السلام عليكم
انا اتخطبت لشخص ما كناش نعرف بعض والحمد لله هو اخلاقه كويسة و بنعرف نتكلم و نتفاهم على الواتساب،
المشكلة اني مش بحب شكله و لا نبرة صوته و كمان مش عاجبني شغله حالياً و كمان مش عارف هيتجوز امتى، أهلي فرحانين بيه علشان مستواه التعليمي و الديني لكن انا مش عارفة اقتنع بيه وحاولت كذا مرة أسيبه لكن بيعترضوا عليا جامد و بيقولولي أستنى شوية كمان.
و عدى لحد دلوقتي ٧ شهور من الخطوبة و انا بحاول أحبّه لكن مش عارفة.
أرجوا الإفادة لإني مش عارفة أعمل ايه
و شكراً
السلام عليكم ورحمه الله وبركاته. شوفي كل واحد وليه مبدا هو بيكون بيختار على اساسه ان اهلك يختاروا على اساس مبدا منطقه انت بتقولي ان هو فعلا مستواه دينيا وتعليميا كويس هو طريقته كويسه تقدري تتواصلي معاه ببساطه بس طالما هو مش قدامك فهنا انت عندك معيار مختلف او عندك مبدا هو الاعلى وهو مسألة الشكل وانت شايفه ان فيه عدم قبول في مساله الشكل ولذلك انت مش قادره تتواصلي معاه هنا احنا ممكن نعمل حاجه يعني انا مش عارفه السبع شهور اللي عدوا دلوقتي من الخطوبه. هل السبع شهور دول عدوا وانتوا في اوقات بتقعدوا تتقابلوا فيها وبتبقى يعني بتتعاملي معاه وجها لوجه ولا المرات دي قليله؟ لو المرات دي قليله يبقى انت هتحتاجي تطلبي ان المرات دي تبقى اكثر شويه حتى لو هو في مسافه بعيده لا أصري على الطلب ده حتى لو هو مثلا مسافر يبقى يكون فيه مكالمات فيديو كول طبعا يكون في حد متواجد معاكي يعني لكن الامر ده مهم جدا لانه مسألة الشكل وده مش حاجه بنختلقها ولكن هي فعلا الابحاث اللي اتعملت انه مساله الشكل بعد التعود الموضوع بيختلف تماما يعني حتى الشخص اللي ممكن انا اكون شايفاه للوهله الاولى شكله حلو بعد التعود انا ببدأ اشوف شكله عادي وكمان ممكن ابدا اشوف شكله مش حلو الامور بتختلف كتير جدا مع التعامل المستمر فعشان كده بطلب منك انك تشوفي النقطه دي لو ما كانتش محققة يبقى تمام يعني صري عليها شويه طب لو احنا لا في سبع شهور دول هتقابلنا كتير بس انا مازلت مش متقبله الشكل خلاص يبقى يعني لا يكلف الله نفسا الا وسعها مش حاجه كويسه خالص انك تقبلي بحد وتبقي في عندك شكل من اشكال النفور منه يعني. فيبقى لا خلاص يا جماعه هو شخص كويس وكل حاجه ولكن انا في عندي نقطه تخليني مش هقدر ادي للراجل ده حقه وهو اني احترمه او اني اكلمه بطريقه كويسه وهي النقطه اللي انت عندك فيها نفور يبقى الموضوع افضل ان احنا نقفله لحد هنا.
