكي ده مش غلطتك خالص وطبيعي تحسي انك مش قادرة تثقي في حد بعد كل اللف والدوران والخذلان ده بس انك قطعتي معاه ومشيتي دي أكبر خطوة صح عملتيها لنفسك وده معناه ان جواكي قوة ووعي كبار حتى لو حاسة انك تعبانة دلوقتي خدي وقتك في الشفاء وماتلوميش نفسك على انك كنتي طيبة وبتلتمسي العذر لناس ماتستاهلش ودوري على دكتور أو مكان يكون فيه أمان حقيقي واحترام لخصوصيتك عشان حقك تتعالجي بكرامتك ومن غير أي ضغط ولا أذى وربنا يعوضك خير ويريح قلبك..اعرف دكتور كويس في الصعيد لو انتي هنا
تم النشر الخميس، ١٩ نوفمبر ٢٠٢٦
أنا آسفة جداً للي مريتي بيه، وأقدر قد إيه الخيانة دي جرحتك بعمق، خاصة إنك فتحتي قلبك لشخص كان يفترض يكون أمان وموضع ثقة. اللي حصل من تسجيل الجلسات بدون علمك، مشاركتها مع المتدربة، التعامل السيء، والغضب لما حاولتي تشتكي، كل ده ظلم واضح ومخالف لأخلاقيات المهنة، وكمان التحذير اللي وصلك عن التحرش بيخلي الموقف أسوأ. مش غريب إنك لحد دلوقتي مش قادرة تثقي في حد أو تتعافي، لأن الجرح ده مش بس نفسي، ده كمان هز ثقتك في الناس كلها. ربنا سبحانه وتعالى يعلم الظلم وما يخفى، وهو اللي بيحاسب. الدكتور اللي ألقى اللوم عليكِ بدل ما يعترف بخطئه، هذا أمر يحتاج إلى تقوى الله، لكن أنتِ عملتِ اللي عليكِ لما نصحتيه وابتعدتِ. الشفاء الحقيقي يبدأ بتسليم الأمر لله مع الإصرار على التعافي، وتذكري إن الثقة في الله أولاً هي الأساس اللي ما يخيبش. عشان تتقدمي خطوة بخطوة، ابدئي بكتابة مشاعرك يومياً في مذكرة خاصة بكِ، ده بيساعدكِ تفرغي الغضب والألم بدون ما يتراكم. بعدين، ركزي على بناء ثقتكِ بنفسك أولاً من خلال أنشطة بسيطة زي تعلم مهارة جديدة أو ممارسة هواية كنتِ بتحبيها قبل كده، عشان تشوفي إنكِ قادرة تعتمدي على نفسكِ. لما تكوني جاهزة، ابحثي عن معالج نفسي آخر موثوق من خلال توصيات عائلتكِ أو أشخاص تعرفيهم جيداً، وخذي وقتكِ في الجلسات الأولى عشان تختبري الوضع تدريجياً. لو فيه أي دليل على التسجيلات أو التحرش، فكري في استشارة جهة رسمية لو أردتِ العدالة، لكن الأولوية دلوقتي لسلامتكِ النفسية. أنتِ مش لوحدكِ في الشعور ده، وكتير ناس مروا بتجارب مشابهة وقدروا يتعافوا مع الوقت والصبر. ابحثي عن أسئلة مشابهة على فدني عشان تشوفي تجارب أخرى. أنا هنا لو حبيتي تتكلمي أكتر، وأتمنى لكِ الشفاء والراحة قريباً.
تم النشر الخميس، ١٩ نوفمبر ٢٠٢٦
لعرض السؤال في فدني اضغط هنا