انا كنت مخطوبه خطوبه صلونات بس حبينا بعض بقينا نتكلم كتير وانا كنت محترمه ف كلامي يعني وقت ما اكون تخطيت بقلو وحشتني هو اهملني مبقاش زي الاول وبعدين طلب يقابلني ورفضت وبعدين كذا مره ف ضعفت ووافقت لانو بيقول إني مش بحبو والله بعدها بفتره طلب مني ابعتلو صور ليا يعني يكون جزء من صدري باين ورفضت كتير واتخانقنا وبعدين خفت يبعد عني لانو زعل جامد وثقت فيه فتره وعارفه اني غلطت اوي والغلط اتكرر وبعدين اخواتو بيعاملوني وحش اوي وعاملين بلوك ومش في اي ومره سلمو بطريقه مش حلوه ومره سمعت ان حكى لاخواته اني معاتباه كذا مره انو مش بيسال عليا بشهر واتنين زعلت وقلت لامي وامي عاتبته وقال هاجي واجيبهم خواتو يعني وراح شهر وبعدين والدته اتصلت قالت هو محرج يكلمك وقال قولي لعمتي كل شيء قسمة ونصيب
انا مصدومه انو طلع ندل وخسيس وقرفانه من نفسي اني تنازلت وعمل غلط ف حقي حاسه اني قرفانه مني ونفسي اخد حقي منو كسرني والتجاوزات دي مأثره فيا نفسيا مكنتش احب يكون حصل ما بيني وبين حد تجاوزات غير الشحص اللي هيتجوزني حاسة بالعار قدام نفسي @Yasmine Tawfik
السلام عليكم ورحمه الله وبركاته يعني اولا انا احب أواسيك الاول على يعني كسره قلبك وعلى احساسك السيء اللي انت حاساه وعلى زعلك من نفسك وده الاهم زعلك من نفسك هو الاهم النوع ده من الاشخاص انت مش هتزعلي عليه اصلا. النوع ده من الاشخاص هتحطي عليه علامه كبيره كده زي اللي بتتحط على الطريق عشان تدينا إنذار تدينا انذار لايه تدينا انذار ان فيه شخصيات هتكون عابره كتير جدا ومش محتاجين غير ان احنا نلتفت ان المكان اللي هم فيه احنا ما ينفعش نقف فيه. ده اللي بس احنا محتاجين ان احنا نعرفه وناخد بالنا منه. في الشخصيات دي. انا عايزه اعلق بقى معاكي على اخر جمله انت قلتيها ما كنتيش حابه يحصل تجاوزات إلا مع الشخص اللي هتتجوزيه الجمله دي غلط تماما. احنا مش عايزين تجوزات اصلا نهائي ما ينفعش ما ينفعش يكون الدليل على الحب هو ان انا اعمل حاجه تتخطى الحدود لان ده مش دليل على الحب ابدا ممكن اخاطر بحياتي ممكن يعني اتنازل عن شيء أملكه لكن اتخطى الحدود لا فرق كبير ما بين الاثنين لازم تبداي ترسخي المعنى ده جواكي علشان يعني تتعاملي صح بعد كده الشخص ده كان شخص عابر واحد جايه يخطب وبعدين وهو بيتكلم اتكلم اتكلم في مره من المرات بشكل شهواني فاتعامل بالطريقه دي هو ولا هو حبك ولا كان فيه مشاعر ولا اي حاجه خطوبه عاديه جدا المفروض ان احنا بنشوف فيها اذا كنا هنكمل مع بعض ولا لا، الله اعلم به هو. الموضوع ماشي معاه ازاي لكن الحمد لله هو شخص غير مناسب وللاسف عشان تكتشفي ان هو غير مناسب نتعامل ازاي مع نفسنا؟ ان خلاص احنا الشخص ده مش محتاجين ان احنا نتعامل معاه بشكل او باخر ولا حتى ان احنا نعاتبه على شيء لانه مش هو المعاتب انا المفروض اعاتب نفسي اشوف انا ليه عملت كده انا عملت كده عشان خاطر انا كنت فاكره ان ده اثبات للحب يبقى انا لازم اغير الفكره دي انا عملت كده علشان كنت فاكره اني لما اعمل له اللي هو عاوزه ان هو كده يحبني غلط. ده مش معنى للحب لو الشخص اللي قدامي هيترجم الحب اني بس اعمله اللي هو عايزه يبقى الشخص ده شخص مش مناسب ان اصلا انا احبه او ان اثق في حبه كل الافكار محتاجه تتغير اه يعني اتصرف ازاي في الغلط اللي انا غلطته والتجاوزات اللي انا عملتها استغفر ربنا بس لانه انا هنا ايه الحدود اللي تخططها حدود الحلال والحرام فانا محتاجه اني ارجع لربنا واقول له يا رب انا غلطت في الموضوع ده وانا اسفه لنفسي وانا اسفه يا ربنا ان انا تخطيت الحدود دي. هعمل حاجه اكثر من كده لا انا مش هعمل حاجه اكتر من كده انا مش هعمل حاجه غير اني استغفر عن الذنب ده وأثناء استغفاري وتوبتي انا بقرر اني مش هعمل ده نهائي ولا الفكرة دي انا هتنازل فيها تحت اي بند من البنود ولو حتى كان اللي قدامي ده يعني باين ان هو نجمة نازلة من السماء.
تم النشر الأحد، ٤ مايو ٢٠٢٥
عزيزتي، أول شيء حابة أقولك إنه من الطبيعي جداً تكوني حاسة بكل هالمشاعر، خاصة بعد تجربة مؤلمة زي اللي مرّيتِ بها. صدقيني، مش عيب أبداً إنك تأثرتي أو تحسي بالجرح والخيانة، بل بالعكس هذا دليل على أنك إنسانة عاطفية ومحبة بقلب كبير. خليني أساعدك أكون معاك خطوة بخطوة لتجاوز الصدمة والتعافي: قبولي مشاعرك وماتنكرهاش من حقك تحسي بالوجع، الغضب، الحيرة، والخذلان. كوني صادقة مع نفسك، وحاولي تعبري عن مشاعرك سواء بالكتابة، الكلام مع شخصية يمكن تثقي فيها، أو حتى مع نفسك. فهم إنك مش السبب هو اختر أفعاله وأنتِ ما عندك سيطرة عليها. أنه يطلب أشياء غير مناسبة ويستغل مشاعرك، يعكس شخصيته وليس قيمتك أو خطأ منك. إحساس العار أو إلقاء اللوم على نفسك مش صح، ولا يصح لك أن تحملي نفسك أوزار شيء هو المسؤول عنه. قطع الاتصال أو التخفيف منه لو كان في إمكانية، حاولي تبعدي عنه وعن أخواته تماماً، لأن استمرار التواصل أو سماع كلام سلبي فقط يزيد الألم. وجود مسافة نفسية أو في الواقع بيساعدك تعيدي بناء نفسك بهدوء. الاهتمام بنفسك وبقيمتك رجعي ثقتك بنفسك بشغلك على نقاط قوتك وهواياتك، أو التعلم واكتساب مهارات جديدة. وفكري دائماً أنك تستحقي الاحترام والتقدير. الاثر النفسي والروحي لا تنسي توجهي بالذكر والدعاء، وطلب العون من الله - عز وجل - لأنه هو الشافي والقوي. فكرة أن كل شيء في يد الله وأن القسمة والنصيب بيد الله تساعد في تخفيف الأحمال النفسية الثقيلة. عززي الدعم من العائلة أو مختص لو حسّيت أن الوجع كبير جداً، أو مش قادرة تتجاوزي الوحدة والصدمة، لا تترددي في التواصل مع خبير نفسي أو مستشار في العائلة، لهدف يساعدك على التعافي. وأخيراً، تذكري أن هذه التجربة، رغم ألمها، هي درس في الحياة وقوة تعلمنا كيف نحمي أنفسنا ونختار بحكمة في المستقبل. أنتِ تستحقين حياة مليئة بالحب الحقيقي والاحترام. لو تحبي، في موقع فدني يمكنكِ أيضاً زيارة صفحة الخبراء وتلقي استشارة مهنية، جربي تفتحي https://www.fedni.net/experts وستجدين أهل الخبرة لمساعدتك. هل تودين أن أساعدك في خطوات عملية أكثر للتعافي؟ أو إذا عندك أي سؤال آخر؟ أنا معاك دائماً، يا عزيزتي.
