أنا مش كبيره عندي 19 سنه أكبر حلم من احلامي اني مبقاش لوحدي أبقى في علاقه صح مع راجل صح يمكن أهرب من مشاكل أهالي أنا في أكتر سنه محتاجه فيها دعم بس تعبت من العلاقات الغلط أنا في ثانويه عامه و مقفوله من كل حاجه أنا عاوزه حل اني مبقاش لوحدي و متاذيش 💔
السلام عليكم، أكبر غلط ممكن تعمليه إنك ترتبطي بشخص عشان تهربي من مشاكل أهلك. مش هقول لك ارتباط في علاقة غير رسمية أو صحوبية (ده حرام أصلا)، لأ، حتى الزواج نفسه... اوعي تستخدميه مهرب من مشاكلك وحياتك مع أهلك لأنك للأسف ساعتها من غير ما تحسي هترتبطي بشخص فيه نفس الصفات والمشاكل اللي بتهربي منها. لو مصلحتيش تفكيرك هتجذبي نوعية الرجال اللي هتخليكِ عايشة في نسخة من حياتك مع أهلك. *** وأبدا أبدا أبدا متخليش حل مشاكلك رجل. متنتظريش الفارس اللي هينتشلك من مشاكلك ووحدتك وينقذك وينقلك لعالم أفضل. التفكير ده مدمر وفي الغالب هيوقعك مع شخصيات مستغلة أو مريضة وبدل ما تنقذي نفسك من الوضع الحالي هتلاقي نفسك في وضع أسوأ. اللي محتاجاه هو إنك تقفي مع نفسك وقفة وتصححي وضع حياتك عشان تعرفي تختاري صح بعد كده. ركزي على دراستك دلوقتي. هي ده أولويتك... لو اشتغلتِ على دراستك وشغلتِ نفسك ووقتك بالمهم مش هتلاقي وقت أصلا تحسي بالوحدة ولا تدوري على الاهتمام اللي مفتقداه في حياتك. اشتغلي على نفسك وطوريها وخلي عندك أهداف كبيرة تسعي عشانها. وقتها هتفهمي قيمتك صح وهتعرفي إزاي تختاري الشخص اللي يشاركك رحلتك في الحياة ويكون شريك فعلا مش منقذ وهمي. ربنا يوفقك في دراستك وحياتك.
تم النشر الثلاثاء، ٣٠ ديسمبر ٢٠٢٥
بصراحه حاسه الموضوع صعب انك عايشه في كل الدوامه دي حبيبتي صدقيني لا ملجا ولا منجي الا الله قربي من ربنا جدا وخليه هو اقرب منك لنفسك ومتدخليش اي علاقه سامه ربنا كاتبلك العوض في الوقت الصح الي فعلا تكوني محتجاه فيه ولو انتي شايفه انك حاليا محتاجه شخص يبقي معاكي فا ربنا شايف انو مش وقته ورزقك مكتوبلك من قبل ما تتولدي استعيني بالله وصلي وقربي جدا من ربنا واطلبي منه انه يعينك على كل حاجه ويرزقك بالزوج الصالح وبالله عليكي بلااااااش علاقات محرمه دي اكبر مصدر للنكد والتعب النفسي بجد مشاكل عيلتك كتير ايوا بس خدي خطوه انك تحاولي تصلحي من نفسك وربنا هيفرجها باذن الله.. قال تعالى "ومن يتقِ الله يجعل له مخرجا".. اتقي ربنا وخليه نصب عينيكي عشان تعرفي تعيشيها صح وقال تعالى "ونحن أقرب إليه من حبل الوريد".. ربنا وحده الي فاهمك وعارفك وقادر يساعدك صلي وقربي من ربك وبس ربنا يقويكي ويسعدك حبيبة قلبي
تم النشر الأربعاء، ٣١ ديسمبر ٢٠٢٥
نصيحة من أخ جرب العلاقات اتاذي جدااا حوار العلاقات دا موضوع فاشل لانه هايوصل الحال انك تتعلقي بي انسان مش بربنا التعلق دا حاجة ربنا ما يوريكي كلمة منه تخليكي أسعد انسانة كلمة تزعلك بالايام محدش بيقدر القلوب النظيفة دا غير انه حرام طبعا اي علاقة بين الراجل والست تبقى في حدود العمل أو الدارسة غير كدا زواج تاني حاجة انتي مش لوحدك معاكي ربنا بيعينك البعد عن الناس دي حاجة بالنسبة ليا مريحة لحد ما انا بحب الهدوء جدااا اني اخلص شغلي اينعم بزهق بس كل يوم بكتشف اني افضل بعيد احسن من اني أقرب من حد يدخلني في مشكلة حطي لنفسك أهداف شوفي الدراسة ابدأي اعملي علاقات مع صحاب بنات بس واحدة واحدة متديش حد الثقة الكاملة
تم النشر الثلاثاء، ٣٠ ديسمبر ٢٠٢٥
يا حبيبتي 💕، أنا فاهمة تمامًا إحساسك بالوحدة والتعب ده، خاصة في سن 19 وأنتِ في الثانوية العامة، ومشاكل الأهل بتزود الضغط. طبيعي جدًا تحسي كده، بس خلينا نفكر مع بعض في حلول صحيحة وآمنة عشان متتأذيش تاني. أولًا: ركزي على نفسك دلوقتي الثانوية العامة أولوية : دي سنة حاسمة لبناء مستقبلك. انجحي فيها عشان تبقي قوية ومستقلة، ده هيفتحلك أبواب كتير، وهيجذب ناس صالحين تلقائيًا. طوري ذاتك : اقرئي كتب إسلامية عن الصبر والقوة (زي "لا تحزن" لعائض القرني)، مارسي رياضة خفيفة زي المشي، وابدئي هواية زي الرسم أو الكتابة. ده هيملأ الفراغ ويبني ثقتك. ثانيًا: العلاقة الصح مع راجل صالح الطريق الإسلامي : متتسرعيش في علاقات غلط، الزواج هو الحل الوحيد اللي يحميكِ. ادعي الله كل يوم بعد صلاة الفجر: "اللهم ارزقني زوجًا صالحًا يخافك ويساندني". الصبر مفتاح الفرج. ازاي تلاقيه؟ بعد النجاح في الثانوية، اشتركي في أنشطة حلال زي دروس دينية، جمعيات خيرية، أو دورات عبر الإنترنت (في Fedni هتلاقي خبراء في الزواج والعلاقات الأسرية: https://www.fedni.net/experts ). كمان، اتكلمي مع أهلك بصراحة عن رغبتك في الزواج، ممكن يساعدوكِ يلاقوا واحد مناسب. خطوات عملية فورية: اكتبي أهداف يومية صغيرة (مثل: أدرس ساعتين، أصلي قيام الليل). ابحثي في Fedni عن أسئلة مشابهة زي "كيف أتعامل مع الوحدة قبل الزواج؟" هتلاقي إجابات كتير مفيدة. لو محتاجة دعم أكتر، روحي لصفحة الخبراء في Fedni وخدي استشارة خاصة. أنتِ قوية وهتقدري، يا بنتي! الوحدة مؤقتة، والله معاكِ. لو عايزة تتكلمي أكتر، أنا هنا 😘. الله يفرج همك وييسر أمرك.
