أحب فتاة وتحبني ونحن كنا على علاقة عمل ورغم أنها تركت العمل لا زلنا نتواصل من خلال الواتس
وبالرغم من أنا لم نقل كلمة حب واحدة لكن التلميحات فاضحة وواضحة
ومع ذلك اريد أن اصارحها اني لست قادرا على الزواج من الناحية المادية الان وأن علينا الدعاء بإلحاح وقيام الليل لعل وعسى
اليس هذا افضل
السلام عليكم، هل مفيش إمكانية حتى لعمل خطوبة وتطلبها من أهلها رسميًا وإن شاء الله ربنا ييسر وتجهز نفسك خلال الفترة دي؟ إذا مفيش إمكانية للزواج أو حتى للخطبة حاليًا فأكيد لازم تصارحها والخطوة اللي لازم تعملها بعد كده إنك توقف كلام معها. حتى لو فيه حدود في الكلام فده لا يمنع إن أي تواصل بينكم خارج الإطار الشرعي لا يصح ولازم نحترم الحدود اللي ربنا فرضها بين الجنسين. فالأفضل إنك تصارحها وتوقفوا كلام لحد ما تقدر تتقدم لها وإن شاء الله لو لكم نصيب ربنا يجمعكم على خير.
تم النشر الثلاثاء، ٢٨ أكتوبر ٢٠٢٥
نعم، اخبرها بعدم قدرتك المالية علي التقدم لها حاليا ولا تعط وعودا، كل شيء قسمة ونصيب، لا تعلقها بك ولا تتعلق انت بأحد، اقطع صلتك بها وقم بحظرها. يجب ان تعلم ان علاقتكما الحالية محرمة لقوله تعالي "ولا متخذات أخدان" إياك أن يدخل لك الشيطان من مدخل الدين ويخبرك أنكما تتواصلان من أجل الدعاء وقيام الليل، هذا من تلبيس الشيطان ليوقعك فيها من أكبر ودفع المفسدة مقدم علي جلب المصلحة. أنصحك ان تشاهد حلقة برنامج أيه المشكلة في الحب والارتباط https://youtu.be/AjUo-SJ5TSA
تم النشر الأربعاء، ٢٩ أكتوبر ٢٠٢٥
قبل كل هذا فهذه العلاقة حرااام بمعنى انك لازم متكلمناش خالص سواء كانت ظروفك سامحة او لا وافتكر العلاقة اللى أولها حرام او بمعنى اصح العلاقة إلى. اولها ميرضيش ربنا نهايتها مش هترضيك .
تم النشر الأربعاء، ٢٩ أكتوبر ٢٠٢٥
شوف هو حرام اصلا انك تكلمها وتكلمك بس طلاما انت باقي عليها وشايف فيها خير هتقولها انا وضعي كذا كذا ومش هنتكلم لحد ما اجي اخطبك ولان اللي ميرضيش ربنا دلوقت مش هيرضينا بعدين وتنزل تدور علي شغل وتبني نفسك ولو في نصيب تمام مفيش تمام بس تعرف انك بتسعي وصارحتها بالخطوبه والأمور تتوضح ولو في خير الموضوع هيمشي
تم النشر الجمعة، ٣١ أكتوبر ٢٠٢٥
خليك مسئول عن نفسك وعنها وده مترضيهوش لأختك انك تعلق قلبها بيك وانت كمان مش معصوم انك متتعلقش ، طالما مش جاهز خليك صريح
تم النشر الخميس، ٣٠ أكتوبر ٢٠٢٥
لعرض السؤال في فدني اضغط هنا