تم النشر الثلاثاء، ١ يوليو ٢٠٢٥
وعليكم السلام ورحمة الله وبركاته، أختي العزيزة، شكراً لك على صدقك ومشاركتك لمشاعرك بكل وضوح، وهذا بالفعل أمر مهم جدًا لأن الزواج علاقة عميقة تُبنى على القبول والتفاهم والحب، وليس فقط على المعطيات الخارجية أو الترتيبات الاجتماعية. ما تمرّين به من مشاعر "عدم الإعجاب" أو عدم الشعور بالراحة تجاه الصفات الشكلية أو الصوت أو حتى العمل أمر طبيعي جدًا، خاصة عندما تكون العلاقة جديدة ولم تتعرفي على الشخص بشكل عميق. ولكن في الوقت ذاته، من الضروري أن تكون هناك مساحة للطمأنينة والقبول، لأن الإنسان أحيانًا يحتاج إلى فرصة للتأقلم والتعرف أكثر. إليك بعض النقاط التي يمكن أن تساعدك في التعامل مع الوضع: التقييم الواقعي : حاولي أن تكتبي لنفسك ما الذي يعجبك في هذا الشخص (مثل أخلاقه، التفاهم، الدين، أية صفات أخرى) وما الذي لا يعجبك. هل عدم الإعجاب فقط في الجانب الخارجي؟ هل ممكن أن هذا الجانب يصبح أقل تأثيرًا مع الوقت عندما تزداد معرفتك به؟ التواصل المباشر : هل حاولتِ أن تلتقي به وجهًا لوجه أكثر من مرة؟ أحيانًا الرسائل على الواتساب لا تعطي صورة كاملة عن الشخص، والنبرة الحقيقية أو التفاصيل الصغيرة تظهر أكثر في اللقاءات المباشرة. الاهتمام بالمستقبل : طالما أنه لا يوجد وضوح في موضوع متى سيتزوج، فهذا يمكن أن يكون مصدر قلق مشروع. من حقك أن تطلبي وضوحًا في هذا الجانب، لأن الانتظار فترة طويلة بدون تأكيدات يمكن أن يجعلك تشعرين بعدم الاستقرار. حقك في الرأي : أحيانًا العائلة يكون لديها وجهة نظر مختلفة، وهذا طبيعي، لكن في النهاية الزواج شراكة بينك وبين الزوج، فلا تجبري نفسك على قرار لا تشعرين معه بالراحة. الإسلام يعلي من قيمة الود والرحمة بين الزوجين، ولا يجب أن يكون القرار بمجهود جهدي أو رضى الآخرين فقط. طلب المشورة والدعم المتخصص : لو وجدتِ نفسك في حيرة كبيرة، يمكنكِ الاستفادة من المستشارين المختصين في الزواج والعلاقات الأسرية. يمكنك زيارة قسم الخبراء في فدني https://www.fedni.net/experts والبحث عن متخصصين في النصح الزوجي. الموازنة بين العقل والقلب : حاولي أن تستمعي لقلبك وعقلك معًا. هل شعورك الحالي هو مجرد مرحلة مؤقتة بسبب الغربة أو عدم التعارف الجيد؟ أم هو شيء عميق لا يمكن تجاوزه؟ وأخيرًا، لا تضغطي على نفسك في مسألة "حب" الشكل والصوت فقط، بل فكري في الشخص كشريك حياة له قيمه وأسلوب حياته، وحاولي بناء علاقة على أساس الثقة والاحترام المتبادل. أدعو الله أن ييسر لك أمر الزواج ويهدينا إلى ما فيه الخير والبركة. وإذا أردتِ، يمكنكِ أن تسألي هنا في فدني أو تستشيري الخبراء للحصول على نصائح أكثر تخصيصًا. هل ترغبين في مساعدة إضافية حول كيفية إجراء نقاش صريح مع خطيبك أو عائلتك؟ أنا هنا لكِ.
تم النشر الثلاثاء، ١ يوليو ٢٠٢٥
ما دام مش لاقيه راحه معاه انفصلي لأنك كده كده انتي حاطه ف دماغك انك مش حباه كان نفسي اقولك هتحبيه بعد الجواز بس انتي مش حطاه ف دماغك ف انتي كده مش هتحبيه دلوقتي ولا بعدين كلميه شوفي اي اللي ف دماغه ايه اللي مش عاجبك فيه وقوليله لو ظبط نفسه كويس مع الوقت هتبدأي تحبيه لأنك هتكوني ظبطي الشخص اللي عايزاه يكون في حياتك معرفش يظبط حاله ونفسه يبقي الانفصال احسن وأسلم حل
تم النشر الأربعاء، ٢ يوليو ٢٠٢٥
لعرض السؤال في فدني اضغط هنا