السلام عليكم ورحمه الله وبركاته
أنا طالبه عندى مشكلة هي إن لما حد يطلب مني حاجه أعملها بتعصب وبخلي اللي حوليا يزعلون ومش عارفة أعمل ايه كل شوية أتعصب على حد مع انو هو معمليش حاجة دايما متوترة بسبب المدرسه والمذاكرة لأن انا دخلت دبلوم صنايع
دى اخر سنه ليا ولازم اجيب مجموع عالى عشان اكمل وده إلى مخلينى متوتره على طول يعني لما حد يطلب منى حاجه أقولهم ارحموني شويه أنا مش فاضيه
بس دى مش الحقيقة أنا مش بذاكر يعنى لما افتح كتاب عشان اذاكر مش بفهم اوبتلهى فى مسك الهاتف طيب الدروس انا باخد بس مش عارفه افتح الملزمة كل ما افتحها امسك الهاتف اعمل اى
ابعد عن التليفون بقدر الامكان وحاول تركز في المذاكره اكثر من كده عشان تقدر تحقق حلمك.
تم النشر الثلاثاء، ٢٨ أكتوبر ٢٠٢٥
وعليكم السلام ورحمة الله وبركاته، أولاً أحب أقول لك إنّ مشاعرك وتوترك طبيعي جداً خاصة مع ضغوط الدراسة والمستقبل اللي بتحاول تبنيه لنفسك، ولازم تعرفي إن كل واحد بيمر بمراحل صعبة، والمهم إنك تحاولي تتحكم في التوتر بدل ما التوتر يتحكم فيكي. خليني أساعدك خطوة بخطوة: فهم سبب الغضب والتوتر: أنتِ بتحسي بضغوط كبيرة بسبب الدبلوم وأهمية العلامات، وهذا بيخليكي متوترة وعصبية، خاصة لما يطلب منك أحد شيء في وقت تحسي أنك مش قادرة تتحمليه. التعامل مع الغضب: لما تحسي بالغضب، خدي نفس عميق وعدّي في بالك بعض اللحظات الإيجابية. جربي تقولي لنفسك: "أنا متوترة مش معني إني أزعّل حد". قولي للناس حوليك بشكل هادي وبكل احترام: "أنا مضغوطة شويه، ممكن تساعدوني أفهم أو تعطوني فرصة؟" تنظيم وقت المذاكرة: حددي وقت معين للمذاكرة (مثلاً 30 دقيقة تذاكر فيها وفي فترة راحة قصيرة بعدها). خلي المذاكرة مكان هادي بعيد عن التلفون، وحاولي تحطيه في مكان بعيد عشان ما تشتتكيش. جربي تقسمي الدروس لأجزاء صغيرة بدلاً من محاولة فتح كل الملزمة دفعة واحدة. التغلب على التشتت: إذا حسيتِ إنك بتشتتي بسرعة، جربي تعتمد على طرق تفاعلية للمذاكرة زي الملخصات أو الكتابة باليد. حاولي تستخدمي طريقة "الدراسة النشيطة" زي تشرح شيء لنفسك أو لحد تاني صوتياً. الرعاية النفسية للنفس: لا تقسي على نفسك لأن مرات الضغط بيخلي الأداء أقل لكن مش نهاية العالم. ادعي ربنا واطلبي منه السداد والراحة النفسية، وصدقيني الدعاء له تأثير كبير. إذا استمرت المشاعر دي وأثرت بشكل واضح على حياتك اليومية، ممكن تفكري ترجع لمختص نفسي في قسم الإرشاد بمدرستك أو جامعتك. أنا هنا دائماً لو حبيتي تشاركي أو تطلبي نصايح إضافية، وكمان ممكن تلاقي كثير من الأسئلة والإجابات في تطبيق فدني تفيدك أكثر، جربي تبحثي عن "تنظيم الدراسة" أو "التوتر الدراسي". انتِ قوية وقادرة تعدي المرحلة دي، وإن شاء الله مع تنظيم الوقت والصبر والدعاء كل شيء بيتحسن! 🌸✨ هل في نقاط معينة تحبي نستعرضها أكثر أو تساعدك فيها؟
تم النشر الاثنين، ٢٧ أكتوبر ٢٠٢٥
يارب ي حبيبتى يارب🩷 وربنا يوفقك و توصلي لهدفك 🩷
تم النشر الثلاثاء، ٢٨ أكتوبر ٢٠٢٥
جزاك الله خيرا على النصيحه وادعي لي ربنا يهديني ربنا يوفقك في حياتك
تم النشر الثلاثاء، ٢٨ أكتوبر ٢٠٢٥
بصى هقولك على حاجه انا عملتها فى الثانويه و فادتني جداً ، كنت عامله منبه قبل صلاة الفجر ب نص ساعه كنت بقوم اصلي قيام الليل و اقرأ قرآن و استنى شويه صغيرين الفجر يأذن اصلي الفجر و اقفل الفون نهائياً و أشيلو ابدأ مذاكرتي وارتاح بعد كل درس خلصتو بتاع ربع ساعه كده اعمل شاى عصير ايه حاجه بقا وارجع اكمل تاني كان دروسى اونلاين مش سناتر والحمدلله حالياً فى كلية الصيدله كانت حلمي والحمدلله بفضل ربنا و قيام الليل و مذاكرتي جبتها انتى بس ذاكرى كويس و الفون ده اقفليه خالص و اديه لمامتك و ابقا امسكيه شويه بليل بس متسهريش عليه علشان تقومي تاني يوم فايقه. اما بالنسبه لانك دايماً متعصبه ده طبيعى لانك حاطه حاجه فى دماغك وخايفه انك متوصليش ليها بس انا بقولك سيبك من العصبيه دي حاولي تهدى مش كل حاجه تعصبك لأن ده هيأثر على نفسيتك بعدين و هتتعودي كل حاجه تعصبك دايما حاولي تسيطرى على نفسك و زي ما قولتلك حاولي تخفى الفون فى وقت مذاكرتك حاولي على قد ما تقدرى علشان توصلي لهدفك ، وربنا يوفقك فى حياتك يارب🩵
تم النشر الثلاثاء، ٢٨ أكتوبر ٢٠٢٥
طيب بالضرورة في سبب للتوتر لأن ده مش الطبيعي عند الإنسان.. ايه سببه ؟ راجع نومك أو أن في بعض المعاصي والشهوات أو مقصر في الفروض أو حد من أهلك شخص عنيف مأذيك أو حد من والديك غايب مثلا
تم النشر الجمعة، ٣١ أكتوبر ٢٠٢٥
لعرض السؤال في فدني اضغط هنا