عندي مشكلتين هدخل في موضوع بدون مقدمة
الاول اني دايما بحس اني مش بعمل حاجه ، يعني الفترة الاخيرة اتعلمت اعمل وصفات و بقيت أطبقها و اتحسنت و الي حواليا بيقولوا انها جميلة فعلا حتى انا عارفه كدا ، بس بقول لنفسي انا معملتش حاجه انا طبقت وصفة بس
سنة دي انا نجحت بامتياز (ممكن يبان عادي بس لو قولتلك اني قبل 6 سنين بس مكنش في دماغي تعلم اصلا هتعرف اني اطورت) بس الفكرة ان الحم لله انا دعيت ربنا كتير و السنة كانت صعبة جدا و انا نجحت فيها بشكل يفوق توقعاتي فحاسه اني منجحتش بمجهودي ، ربنا استجاب لدعائي بس
و هكذا في باقي الحاجات ، لو رسمت رسمة من تلفون و طلعت حلوة بقول انا مرسمتش انا طبقت الفكرة ، قليل ما بحس بمجهود نفسي
تاني مشكلة انا عندي 20 سنة في منطقتنا دا سن مناسب للجواز ، بس انا لسه عايشه جوايا البنت الي كان عندها 15 سنة (مع العلم ان تصرفاتي عاقلة و و معنديش نهائي حركات المراهقة و بدون مجاملة الي يعرفني من غير ما يشوفني يديني سن اكبر) بحس ان لسه بدري بل اني كرهت الجواز لأسباب كتير و مبحبش حد يكلمني فيه ،
مبحبش فكرة ان حد يشوفني ف يرشحني لعريس ما (بتضرب في دماغي علطول فكرة ان جماد قابل لشراء و البيع) ببقى عايزة لو حد اتقدم يتقدم لشخصي انا ، و رغم ذلك برضوا أنا مرعوبة من الجواز لاسباب كتير محوطاني ، المشكلة ان لم حد يقول ان فيه عريس بتضايق جدا و بحس بخنقة و ممكن اتعصب عليه ، انا عايزة أتخطى الموضوع دا.
انا مش بدور على انسان مثالي ، لكن من كتر الاشخاص الي شوفتها في حياتي بقيت افكر جديا اني متجوزش ، ف هل فيه حد عمل كدا و ايه حياته
اخيرا ياريت محدش يدخل الايمان و يقولي حلال و حرام و خلاص ، افهموني الاول
انا كدا والله برضو دي مش مشكله غالبا بس اعرفي أن الحياه لازم تعدي انا عارف الاجابه بس مش لاقي كلمات توصفها بجد غير دي بس علي العموم موضوع المجهود وانك مش بتحسي بفخر لما تعملي حاجه ده حلو سهل اعرفي أن ربنا بيسهل للأنسان بس مش بيساعدو يعني مثلا نفضرد انك تعيد رنا انك تنجحي بس مذاكرتيش مستحيل تنجحي بس في المقابل لو ذاكرتي ودعيتي ربنا تنجحي فربنا مهدلك الطريق بس انتي الي بنتيه
تم النشر الأربعاء، ٢٩ يوليو ٢٠٢٦
السلام عليكم، بالنسبة لمشكلتك الأولى ففيكِ شوية من سمات الكمالية غير الصحية وجايز ده راجع لعوامل تربوية، زي إن الأسرة مثلا كانت عاوزة تفوق دائم منك أو كانوا بيحاسبوك على أي خطأ. دايما بتدوري على الكمال ومش بترضي عن اللي بتوصليه. وفكرة إنك بتنكري جهدك وبتفكري إنك لا تستحقي إنجازاتك لأنك ملكيش أي فضل فيها فدي سمة من متلازمة المحتال. طبعا لا أقدر أجزم بس من الكلام المكتوب إنك عندك المتلازمة دي لكن هي عامة متلازمة منتشرة وسط الناجحين والمبدعين وبتخليهم يشككوا في