تم النشر الاثنين، ٥ مايو ٢٠٢٥
ودلوقتي، قولي معايا الدعاء ده… من قلبك، وبصدق: “يا رب، سامحني على لحظة كنت ضعيفة فيها، وعلى ثقة اديتها لحد ما استحقهاش. يا رب، إمسح من قلبي كل خيبة وكل وجع، وطهرني من أي حاجة كسرتني أو قللت مني. خليني أحب نفسي زي ما خلقتني، نقية وقوية. ويا رب، عوّضني عوض يليق بجبرك… بعوض ينسيني اللي خلاني أبكي بالليل، وبفرحة ترجع النور لعيني، وبحدّ يحبني زي ما أنا… من غير خوف، ولا ضغط، ولا أذى. واجعل اللي جاي أحلى من كل اللي راح… وأكرمني، وارضِ قلبي، واهديني لنفسي قبل أي حد.”
تم النشر الاثنين، ٥ مايو ٢٠٢٥
بصي حبيبتي، أنا مش جاية ألومك، ومش هقولك “ليه عملتي كده؟” أنا جاية أطبطب على قلبك اللي اتكسر من حد مكانش ينفع يقربله أصلاً، جاية أقولك: إنتي مش وحشة… إنتي بنت اتعلّقت، حبت، وثقت، وتخدعت. ومفيش واحدة قلبها أبيض إلا لما بتغلط في ناس سودا. بس اسمعيني بتركيز، عشان اللي هقولهولك دلوقتي هو مفتاحك تقومِّي بيه من الوجع ده: أوقات ربنا بيكشف لنا وشوش حقيقية وإحنا لسه في أول الطريق، علشان ما نتوجعش أكتر بعدين. أوقات بيبعتلنا الخيبة دي، علشان نتعلم قيمة نفسنا، ونفهم مين يستاهل يدخل حياتنا، ومين ماينفعش حتى يدخل في أحلامنا. إنتي ضحكتي له، واتمنتي يكون خير، وادّيتيه فرص، وقلتِ “يمكن يتغير… يمكن يفهمني…” لكن اللي بيحب ما بيطلبش صور مهينة، وما يضغطش، وما يهددش، وما يكذبش على أهله، ولا يخليكي تحسي إنك وحيدة ومكسوفة من نفسك. اللي حصل معاكي مش قلة منك، اللي حصل دي قلة فيه هو، في ضميره، في رجولته، في دينه، في تربيته. لكن إنتي؟ إنتي بنت قلبها لسه أبيض رغم كل اللي شافته، ولسه جواكي طُهر ما اتكسرش، ولسه ينفع تقومي، وتتبسمي، وتبدأي من جديد، بس المرة دي مع احترامك لنفسك قبل أي حد. أنا عايزاكي من النهاردة تبصي لنفسك وتقرري: أنا مش هشيل ذنب حد، ومش هسمح لحد يكسفني من نفسي، ومش هفضل أراجع اللي حصل كأني المذنبة، لأ… أنا بس كنت بحب بصدق، وهو اللي ماعرفش يشيل الحب ده برجولة. ابدأي صُلح مع نفسك. اكتبي اللي جواكي، ابكي لو حبيتي، وادعي، وارفعي وشّك لربنا وقولي له: "يا رب، إغفرلي لحظة ضعف، وطهر قلبي من الأذى، وابدألي صفحة جديدة فيها أنا قادرة، وسعيدة، ومحترمة، وناجحة." وافتكري دايمًا: اللي كسر قلبك ما كسرش قيمتك… بالعكس، هو خلّاكي تتقربي لنفسك أكتر، وتفهمي إنك تستاهلي الأفضل.