ماما قالتلي من سنه إن ابن عم ابويا طلب ايدي وانا وافقت لاني كنت فاكره زي ما الناس بتقول عليه مكنتش اعرفه بس هو من الارياف وانا من القاهره في البدايه كنت متحمسه للموضوع بس بعد كدا دا حماسي دا قلب كره تام للموضوع دا
بقى أ] حد بيجيبلي سيرة الموضوع دا اقلب عن حالي تماما بس بعد كدا بتحصل مشاكل بيني وبين اهلي بسبب الموضوع دا لاني عايزاهم ينهوه وهم بيرفضوا دايما شايفين أنه لمصلحتي بس الموضوع بيدمر نفسيتي حرفيا
لانه هو مش بيفرق معاه حاجه غير أنه عايزني أكلمه بس مش عايز حاجه غير كدا وانا وياريت دراسه ومذاكره بس دا مش فارق معاه غير كدا انا مش يقبله حتى طريقة كلامه مش بقبلها فحاولت امنع نفسي اني أكلمه على قد م اقدر بس خلاص انا مش قادره ومش عارفه اعمل ايه ( مع العلم انا ف اولى ثانوي)
السلام عليكم، سنك صغير لسه، مش عارفة هو الخطوبة هتكون مدتها إيه بس بالنسبة لي شايفة بدري قوي أولى ثانوي. الحماس اللي كان بالأول ممكن عشان صغيرة وفكرة خطوبة وفرح والكلام ده خلتك فرحانة ومتحمسة للموضوع وبعد كده واجهتِ الواقع. عامة، صلي استخارة وادرسي الموضوع من كل الجوانب وارجعي قيمي الشخص بعيدًا عن النفور اللي ممكن سببه إحساسك بالضغط ومسؤولية القرار ده في عمرك الحالي، وإذا لسه كارهة الخطبة والشخص ومش متقبلاه زوج وشريك حياة ولا قادرة تكملي يبقى اثبتي على رأيك وصارحي أهلك وعرفيهم إنك مش مرتاحة ولا هتبقي راضية بالزواج. متاخديش قرار حياتك تحت ضغط من أي حد، مفيش حد هينفعك بعد كده إذا كنتِ مش سعيدة في حياتك ولا عشتِ في زواج تعيس. ربنا يوفقك للي فيه الخير.
تم النشر الجمعة، ٣١ أكتوبر ٢٠٢٥
السلام عليكم ورحمة الله وبركاته اول حاجه انت لسه صغيرة قدامك حياه ودراسه على الاقل لما تخلصي ثانوي يكون سنك مناسب وكدا وانت لسه بتنضجي وعقلك وانت ذات نفسك محتاجه وقت عشان تقدري تستوعبي خطوبه وجواز ومسؤوليه والخ الموضوع مش زي ما متخيله لازم يكون في نضج وقدرة على اتخاذ قرارت صح لان موضوع الجواز دا بالذات لازم نستخير ربنا اولا به وبعدها نشوف هل الشخص دا مناسب ليا من ناحية ايه مثلا من ناحية دينه هل بيصلي ويصوم ويعرف ربنا هل أخلاقه كويسه وشبهي أو احسن مني طيب هل بار بأهله هل قادر على تحمل المسؤليه وهيراعيني ويعاملني بما يرضي الله هل اقدر اديه ثقتي وغيره بقا كل واحد بيشوف إيه المناسب ليه اكتر وطبعا الخيرة فيما اختاره الله فنتكل عليه وندعيه انه يرزقنا بالزوج الصالح ، أما بقا بالنسبه لقريبك فطالما انت مش مرتاحه معاه ومش قادرة تستحملي فدا مش عيب ولا غلط ولو رفضتي معاكي كامل الحق بل وكمان انت كدا لا بتظلميه ولا بتظلمي نفسك حاولي تفاهمي مع اهلك بهدوء وصلي ليهم ان الوضع لو استمر كدا هنتظلم احنا الاتنين وهيكون الوضع مش زي مانتوا فاكرين وانا لسه صغيرة مش هقدر اتكلمي معاهم اشرحي ليهم الوضع وقولي الي مخليكي مش مرتاحه انت متضغطيش على نفسك ابدا وإن شاء الله خير
تم النشر الأحد، ٢ نوفمبر ٢٠٢٥
