مرحباً
أتمني من أعماق أعماق قلبي أن أجد حل لمشكلتي ...انا الاخت الوسطي ، أعتقد أن هذه الكلمه توضح الكثير ، لكن مشكلتي الكبري تكمن في علاقتي مع اختي الصغري ..هي فقط لا تكن لي ولو ذره من الاحترام لأني قصيره وشكلي طفولي بعض الشيء عكسها ... لا أدري هل هذا السبب الحقيقي في كونها لا تعترف بي كأخت كبري أم لا ، في الحقيقه يجول في خاطري احتمالية سبب آخر لكنه يحزنني ويجرح كبريائي بعض الشيء ...هو أنها تري أمي تقلل من شأني في كثير من المواقف ..في الواقع هذا شيء طبيعي كأخت وسطي ..ولكني فقط أشعر بالاختناق وبغصه في حلقي كلما قللت اختي الصغري من شأني ، لا أدري لما تشعر بالمنافسه و في أقل نقاش بيننا تحاول وبكل وقاحه إثبات أنها الأفضل
السلام عليكم ورحمه الله وبركاته. انت الاخت الوسطى ده مش معناه خالص اللي انت قلتيه كده في وسط الكلام انك طبيعي تقلل من شانك او طبيعي والدتك تكلمك وحش قوي يكون وضعك مش حلو لا خالص ده مش طبيعي وعمره ما هيكون طبيعي الاولاد كلهم المفروض ياخذوا نفس الاهتمام ونفس المعامله كونك الوسطى. ده ما يعنيش غير انه في عندك حد اكبر. تقدري. يكون داعم ليكي وتستشيريه وتتعلمي منه وعندك حد ثاني اصغر تاخدي بالك منه وترعيه بس ده ده الحاجه الوحيده اللي بتعني يعني انت؟ اكثر من كده لا ما فيش حاجه ثانيه طبيعيه غير كده. تصرف اختك بقى الصغيره معك همم واللي هو اكيد زي ما انت قلت هو انطباع هي واخداه من نفس طريقه معامله مامتك فهي شافت انه دي حاجه عاديه انها هتتعمل هي هي الاصغر فالب البنت يعني. من ساعه ما فتحت عينيها شافت تعامل العادي وما شافتش انه في حاجه غلط استخدمته هنا هي دي المشكله الحقيقيه. طب احنا نتعامل مع الوضع ده ازاي يعني احنا نعمل ايه دلوقتي في الندتي تتعامل معايا بطريقه مش كويسه نعمل ايه في الوضع ده؟ مش هنقدر نعمل حاجه مع امنا غير ان احنا دايما نوضح انه ااا الطريقه دي مضايقنها. احنا هنفضل نعمل والدتنا باحترام ولكن هنيجي عند المواقف اللي بتاذينه وهنوضح ان هي بتاذينا طيب لو ما حصلش اي اختلاف مش هنعمل حاجه لانه التعامل مع اهلنا ليه استثناءات كثير جدا غير اي حد ثاني من البني ادمين طب نيجي بقى لاي حد تاني من البني ادمين بيقلل من احترامنا لازم يكون عندنا رد فعل. يوضح للبني ادم ده ان اللي هو بيعمله ده مش مسموح مش مسموح معناها ايه معناها انه تكرار وكمان مره هيكون له رد فعل اقوى هيكون له عواقب مختلفه يعني لو انا اختي بتيجي تبصلي وتتريق عليا مثلا فانا اول مره هاقول لها انه ده كده عيب ومش من الاحترام وهوضح لها هفهمها طيب استهزؤت واخذت بعضها ومشيت وجت بعد كده وقررت ده هابدا اخذ قصادها رد فعل اكبر. مثلا هاعلي صوتي عليها مثلا هبدا اقول لها انا ما ليش كلام معاك بعد كده طول ما انت بتتكلمي بطريقه مش محترمه وهكذا طول الوقت انا لازم اكون بدافع عن حقي وبدافع عن احترامي محدش هيعمله لي وما حدش هيديهولي مش مهم انا بقى شكلي طفولي ولا جسم صغير الكلام ده كله ملوش علاقه بحدود الاحترام ولا حدود الادب وان انا احفظ قيمتي لنفسي. ركزي كويس قوي في النقط دي ويا رب تكون سعادتك بنصيحه البسيطه.