إنجازاتهم وتقدير الناس لهم وبيعتقدوا إنهم لا يستحقوا اللي وصلوا له وإنهم بيخدعوا الناس أكيد وكل النجاح ده كان بسبب حظ أو أسباب تانية غير جهدهم. فحاولي تعالجي المشكلتين دول قبل ما يزيدوا ويتحولوا لعائق في طريق نجاحك بالحياة. *** طبعا أي نجاح فالفضل فيه لربنا، لكن برضه ربنا قال لنا ناخد بالأسباب وده اللي أنتِ بتعمليه. الطبخة اللي طبختِها، أيوه اتبعتِ وصفة بس أنتِ اللي بذلتِ مجهود وتعبتِ في عملها، مش مجرد قرأتِها وهي اتعملت وحدها. ومع التكرار هتتحسني وساعتها هتبقي اكتسبتِ المهارة وهتختلفي عن أي شخص اتبع نفس الوصفة. نجاحك في الامتحان، أيوه دعيتِ وربنا وفقك، لكنك برضه أخذتِ بالأسباب وذاكرتِ واجتهدتِ ومقولتيش أنا هترك المذاكرة وأقعد أدعي طول السنة وربنا هينجحني. ******** فيه تمرين صغير ممكن تعمليه عشان تدربي نفسك على رؤية مجهودك وعدم إنكاره، وهو كتابة إنجازاتك اليومية، سجلي كل يوم على الأقل ٣ حاجات عملتِها حتى لو صغيرة واكتبي جنب كل واحدة سببين على الأقل للإنجاز خاصين بكِ. مثلا، نجحت في امتحان كذا... لأني... ١- ذاكرت بانتظام.. ٢- التزمت بالمراجعة. وهكذا. واحدة واحدة هتتعودي تشوفي جهدك وفي نفس الوقت طبعا تكوني ملتزمة بشكر ربنا وإرجاع الفضل له إن أعانك تبذلي الجهد ده ووفقك له. ************ *********** بالنسبة لسؤالك عن الزواج، فرأيي الذي لا أتنازل عنه إن الزواج مش قطار مطلوب مننا نقفز فيه قبل ما يفوتنا، هو محطة من محطات حياتنا الكتيرة لما ييجي وقتها نركبها واحنا مستعدين فعلا وفاهمين مسؤوليتنا وحقوقنا فيها، مش لمجرد خوف من كلام الناس وكلمة "عنوسة" وكل الضغوط المجتمعية اللي بتخلي البنات والشباب يدخلوا زواجات متسرعة أو لأسباب مش صح فتنتهي بالطلاق أو بأسر مفككة غير سوية. ** سن الزواج عامة تأخر في مجتمعنا بسبب الظروف الاقتصادية وبعض الأسباب التانية، فأنا شايفة سنك لسه صغير وقُدامك وقت تعالجي جذر مشكلة كرهك للزواج وتتأني في اختياراتك. لو تقدم لك شخص مناسب وقعدتِ معه ولقيتِ فيه قبول وهو مناسب وعلى خلق ودين فصلي استخارة وخذي الخطوة واستغلي فترة الخطوبة في إنك تتأكدي من قرار الزواج منه. ** مش مطلوب منك تسايري المجتمع ولا تاخدي قرارات تندمي عليها بعدين ولا مطلوب تكوني نسخة من غيرك. ممكن تتابعي مختصة نفسية عشان تعالجي مشكلتك النفسية تجاه الزواج عشان تقدري إن شاء الله تختاري صح بعد كده وتكملي مع شريك الحياة بطريقة سوية بدون عقد تسببت فيها مشاكل أسرية أو ظروف مجتمعية. ** طولت عليكِ بس حبيت أفيدك على قد ما أقدر، وربنا يوفقك للي فيه الخير.💚💚
تم النشر الأربعاء، ٢٩ يوليو ٢٠٢٦