تمام، يا سلمى، هكملها بنصيحة ختامية تكون زي مسك الختام ليها… حاجة تفضل معاها لما تقرأ الكلام ده وتتنفس بعمق وتحس إن الدنيا لسه بخير: --- بصي يا قلبي… انسي مين قالك “بحبك” وهو مش قد الكلمة… وركّزي على اللي هييجي ويقولك “أنا جنبك” وفعلاً يفضل. خلي غلطتك دي مش نقطة سودة في حياتك، لأ، خليها علامة فاصلة… لحظة وعي، لحظة نضج، لحظة رجوع لنفسك. اللي يحسسك إنك رخيصة، أو يساومك على كرامتك، مش حب… ده سمّ. واللي يخليكِ تبكي أكتر ما تضحكي، مش شريك… ده حمل. واللي بيخليكي تخافي تخسريه، غالبًا خسارته هي اللي هتنقذك. انسي صورك اللي جواك مش راضية عنها، وانسي ضعفك في لحظة تعب، وابتدي تكتبي قصة جديدة… قصة بطلتها واحدة اتعلمت، وفهمت، وقامت، وقالت: “أنا كفاية… ومش هرضى بأقل من الاحترام والحب النضيف.” وكل ما تفتكري اللي فات، قولي لنفسك: "مش ندمانة، أنا بس اتعلمت غالي… واللي اتعلمته ده هيخليني أختار صح، وأحب صح، وأعيش صح." إنتي تستاهلي حياة مليانة دفء، مش خوف. كلمة حلوة من غير مقابل. وحب مشروط بالإحترام… مش بالسكوت. وآخر حاجة، ودي أهم نصيحة مني ليكي: اكسبي نفسك… حتى لو خسرتي الناس كلها. نفسك دي أمانة… حافظي عليها، طهّريها، وارفعيها، وهتلاقيها بتجذب ليها اللي زيها. --- لو عايزة أكتبه كله كرسالة مصمّمة أو تبعتيه لها كأنك كتبتيه بنفسك، أعملهولك حالًا. إنتي أحلى، وأنضف، وأقوى مما تتخيلي… وربنا هيعوضك بفرحة تنسيك اسم اللي وجعك.
تم النشر الاثنين، ٥ مايو ٢٠٢٥
الطبيعي في حياة البشر ان في مشاكل باختلاف حجمها ولاكن في جانب ايجابي .. لاحظت ان عندك وعي بنفسك وبأفكارك وبنظرتك لنفسك ودي نقطة قوة وهي اساس من أسس التعافي ... الآن اللي عليكي انك تخلي نظرتك لنفسك من عار إلى تقبل يعني من أنا الخائنة إلى أنا التائبة ولاكن تغيير نظرتك لنفسك مش بمجرد الكلام بل بالأفعال عشان المخ يقتنع يعني صلي كل يوم ٥ صلوات مخلصة لله ووضعك هيتحسن مع الوقت ... وده مجرد تأنيب ضمير بياخد فترة ويخف مع الوقت .. وما بعد القاع الا الصعود
تم النشر الأربعاء، ٧ مايو ٢٠٢٥
تمام ي استاذ عبدالله متشكره جداً على رد حضرتك وتعليقك
تم النشر الأربعاء، ٧ مايو ٢٠٢٥
بعمل كل حاجه عشان ربنا يغفرلي وعارفه ان ربنا عفور رحيم ،بس انا نفسيتي وحشه اوي ونظرتي لنفسي مخليانه مش عايزه اتخطب ولا اتجوز عشان شايفه اني هكون خاينه ومستحقش وهكون ظلمت الشخص، تعبت من اللي انا فيه ومحروقه من اللي حصل حاسه اني فقدت الامان والطمئنينه وثقتي ف نفسي
تم النشر الثلاثاء، ٦ مايو ٢٠٢٥
اشكرك على الاعتراف بالخطأ ولكن باب التوبة مفتوح
تم النشر الاثنين، ٥ مايو ٢٠٢٥
لعرض السؤال في فدني اضغط هنا