تم النشر الأربعاء، ٣١ يوليو ٢٠٢٤
اولا مهما كان السن بينكم لازم تعرفي أنها حاجه طبيعيه لو هي مش غيرانه منك مش هتعمل اللي هي بتعمله حتي لو بتظهر غير كده وثانيا متفكريش أنها بتقلل منك ولكن افتكري أنها متعرفش هي بتعمل ايه وثالثا لو متاكده أنهم بيقلله منك يبقي لازم يكون ليكي شخصيه مستقله يعني لازم تبقي متميزه في مثلا كلامك .لبسك . أكلك أو او او وانجحي في كل شيء بتعملي رابعا بدل ما وقفه في وشها وحاطه نقرك من نقرها حولي تحبيها وتقربي منها وتصحييها وعامله حاجات مختلفه زي لعب شغل مذاكره طبخ مره في مره هتقرب منك ومش هتعديكي بالعكس ده هتخاف عليكي وعلى مشاهدعرك بس استغلي على نفسك اكتر
تم النشر الأربعاء، ٣١ يوليو ٢٠٢٤
أعتقد أن الأمر بعيد عنك تمامًا وأرجح أن هذا أسلوبها عامة. لذلك كوني واثقة من نفسك، تعاملي بهدوء في كافة المواقف ولا تأخذي أي تصرف من تصرفاتها على محمل شخصي. بالنسبة لطولك أو شكلك أو غيره، فكثيرات هن الفتيات اللواتي يتمتعن بطول قليل وتكون شخصياتهن قوية جدًا، وبالمناسبة هذا لا علاقة له بالجمال.
تم النشر الثلاثاء، ٣٠ يوليو ٢٠٢٤
اولا لازم تكون واثقه من نفسك مش اي حاجه تزعلك ولا تحس انها بتقلل منك. وانت انسانه جميله واقعدي رددي كلام ايجابي عن نفسك عشان يثبت ف عقلك اللاواعي وكلام الناس مياثرش فيك واختك الصغيره فهي صغيره مثلا اقعدي اتكلمي معاها وكدا وبرضو اقعدي اتكلمي مع والدتك واشغلي وقتك وبلاش تفكري ف الكلام الي بيقولوه. عارف ومقدر انو احساس صعب وكدا بس معلش وقربي م ربنا وصلي
تم النشر الثلاثاء، ٣٠ يوليو ٢٠٢٤
أولاً، أنا آسفة أنك تمرين بكل هالمشاعر الصعبة. فعلاً، العلاقات بين الأخوات ممكن تكون معقدة، خاصة لو كان في فرق في العمر أو نسبة في الشكل. لكن في شغلات ممكن تعمليها لتحسني العلاقة بينك وبين أختك. التواصل : حاولي تتكلمي معها بشكل مباشر. قولي لها كيف بتشعري تجاه تصرفاتها. ممكن هي ما تكون واعية إنها بتجرحك. ثقة بنفسك : ركزي على نفسك وعلى الثقة بنفسك. جمالك وشكلك لا يحدد قيمتك كأخت. كل وحدة فيكما لها مواهبها وخصائصها. الاهتمام : ابحثي عن أشياء مشتركة بينكم واهتموا بها سوا. ممكن تتفرجوا على فيلم، أو تلعبوا لعبة، أو حتى تطبخوا مع بعض. تقبل الفرق : اقبلي إن كل واحدة فيكم لها أسلوبها وخصائصها. المنافسة ممكن تكون طبيعية لكن حاولي تكوني داعمة لبعض بدل ما تكونوا في صراع. كوني قدوة : كون سلوكك إيجابي، وحتماً بتشوفي تأثيره عليها. كوني مثلاً جيداً واستمعي لها واحترمي وجهة نظرها. إذا الأمور ما تحسنت، ممكن تفكري تتحدثي مع والدتك بصدق عن مشاعرك وكيف أنها تؤثر على علاقتكم. تذكري، كل العلاقات تحتاج وقت وصبر.
تم النشر الثلاثاء، ٣٠ يوليو ٢٠٢٤
لعرض السؤال في فدني اضغط هنا