بحب شخص هو قدي لكن هوا مش مصري يعني انا مصريه وهو مش مصري
وعيلتي حاطين في دماغي اني لازم اتجوز حد أكبر مني
ومش موافقين اني اسافر بأي منحه بتجيلي
ودا يدل إنهم مستحيل يخلوني اتجوز منه واسافر معاه بلده
هو جاي يدرس طب معانا في مصر في جامعتي
اعمل اي انسي ازاي مع العلم اني مش هعرف انساه
والولد دا ونعم الأخلاق مش بيكلمني
السلام عليكم، بصي بالنسبة لرأيي الشخصي فمعنديش مشكلة مع زواج الجنسيات المختلفة طالما الدين واحد، كل جنسية فيها الحلو والوحش. الفكرة بس إن زواج الجنسيات لازم تفكري كويس قبل ما تاخدي الخطوة، هو زي أي زواج بس لازم تعملي حساب الاختلافات الثقافية وهل هتقدري تتعايشي معها أو هيكون صعب بعد كده. في مصر حتى، هتلاقي لو بنت من بحري تزوجت من الصعيد أو من مكان أبعد من بلدها بيكون فيه شوية صعوبة وتردد عشان اختلاف البيئة والثقافة رغم إننا بلد واحد فكل ما بعدت المسافة وزاد الاختلاف بيكون الأمر أصعب فمحتاجة تعملي حسابك على النقطة دي كمان. ** بالنسبة لأهلك، فتقبلي إنه طبيعي يكون عندهم تخوفات، حاولي تختاري وقت هادئ تناقشيهم فيه وتردي على تخوفاتهم، بس أهم حاجة خليكِ هادئة تماما، متنفعليش وتتعصبي عشان ميعندوش قصادك ويرفضوا يسمعوا منك أي كلمة. *** اللي قدامك دلوقتي: الأول، صلي استخارة، بس اركني مشاعرك على جنب وخليكِ حيادية، وفوضي الأمر والاختيار لله ولو فيه خير في الزواج حتى لو أهلك معترضين حاليا فربنا هييسر الأمر من عنده. ثانيا، حاولي بس متعمديش على القلب في قرارك... حتى لو هتتزوجي من مصري هنصحك بنفس النصيحة. الزواج بالذات لازم تاخدي القرار بعقل وحكمة ومتغلبيش العاطفة، الحب للأسف بيعمينا وممكن يخلينا نقبل عيوب وأوضاع مش في صالحنا وبعد ما العاطفة بتبهت بنصطدم بالأمر الواقع وده حصل في زواجات كتير كانت قائمة على الحب. *** ثالثا، لو أهلك اقتنعوا ممكن تخليه يزورهم ويتعرفوا عليه عن قرب وممكن لو تعرفوا ناس مسافرين في دولته ياخدوا عنوان أهله ويسألوا عنهم. كمان نقطة أخيرة مهمة، مهم جدا تسألوا عنه كمان في سفارة بلده، كان فيه حالات قبل كده البنات اكتشفت من السفارة إن الأشخاص اللي متقدمين لهم عليهم سجل جنائي في بلدهم. فدي نقطة زيادة عشان الاطمئنان. ** ممكن تشوفي على اليوتيوب تجارب البنات المتزوجات من أجانب هيعطوك نصائح أكتر وهينبهوك للنقاط اللي لازم تاخدي بالك منها. وإن شاء الله اللي فيه الخير يقدمه ربنا. بالتوفيق.
