انا بابايا مانع مامتي تكلم اخوها وبحجة الميراث
وده لان اخو ماما مش راضي يعطي لماما ميراثها
و جوز بنت عمة ماما مانع زوجته من أنها تكلم اختها
بدون سبب
السلام عليكم، هو أكيد التعميم مش صح، بس بيحصل أيوه إنه الزوج يمنع زوجته من زيارة أهلها أو البيات هناك. فيه منهم بيكون عندهم أسباب منطقية وبيكون فيه ضرر واقع بالفعل أو مشاكل كبيرة جدًا هتحصل ممكن توصل لخراب البيت، وفيه اللي مثلا مش عنده سبب حقيقي من وجهة نظر أي شخص تاني لكن هو مقتنع إنه ده سبب وله حق في منعها للمصلحة اللي هو وحده شايفها، وفيه للأسف بيعملوا كده فقط كنوع من التحكم الذكوري غير المبرر وبيبقى متخيل إنه اشترى الزوجة دي فيبدأ يحرمها من كل علاقاتها الاجتماعية من أهل وأصحاب ويخليها بس مجبرة على خدمته هو وأهله، ويبقى هو المتحكم الوحيد والملجأ الوحيد لها عشان يقدر يتصرف معها ويعاملها بأي طريقة وهو ضامن إن محدش هيقف ضده عشانها. هتلاقي كل النماذج دي وفي النهاية زي ما قالت كوتش ياسمين، الشخص ده هيتحاسب إذا كان فعلا عنده سبب حقيقي يخليه يجبر زوجته على قطع صلة رحمها ولا مجرد تحكم ذكوري وسوء استغلال لمفهوم القوامة.
تم النشر الاثنين، ٢٨ أبريل ٢٠٢٥
السلام عليكم ورحمه الله وبركاته مش ضروري خالص ان الموضوع يكون بدون سبب كل زوج ممكن تلاقي به سبب خاص بيه هو طبعا الازواج لهم الحق في انهم يمنعوا زوجاتهم انهم يتواصلوا او انهم يروحوا لمكان ممكن يكون فيه شكل من أشكال الأذى هم مش حابين ان هو يأثر على بيتهم طبعا هنا المسؤوليه بتقع عليهم ولو ده بدون سبب وتسببوا في قطع صلة الرحم بدون داعي يعني بدون ما يكون في اي خطر او اي حاجه فده هيكون حاجه بقى هم هيُسألوا عليها قدام ربنا لكن هو مش موضوع معمم يعني في كل الرجاله بتعمل كده كل واحد فيهم هتلاقيه ليه سبب زي ما انت ذكرتي كده انه مامتك عشان خاطر اخوها.يعني حارمها من من الميراث او منها ميراثه فهو شايف انه ده افضل او شايف ان هي حقها انها ما تتواصلش معايا لان هو ظالمها جوز بنت عمة مامتك برده اكيد ليه اسبابه او في حاجه هو شايفها ممكن يكون مصرحش بيها لكل العيله لكن هو وزوجته عارفينها او قايله لها هي شخصيا ليه هو مش عايزها تتواصل مع اختها كل واحد له اسباب وهو اللي هيُسأل. دي حاجه ما بينه بقى وما بين ربنا هو اللي يتحمل مسؤوليتها ووزرها.
تم النشر السبت، ٢٦ أبريل ٢٠٢٥
صله الرحم هذه سبب تنزل رحمة الله علينا وقطعها سبب من اسباب الشقاء ولكن تنظر هذه الزوجه من اسلوبها وتعاملها فربما تكون هي سبب النفره وهي لا تدري فليتق الله كلا منهما فيجعل الله لهما مخرجا وليكثرا من الاستغفار والتقرب الي الله
تم النشر السبت، ٢٦ أبريل ٢٠٢٥
إن منع الأزواج زوجاتهم من التواصل مع أهلهم، سواء كان ذلك بسبب أو بدون سبب، هو موضوع معقد وقد يكون له جذور متعددة تشمل العوامل الاجتماعية والنفسية والثقافية. يمكن أن تنشأ هذه المواقف نتيجة لأسباب مثل: سوء الفهم أو الثقة : قد يشعر الزوج بعدم الارتياح تجاه عائلة الزوجة أو ربما لديه تجارب سابقة تؤدي إلى عدم الثقة. الغيرة أو السيطرة : بعض الأشخاص قد يسعون للسيطرة على شريكهم، ظنًا منهم أن ذلك يعزز من مكانتهم في العلاقة. تأثير العادات والتقاليد : في بعض الثقافات، يُعتبر الابتعاد عن العائلة الممتدة أمرًا طبيعيًا أو مقبولًا، وهو ما قد يؤدي إلى منع التواصل. الصراعات المتعلقة بمسائل مالية : كما ذكرت بخصوص موضوع الميراث، قد تلعب القضايا المالية دورًا في تعقيد العلاقات الأسرية. من المهم أن يتحدث الزوجان بصراحة عن مشاعرهما واحتياجاتهما. إذا كنت ترى أن هذا الأمر يؤثر سلبًا على علاقتك أو على والدتك، يُفضل أن تطرح هذه القضايا بطريقة هادئة وبنَّاءة. يمكنك أيضًا تقديم الدعم لها، سواء في تحسين تواصلها مع عائلتها أو في التحدث مع والدك حول مشاعرها. الأهم هو احترام حقوق الجميع والسعي لتحقيق التوازن في العلاقات الأسرية مع الحفاظ على الاحترام المتبادل.
تم النشر الجمعة، ٢٥ أبريل ٢٠٢٥
يا أخي مش كل الناس كدا متحكمش على كل الرجال من رجلين ... ممكن يكون مانعها من الكلام عشان يجبر أخوها يديها حقها .. وممكن لأسباب من وسوسة الشيطان
تم النشر الأحد، ٢٧ أبريل ٢٠٢٥
حرام صله الرحم مهمه وكده ممكن متدخلش الجنه
تم النشر السبت، ٢٦ أبريل ٢٠٢٥
لعرض السؤال في فدني اضغط هنا