أول حاجة، أنا فاهمة إنك بتتكلمي بصراحة وبدون لف ودوران، وده شيء كويس جدًا. هتكلم معاكِ بصراحة كمان وأحاول أساعدكِ تفهمي المشكلتين دول بشكل عملي. بالنسبة للإحساس إنكِ "مش بتعملي حاجة" رغم إنجازاتكِ، ده اسمه غالبًا "متلازمة المحتالة" (imposter syndrome). إنتِ بتشوفي النتيجة النهائية (وصفة نجحت، درجات امتياز، رسمة حلوة) وبتقللي من المجهود اللي وراها، لأنكِ بتركزي على "التطبيق" بس. الحقيقة إن التطبيق نفسه بيحتاج تركيز، صبر، تعديل، وتكرار، وده مجهود نفسي حقيقي. جربي تغيري الطريقة اللي بتتكلمي بيها مع نفسكِ: بدل ما تقولي "أنا طبقت وصفة"، قولي "أنا جربت، حسنت، وعدلت لحد ما نجحت". كل مرة تنجحي فيها، اكتبي 3 خطوات صغيرة عملتيها بنفسكِ، حتى لو بسيطة. ده هيساعد دماغكِ يسجل المجهود ده كجزء منكِ مش حاجة جاية من بره. أما بالنسبة لموضوع الجواز والإحساس بالخوف والرفض، فده شعور طبيعي جدًا لما الواحدة تشوف نماذج سلبية كتير حواليها. إنتِ مش بترفضي فكرة الجواز كفكرة مجردة، إنتِ بترفضي الطريقة اللي بتتعامل بيها معاكِ كـ"سلعة" أو "ترشيح"، وده شعور صحي ومش غلط. الخوف ده غالبًا بييجي من فقدان السيطرة: إن حد يقرر عنكِ أو يشوفكِ ككائن قابل للعرض. عشان تتخطي الجزء ده، ابدئي بتحديد "الحدود" اللي هتقبليها في أي علاقة مستقبلية، حتى لو مش دلوقتي. يعني اكتبي 5 صفات أو شروط أساسية لازم تكون موجودة عشان تحسي بالأمان والاحترام. كمان، جربي تتكلمي مع نفسكِ عن "الجواز كشراكة" مش كـ"بيع"، وده هيحتاج وقت وتجارب صغيرة زي التعامل مع ناس جديدة في سياقات آمنة (مش بالضرورة تعارف للجواز). في النهاية، إنتِ عندكِ 20 سنة وبتفكري بعمق، وده لوحده تطور كبير. المشكلتين دول مرتبطين ببعض: لما تحسي بقيمة مجهودكِ أكتر، هتقدري تاخدي قرارات أوضح عن حياتكِ الشخصية بدون خوف زائد. لو عايزة، قوليلي أكتر عن موقف معين بيضايقكِ عشان نفصله مع بعض.
تم النشر الأربعاء، ٢٩ يوليو ٢٠٢٦
لا انتي عملتي كتير انتي بتسعي والنتيجه بتاعت ربنا ده الطبيعي وموضوع الجواز ده سنة الحياة زي ناس مش كويسه في ناس كتير كويسه واكيد ربنا هيعوضك بالي يصونك ويشيلك جوه عيونوو
تم النشر الأربعاء، ٢٩ يوليو ٢٠٢٦
في فيديو عن جلد الذات ع يوتيوب لدكتور عماد ممكن تبحثي عنها هتفيدك جداً
تم النشر الأربعاء، ٢٩ يوليو ٢٠٢٦
فَـ الحل اننا نغير طريقتنا اتجاه نفسنا نكون اكثر رحمه بنفسنا يعني مثلاً لو صحبتي او حد اهتم بيه عموماً جابت الدرجات الحلوة اللي انا جبتها هقولها اي هقولها انتي شطورة فخورة بيكي و ده مش بيقلل من طموحنا او اننا كدا هنفشل لو طبطبنا ع نفسنا شويه
تم النشر الأربعاء، ٢٩ يوليو ٢٠٢٦
المثالية دايماً بتعمينا عن الحاجه الحلوة اللي بنعملها او لو اتربيتي في بيئه ناقده جداً ده بيأثر برضو
تم النشر الأربعاء، ٢٩ يوليو ٢٠٢٦
لعرض السؤال في فدني اضغط هنا