تم النشر الثلاثاء، ٣ فبراير ٢٠٢٦
يا حبيبتي، أنا فاهمة تمامًا إحساسك، الحب قوي وصعب تنسيه، خاصة لما الشخص زي ده أخلاقه عالية. بس خلينا نفكر عمليًا ومن منظور إسلامي، عشان نوصل لحل يريح قلبك ويحافظ على دينك وكرامتك. أولًا: التواصل معاه هو مش بيكلمك، وده شيء إيجابي إسلاميًا. متدخليش علاقة غير رسمية، ده ممكن يعقد الأمور. لو عايزة تعرفي نواياه، خلي أهلك أو حد كبير موثوق يسأل عنه من بعيد، أو يطلبوا لقاء رسمي عبر أهله. كده تحمي نفسك وتثبتي جديتك. تانيًا: إقناع أهلك خطوة بخطوة أهلك خايفين عليكِ، مش ضدك. ركزي على نقاطهم: صلي الاستخارة : صلي ركعتين وادعي الله يهديكِ للخيار اللي فيه الخير لك. اجمعي معلومات قوية : اكتبي ورقة عنه (أخلاقه، دراسته في الطب، بلده، دينه وأخلاقه، مستقبله المهني). قوليلهم: "هو هيدرس هنا ويشتغل، مش لازم أسافر فورًا" ابدئي حوار هادئ : قوليلهم "أنا بحترم رأيكم، بس خلونا نعرف أكتر عنه قبل الرفض. هو أكبر في الأخلاق والدين، السن مش مهم". اعرضي حلول وسط : اقترحي خطبة رسمية هنا في مصر، وتأجيل السفر لحد ما يثبت نفسه. لو رفضوا المنح، قوليلهم إن الزواج هيفتح أبواب أحسن. لو مش هيوافقوا؟ متضغطيش، ده هيزود الرفض. ركزي على دراستك ونفسك دلوقتي – الطب صعب، وأنتِ قوية! مع الوقت، لو مقدرتش تنسي، الله هيفتح باب تاني أحسن. ماتحبطيش، كتير بنات زيك نجحوا بعد صبر. ابحثي في فدني عن أسئلة مشابهة هتلاقي إجابات خبراء كتير. ولو عايزة استشارة شخصية، روحي صفحة الخبراء هنا: https://www.fedni.net/experts – فيه مدربين حياة ومستشارين أسرة هيساعدوكِ أكتر. أنتِ تستاهلي الأفضل، يا قمر. الله ييسر أمرك ويهدي قلبك 💕
تم النشر الأحد، ١ فبراير ٢٠٢٦
شكرا جدا تاني حاسه اني قليت ذوقي مع كل حد كتب كومنت اسفه
تم النشر الثلاثاء، ٣ فبراير ٢٠٢٦
مش تفكير رجعي لأني محكمتش على جنسية معينة أنهم أقل من المصريين .. كلامي هو عموما انك متخليش العاطفة تقودك حطي احتمالات عقلانية .. اكيد الإنسان بيؤخذ بدينه وضميره وأخلاقه مش بجنسيته ولكن أبناء جنسيتك هم أسهل أنك تعرفي حقيقتهم بحكم التقارب المكاني وسهولة معرفة سمعتهم وأهلهم .. مش لأنهم مصريين .. لا للعنصرية
تم النشر الثلاثاء، ٣ فبراير ٢٠٢٦
طيب مش أي واحد نحسبه على خير فهو على خير فعلا .. مش عشان شفتي منه كم موقف كان فيه مؤدب وشفتي عليه الهدوء والسكينة والوقار وشفتي منه ابتسامتين يبقا هو مناسب .. ده كله شئ طيب وممكن هو يكون شخص جيد بس مش بالضرورة يكون مناسب .... فدي وجهة نظر انك مش من دولته فمتقدريش تعرفي سمعته
تم النشر الثلاثاء، ٣ فبراير ٢٠٢٦
اكيد برنامج شكاوي فالواحد هيقول هموم فلا داعي للإعتذار
تم النشر الثلاثاء، ٣ فبراير ٢٠٢٦
شكرا لحضرتك واسفه لو ازعجتك انا خنقتكم بكلامي وهموم آسفه مجددا
تم النشر الثلاثاء، ٣ فبراير ٢٠٢٦
شكرا ليكم جميعا واسفه عالازعاج
تم النشر الثلاثاء، ٣ فبراير ٢٠٢٦
ايه يخليكي تثقي فيه
تم النشر الاثنين، ٢ فبراير ٢٠٢٦
طيب هو بيشتغل ولا لأ؟ وهو كلمك في إنه هيتقدملك ولا لسه؟
تم النشر الاثنين، ٢ فبراير ٢٠٢٦
ما هو مجتمع عربي بردو واه هو كويس مش لازم مواقف علشان يبقي كويس ولا طبعا رفضهم مش منطقي
تم النشر الاثنين، ٢ فبراير ٢٠٢٦
بصراحة رفضهم منطقي،😅 أصل هيسألوا عليه إزاي؟ طيب لو سافرتي معاه إيش يضمنك إنه هيكرمك؟ طيب إيه المواقف اللي صدرت منه بتقول إنه شخص كويس وأخلاقه كويسة؟ طيب لما تسافروا مين كبيره وبيقفله؟ طيب فيه سؤال كمان في المستقبل.. هتربي عيالك إزاي في المجتمعات دي؟ أحيانا الأهل بيبقوا شايفين حاجات إحنا مش شايفينها وفي كل الحلات مش هينفع أهلك ميبقوش راضيين عن زواجك.
