دلوقتي في شب بحبو وبيحبني ومامتو رافضاني وانا والولد بنحبو بعض لدرجه اننا مش هنعرف نتخلي عن بعض وحصل مشاكل الدنيا ما بيني وبين مامتو وكذا مره تكلمني وتبهدلني اي العمل دلوقتي ممكن اعمل اي ناس قالولي كلميها عيدي عليها واهلي لما قولتلهم قالولي بتقللي من قمتك
بصي بالنسبه لوالده الولد ده هي رافضه عشان سبب تقدري تقوليله يسأل مامته عشان ممكن الموضوع يتحل والاهالي يتقبلوكو واهلك بيقولولك انتي بتقللي من نفسك لان البنت بيبقى ليها برستيج معين مظهرها قظام الناس وكده ده غير ان مامته بترن عليكي تهزقك معناها انها بتقل منك عشان متحيش تاني عموما نصيحه ليكي حاولي تاخدي الموضوع بلفه كده يعني خلي الولد يسأل مامته ايه السبب وحاولي تصلحي السبب وادعي ربنا انه يجمع بينكم بالحلال لو في خير وعموما الناس الي بتقولك كلميها وعيدي عليها ماشيين بحوار انها هتزهق منك ومن كتر طلبك فهترمي الولد في خضنك عشان تخلص من الزن عموما ده ممكن يمشي مع اب لكن ام لا فانصحك تعرفي الحل وتحليه بهدوء وتقولي للولد يعرف مامته ان الحل اتحل بطريقه غير مباشره عموما عارف مكنتش مفيد مع ذلك اتمنى اكون ساعدتك بحاجه 😁✌🏻
تم النشر الأحد، ١٥ يونيو ٢٠٢٥
ده احتمال قيسيه على واقعك .. ممكن تكون فيها صفات من الشخصيات السامة وبتفتعل المشاكل فقط عشان تدمر إبنها... ان كان كذلك فمش بشجع العلاقة اولا لأن الأم مش هتعتقكم .. ثانيا الإبن اكيد مدمر نتاج سنين من الإجهاد .. ثالثا الحب والغرام ممكن يكون بسبب هروب من الواقع من طرف الإبن فهيكون مؤقت ومجرد متعة لحظية .. رابعا علاقة بلا اساس ولا ثقة لأن بادئها محرم ولا تصلح لتربية أبناء أسوياء
تم النشر الأحد، ١٥ يونيو ٢٠٢٥
لعرض السؤال في فدني اضغط هنا