عزيزتي، أشعر بالضيق الكبير الذي تمرين به، وأقدر كثيراً صراحتك في مشاركة هذه المشكلة الصعبة التي تؤثر على كل جوانب حياتك. من الجيد أنك بدأتِ تعبري عن مشاعرك بوضوح، وهذا هو الخطوة الأولى نحو الحل. دعيني أساعدك في تحليل الوضع خطوة بخطوة: مشاعر الرفض والكره : من الطبيعي جداً أنك تشعرين بضيق وكره تجاه فكرة الارتباط بشخص لا ترتاحين له، خاصة وأن الطريقة التي يتصرف بها أو يتحدث بها تؤثر عليك سلباً. هذه مشاعر مهمة يجب عدم تجاهلها أو القمع. اختلاف الرأي مع أهلك : يبدو أن أهلك يرون الموضوع من زاويتهم الخاصة، وربما يعتقدون أنهم يحتاجون لحمايتك أو أن هذا الزواج مفيد لك. لكن وجود اختلاف في الرأي أمر طبيعي، ومن المهم أن تتحدثي معهم بصدق بدون توتر. تعليمك ومستقبلك : كونك في أولى ثانوي، مرحلة مهمة جداً في حياتك تحتاجين فيها جميع طاقتك وتركيزك على دراستك ومستقبلك، والزواج المبكر أو ضغط زواج قد يعرقل هذا بالتأكيد. عرض خطتك أو حدودك : من حقك أن تفرضى حدودك بوضوح، وأن تعبري عن رغبتك في تأجيل أو رفض الفكرة إذا لم تقتنعي بها، خاصة وأن شخصاً لا تريديه للزواج لا يجب أن يكون ضغطاً مستمراً عليك. نصائح عملية لك: حضري جلسة هادئة مع أهلك : حاولي أن تفتحي الموضوع معهم في وقت مناسب، وضعي لهم مشاعرك بوضوح: “أنا مش مرتاحة معاه، وطريقة تعامله مش مناسبة لي، وأنا محتاجة أركز في دراستي ومش حابة أبدأ حياة بهذا الشكل الآن.” اطلبي دعم أحد من العيلة أو الكبار الذين تحترمينهم : ممكن يكون وسيط بينهم وبينك ليستمع لأفكارك ومخاوفك ويشرحها لأهلك بهدوء. ثقي بحدسكِ الداخلي : مش لازم تضغطي نفسك على شيء مش مرتاحة له، خاصة في مرحلة عمرك. ابحثي عن استشارة متخصصة : لو استمر الضغوط أو المشاكل، يمكن أن تستشيري خبير أسرى أو متخصص في علاقات الاجتماعية عبر فدني على صفحة الخبراء، حتى يساعدك في وضع خطة مناسبة للتواصل مع أهلك وأخذ حقوقك. أتمنى لك أن تجدي القوة والراحة في موقفك، ولا تنسي أن الله هو أرحم الراحمين وسيعينك إذا دعيته بقلب صادق. أنا ذكية هنا دائماً لو حبيتِ تتكلمي أكثر أو تحتاجي نصيحة، ولا تترددي بالعودة لطرح أي سؤال آخر. وإذا حبيتي، يمكنك أيضاً البحث في فدني عن أسئلة مشابهة لتحصلي على المزيد من النصائح والدعم. دمتِ بخير وبقوة! 💖
تم النشر الجمعة، ٣١ أكتوبر ٢٠٢٥
بصي هو لازم يبقي في قبول وانك تحطي شروطك من الاول انك عاوزة تكملي تعليمك وانك ممكن متقبليش العيشة وهيكون شوية مشاكل وحوارات كتيرة صارحيه لو وافق يبقى هو عاوزك وهيدعمك ما وافقش يبقي هيفركش الجوازة وكمان حاولي تكوني جد في كل حاجة احسن يعرف انك بتطفشيه فيعناد وكمان ساعة يكلمك قولي انك بتذاكري ومش فاضية وعاوزة تكملي تعليمك كل ما يكلمك اتكلمي عن تعليمك في كل حوار واقفلي معاه في الحوارات التانية.
تم النشر الأحد، ٢ نوفمبر ٢٠٢٥
شوفي صلي استخاره وقوليلهم نتيجتها اكيد هيقتنعوا ولو شويه وكمان كلمي حد اهلك بيحترموه من العيله وهو اكيد ليه تأثير ،وادعي ربنا دايما يخلصك وربنا يعينك يارب
تم النشر الجمعة، ٣١ أكتوبر ٢٠٢٥
انتي من القاهره مش هتعرفي تتأقلمي علي حياه الارياف خليكي في الفاهره احسن
تم النشر السبت، ١ نوفمبر ٢٠٢٥
معليش فى سؤالى أنا مش قصدى حاجة يعنى أنتِ من القاهرة و متعلمة لكن أنتِ لسة صغيرة ازاى فى أولى ثانوى و مخطوبة يا بنتى أنا قدك و بتفرج على توم جيرى 😂 يعنى من رأيى مش قصدى تفسخى الخطوبة بس عيشي سنك احنا لسة صغيرين و بعدين متزعليش منى طالما أنتِ قولتى مش بتعرفى تذاكرى من مكالماته أنتِ قوليله و لو ما وافقش قوليله أنت كدا مش بتحبنى لأن اللى بيحب حد بيعمل اى حاجة علشانه
تم النشر السبت، ١ نوفمبر ٢٠٢٥
لعرض السؤال في فدني اضغط هنا