تم النشر الاثنين، ٢ فبراير ٢٠٢٦
نصيحتي ليكي صلي ع النبي كتير واستغفر وربنا يهديهم
تم النشر الاثنين، ٢ فبراير ٢٠٢٦
المفروض يدوا فرصه للموضوع ويكلموا الولد دا ويعرفوا عنه اكتر وخصوصا انا كذا حد من العيله متجوز من خارج مصر والجواز كويسه والناس كويسه عالعموم محدش فاهمني
تم النشر الاثنين، ٢ فبراير ٢٠٢٦
ي اختي الزمن ملوش امان اهلك حقهم يعرفو بنتهم هتتسلم لشخص اخلاقه ايه طب عشان يعرفو محتاجين يخرجوو برا مصر عشان يسألو اخرجي من اتعلق دا واركزي وحاولي تكلمي مامتك وشوفي رد الفعل بس انا دي وجهة نظري
تم النشر الاثنين، ٢ فبراير ٢٠٢٦
واحد مصري ولو بعيد عنك اعتقد اهلك مش هوافقو دا برا مصر محدش عارف اصلهم ولا وضعه ازاي لما اهلك يكونو مطمنين ع حد عارفينه لو راح فين لو سفرك براحتكم لكن انتي وأهلك محدش عارفه والمنح بترجع لطبيعة تفكير اهلك هل روحتي قبل كدا فاهمه
تم النشر الاثنين، ٢ فبراير ٢٠٢٦
معلش ي اختي متحكميش بقلبك بس انتي متخيله برا مصر الغربه وحشه اهلك لقدر الله حصل حاجه هتوصليلهم ازاي دا غير الاختلاف ف العادات طب سيبك مم دي انتي لو خرجتي بره ، اهلك انسيهم حرفيا ممكن مرة ف السنه ولو ليكي نصيب هتاخديه متعلقيش نفسك بحد
تم النشر الاثنين، ٢ فبراير ٢٠٢٦
هو اهلك الي هيتجوزه ولا انتي حاولي تقعدي معاهم وتقنعيهم براحة أو خلي حد من العيلة مثلا عمك أو كدة يقنعهم براحة ولو موافقوش حاولي تنسيه وتستعوضي ربنا وربنا يقدم لك الي فيه الخير
تم النشر الاثنين، ٢ فبراير ٢٠٢٦
لعل فيه شر ليكي و انتي متعرفيش و لعله نصيبك ياما حصلت و اهل رفضوا بس فالاخر بيبقى قدرك
تم النشر الاثنين، ٢ فبراير ٢٠٢٦
صلي صلاة استخارة
تم النشر الاثنين، ٢ فبراير ٢٠٢٦
لعله خير
تم النشر الأحد، ١ فبراير ٢٠٢٦
العفو
تم النشر الثلاثاء، ٣ فبراير ٢٠٢٦
مش قصة مصري ي اختي القصه انو غريب ماهو ممكن يتفدملك حدا من مصر وبعيد عنك ب ١٥ ساعه نفس الظروف لازم يعرفو اصلو ووضعهم وتقاليدهم اهلك خايفين خصوصا الزمن دا وحش
تم النشر الثلاثاء، ٣ فبراير ٢٠٢٦
هو لو مصري كان هيبقي كويس بالنسبه لكم الظاهر ان. التفكير عقيم كل اللي حواليا تفكيرهم راجعي وهل بقا نصيحتك دي تبقي كويسه ؟وهل اي انسان يديني نصيحه تبقي النصيحه كويسه؟
تم النشر الثلاثاء، ٣ فبراير ٢٠٢٦
أخلاقه وحبي ليه😊
تم النشر الاثنين، ٢ فبراير ٢٠٢٦
خلاص اقعدي قعدة صفا مع أهلك وافهمي منهم بهدوء وحاولي تقنعيهم يشوفوه الأول ولو وافقوا هو يكلم أهله ينزلوا ويتقدمولك بشكل رسمي وپرضه ممكن أهلك يرفضوه لإن هما عندهم أسباب حتى لو مش منطقية بالنسبة لك😅
تم النشر الاثنين، ٢ فبراير ٢٠٢٦
ايوا ذكرت ان احنا دكاتره ومع بعض في الجامعه والكلينك مفيش تواصل بينا وهو مستعدانه يتقدم عادي جدا
تم النشر الاثنين، ٢ فبراير ٢٠٢٦
خوف للأهل بردو اعزريهم وانتي صلي كل يوم وادعي لو خير يجمعكم وهتتيسر لو ليكم نصيب
تم النشر الاثنين، ٢ فبراير ٢٠٢٦
طيب هو انا بحبه اكيد مش اكتر من اهلي كل واحد ليه حبه لكن انا بحب الشخص دا ومتاكده من أصله وهو شخص محترم جدا
تم النشر الاثنين، ٢ فبراير ٢٠٢٦
حضرتك ممكن اتجوز حد مصري ونسافر سوا هيا هيا مفيش فرق وحتي بعيدا عن الجواز انا بيضيع عليا منح مش للدرجه دي
تم النشر الاثنين، ٢ فبراير ٢٠٢٦
لعرض السؤال في فدني اضغط هنا