السلام عليكم
انا كنت مخطوبه لشخص ما
قبل الخطوبه كنا نعرف بعض كام شهر
وبعدين اتخطبنا 8 شهور ساعات كان بيحصل مشاكل بينا بس بيسطه وكنا بنرجع كويسين والامور ماشيه تمام وكنا مرتاحين وكان مهما يحصل بينا كنا بنرجع سوا واقوى ف بينا حلفان ووعود اننا لو حصل اي مش هنسيب بعض وهنتجوز
ف يوم قالي فجاه اننا نبعد وانه مش عاوزني وعاملي بلوكات من كل مكان ودا فجأه ف يوم وليله مع اننا كنا كويسين
بعدها اكتشفت ان بعد ماسابني بكام يوم ان ف واحده تانيه ف حياته بيحبها وبتحبه ولما جيت واجهته وسألته ليه وحصل اي لكل دا انك تسيبني رغم كل اللي بينا
قالي عشان صلى صلاة الاستخاره ومش مرتاح ومش عاوزني
بس انا لحد دلوقتي عماله ادعي انه يرجعلي لان بحبه وعاوزاه ومرتاحه معاه ومش عاوزه غيره يكون زوجي وخصوصاً اللي حصل بينا ف هل ف امل انه يرجعلي لعد ما صلى صلاة الاستخاره وانه مش مرتاح معايا هل افضل اطلبه من ربنا انه يرجعهولي تاني رغم انه قالي انه صلى صلاة استخارة ومش مرتاح ومش عاوزني ؟؟
السلام عليكم، طيب ليه تشتري حد بايع أصلًا؟ يعني هو مش بس بايع ده كمان خانك وأنتم مخطوبين ورمى العيب عليكِ في الآخر. وصلاة استخارة إيه اللي صلاها؟ تقريبا بقالكم سنة مع بعض وجاي يفتكر يصلي استخارة دلوقتي وبيصليها بعد ما ارتبط بواحدة تانية كمان. سواء كان فيه مشاعر من ناحيته واتغيرت أو هو خاين بطبعه أو بيتحجج عشان ميكملش، كل الاحتمالات لا تنفي إن المفروض أنتِ ترميه من حساباتك، وتحمدي ربنا إنك نجيتِ وأنتِ على البر، مش ترجعي تدعي ربنا بعد ما بعد الشر عنك. *** وعلى فكرة، فيه شباب واخدين فكرة الخطوبة لعبة، زي الارتباط والصحوبية كده، يروح يخطب ويعلق البنت به ويعيش له يومين وبعد كده يخلع عادي بأي حجة ويروح يخطب واحدة تانية وهكذا. فياريت تعززي نفسك وتفتكري إنك كبنت أنتِ اللي المفروض ينشري رضاكِ وتقعدي وتتشرطي وتختاري اللي تلاقيه فعلا يستحق، مش تذلي نفسك لحد بايعك وقالها لك صراحة وبكل الطرق. فكرك لو رجع وتزوجتِه هتبقي مرتاحة؟ أشك، بنات كتير حصل معهم كده وندموا طول العمر على رجوعهم وارتباطهم بأشخاص زي دي والحب والتعلق تحول لكراهية. في النهاية الحل في إيدك وحدك، محدش مننا يقدر يجبرك على حاجة، أنتِ أدرى بمصلحتك، فياريت تختاري نفسك وتقدريها. ربنا معك.
تم النشر الجمعة، ١٧ أكتوبر ٢٠٢٥
وعليكم السلام ورحمة الله وبركاته يا حبيبتي طب هو دلوقتي رفض الفكرة اصلا وطلعها من دماغه وخلاص شاف مستقبله وبيحب واحده ليه انتي تفكري بالطريقه دي فكري ف إن انتي ليه عايزه حد هو مش عايزك احنا ك بشر طول ما هنفضل متعلقين بالماضي مش هنعرف نبص لقدام ف انتي صلي وادعي ربنا انك تنسيه ويقربلك ال فيه الخير وبعدين كل ما تفتكريه افتكري ان هو ال طلب البعد .