تم النشر الثلاثاء، ٣٠ ديسمبر ٢٠٢٥
بصي هقولك حاجه انا كنت في سنك و بعاني من نفس المشاكل دي حابه اقولك انه الحل مش الارتباط والله يابنتي ما ده اللي هيحل مشكلتك انتي لسه صغيره استمتعي بحياتك مارسي هوايات و اعملي رياضه و قربي من ربنا بلاش تضغطي علي نفسك اهم حاجه سلامك النفسي ابعدي عن اي حد بيشكي كتير و ادعي نفسك قولي لنفسك كلام حلو اقري قران عارف اي اكتر حاجه طلعتني من كل ده هو الاهداف حطي اهداف للسنه بس اهداف واقعيه و كل يوم طوري من نفسك اكتر كمان اكتبي ديما هاتي نوت بوك و اكتبي اللي بتحسي بيه و اللي نفسك بيه اكتبي كلمي ربنا بالكتابه حتي مشاعرك عبري عنها بالكتابه اتعلمي لغة اقري كتب نزلي كتب علي التليفون و اقرايها او اشتري لو تقدري اسمعي فيديوهات مفيدة اسمعي فيديوهات عن الصحابة و التابعين ابحثي عن ناس عملوا حاجات مفيدة لما كان سنهم 19 سنه ابني نفسك ده سن صعب انا عارفه بس اوعي تقعي انا جايالك من المستقبل و بقولك كل ده هيعدي بس متخليش الشيطان يضعفك و يوقعك و يقولك كلهم مرتبطين و انا لا ابعدي عن اي صحبة وحشه و اوعي تصاحبي ولد و تقولي زي اخويا علشان هتتاذي اوي خليكي واعيه اوي و هتبقي احسن بنوته في الدنيا ربنا يحفظك يارب اه نسيت اقولك الراجل الكويس اللي يستاهلك هيجي في الوقت المناسب اللي ربنا محددة اللي هتكوني قد المسؤوليه و تكوني ناضجة بما فيه الكفايه و خليكي عارفه انه الجواز و العلاقات مش جنة زي ما بنكون متخيلين لازم نكون ناضجين كفاية و قادرين ندي الطرف التاني مش ناخد بس
تم النشر الأربعاء، ٣١ ديسمبر ٢٠٢٥
هو انا عندي سؤال مهم... اشمعنى فكرة الارتباط الي شايفه انها هتخفف عنك؟.... عايز أسمع وجهة نظرك مش أكتر
تم النشر الأربعاء، ٣١ ديسمبر ٢٠٢٥
سيبك صدقينى هتتعبى عل فاضى
تم النشر الأربعاء، ٣١ ديسمبر ٢٠٢٥
انتي مش لوحدك أنا كنت زيك كدا وكنت بحس الكل ببعد عني طلعت أنا الي كنت ببعد بعد ما قعد مع نفسي حاولي تقربي من بنات صحابك قرايبك وهتعرفي انك مش لوحدك
تم النشر الأربعاء، ٣١ ديسمبر ٢٠٢٥
زودي من صلة الرحم بالأخص اقاربك البنات اللي من سنك، و حاولي تروحي انشطة فيها صحبة صالحة زي المسجد او دور التحفيظ، الصحبة الصالحة والله هتغنيك عن كل العلاقات الحرام
تم النشر الأربعاء، ٣١ ديسمبر ٢٠٢٥
في صحاب وناس كويسه كتير وبكره هاتعرفي ان البعد عن الناس غنيمه
تم النشر الأربعاء، ٣١ ديسمبر ٢٠٢٥
قربي من ربنا وكل يوم صلي قيام الليل وتكلمي مع ربنا علشان العلاقات دي هتوديكي في داهية ويمكن تتجوزي ومتعرفيش تبطلي دي اهم سنه في حياتك ركزي عليها علشان متندميش بعد كدا
تم النشر الأربعاء، ٣١ ديسمبر ٢٠٢٥
محتاجه تفاعل و رد
تم النشر الثلاثاء، ٣٠ ديسمبر ٢٠٢٥
لعرض السؤال في فدني اضغط هنا