السلام عليكم ورحمة الله
انا طالب في ثالثة من حوالي اسبوعين كنت عند واحد صاحبي كنا رايحين الدرس ومن يومها وانا مش علي بعضي كنت واقف تحت بيتهم واخته كانت واقفة في البلكونة شوفتوا انتو الحب اللي من اول نظره اهاا انا ده🥺 انا قعدت 5 دقايق ببص عليه لدرجه انها شافتني وقعدت تضحك ومن يومها وانا عاوز اكلمها بس خايف لتقول لمحمود صاحبي والمشكلة الاكبر ان امها تبقي الاستاذه اللي كانت بتدرسني في الابتدائي وبتحبني وابوها راجل بيحبني ومعتبرني زي ابنه🤦🏼♂️ ف أنا مش عارف اعمل ايه وكل يوم بقعد افكر فيها لحد ما أنام🙆🏻♂️
وهي في اولي ثانوي بس يبان انها اكبر من كده
افيديوني#
مفيش حاجه اسمها الحب من اول نظرة .. ده اول حاجه.. كل ما في الحكاية انك اعجبت ب واحدة .. وتقدر عادي تعجب ب اي واحده غيرها برضه. مفيش حاجه اسمها اصلي بصلتها ف حبيتها. الحب حاجه والاعجاب حاجه تانيه. ياريت متكلمهاش .. لان اولا هتخسر ربنا في علاقة اساسا هتتبني على شئ محرم .. ثانيا هتخسر صاحبك وتخسر ثقة اهله .. ترضى على اختك كده؟ ان صاحبك يدخل بيتك وفي الاخر يلف ويطعنك في ضهرك! اكيد لأ.. يبقى تغض البصر وتنسى الموضوع ده.
تم النشر الخميس، ١٦ نوفمبر ٢٠٢٣
اولا لا متدخلش تكلمها عشان حرام ثانيا مفيش حاجه اسمها حب من اول نظره دا مجرد اعجاب عادي بس الشيطان مكبر الموضوع في دماغك لأن دي حاجه هتشغلك عن مذاكرتك وهتخلي تركيزك كله علي يا تري اكلمها ولا مكلمهاش نصيحتي ليك ركز في دراستك ومستقبلك ثالثا دي اخت صاحبك يعني خيانتك ل صاحبك هتبقي صعبه اوي ف يا تعتبرها زي اختك يا اما لو الاعجاب فضل مستمر كتير وكتير هنا بتكلم عدي سنه واتنين أو اكتر وانت لسه معجب بيها ساعتها برضو متكلمهاش وحاول تدخل البيت من بابه ولو ليك نصيب فيها هيكون
تم النشر السبت، ١٨ نوفمبر ٢٠٢٣
مينفعش تحب اخت صاحبك يا صاحبي ولا اي واحده لها علاقه باي حد من صحابك. اولا لانه مينفعش ثانيا لانه مينفعش وثالثا انت شفتها بسبب صحوبيه اخوها، فمعلش فالكلمه يعني دي اسمها خيانة ثقه.
تم النشر الخميس، ١٦ نوفمبر ٢٠٢٣
لو بتحبها اصبر لما تتدخل الجامعه واتقدم ليها وداعي تكون من نصيبك
تم النشر الجمعة، ١٧ نوفمبر ٢٠٢٣
مينفعش يا صديقي
تم النشر الجمعة، ١٧ نوفمبر ٢٠٢٣
لعرض السؤال في فدني اضغط هنا