تم النشر الجمعة، ١٧ أكتوبر ٢٠٢٥
تصرفاته وأفعاله وكيف تكون حباب وجنتل مان بتدرس ف ريلز يوتيوب مش حوار وكل كلامك واسئلتك اللي ابتدت ب " ازاي ؟؟؟ " اجابتها واحدة من احتمالات زي انك كنتي استبن او بيتخطى غيرك بيكي او نقدر نقول كان بيلعب لحد ما يتأكد من مشاعره او نقول ان مشاعره الجياشة دي مكانتش موجودة من البداية ودا اكبر دليل لسرعة تخطيه وحقيقي متحاوليش تقنعيني وتبررليلي بغير حاجة لإني مش عارفة اشوفها غير كدا مكنتيش ولا هتكوني ولو رجعلك بعد فترة ف مش من شوقه وسهره لليالي صدقيني ولو ألفلك ف جمال اضافرك اشعار ومناسبة الموبايل ففي ابلكيشنز بتخفي عادي او ممكن بيشيلهم قبل ما تتقابلوا
تم النشر الجمعة، ١٧ أكتوبر ٢٠٢٥
حبيبتي دا ميؤتمنش متخيلة أنه خاطبك وبيكلم واحدة تانيه ربنا نور بصيرتك انا عارفه أنه صعب وأنه كمان منهاش الموضوع بشكل محترم بس صدقيني ربنا هيعوضك ولازم تعرفي أنه خير
تم النشر السبت، ١٨ أكتوبر ٢٠٢٥
ادعي ربنا يكتبلك الاحسن
تم النشر الجمعة، ١٧ أكتوبر ٢٠٢٥
ربنا يكرمك بالاحسن دا مش حب اكتر منه ادمان واعتياد وربنا هيسرلك غيره
تم النشر الجمعة، ١٧ أكتوبر ٢٠٢٥
طب ازاي!!! ازاي مكنش عنده مشاعر ليا ومكنش بيحبني ازاي كان ف حاجات حصلت قبل كدا اكددت دا انه بيحبني حتى ساعتها وهو معايا مكنش بيكلم اي بنت وكان بيوريني موبايله ومكنش عليه حاجه ازاي بعد كل دا مش حب ودا مش تعلق مرضي انا فعلاً بحبه وحاولت اكرهه او ادعي عليه مقدرتش مستحيل اللي انا دا يكون تعلق مش حب ايوه انا متعلقه فيه بس بحبه ازاي ف يوم وليله يعتبر بعد سنه وهو معايا يقرر يصلي صلاة استخاره ويقولي مش مرتاح مع انه عملي بلوكات وسابني قبل صلاة الاستخاره وساعتها البنت دي ظهرت تاني ف حياته اول لما عرفت انه فشكل والمشكلة هو مستناش فرصه حتى او يعدي اسبوع ع انه سايبني لا اداها سكه ع طول انا مابقتش فاهمه حاجه او فاهمه بس مش عاوزه اصدق
تم النشر الخميس، ١٦ أكتوبر ٢٠٢٥
لول بجد انتي مدركة بتقولي ايه !! البنت كانت ف حياته وانتي خطيبته وكان بينهم إعجاب متبادل وانتي ستيل خطيبته يعني بخلاف انه خاين لا كمان معلق العيب بطريقة غير مباشرة عليكي واصل انتي اللي مش مريحة بالنسبالي واشارة من ربنا اصل صليت استخارة .... يوجع الاستخارة يطاهر القلب يا نقي موحد بالله . اسمعي الولد دا من حياتك اوت ومن عقلك اوت دا خاين توكسيك وايزي النظرات بتتزيف والكلام بيتزيف والمشاعر بتتزيف انتي مش بتحبيه انتي متعلقه بيه تعلق شبه مرضي انتي بس محتاجة توعي دماغك وتركزي ف حياتك وتكتفي بذاتك لحد ما تدركي اللي حصل وازاي استغفلك ساعتها بس هتتحرجي تقولي ان اللي بينكم كان حب ووعود . اهتمي بنفسك وقربي من ربنا واعملي حاجات بتحبيها ومتسمعيش اغاني حزن وقهر وفراق والعبث دا وقومي اشغلي نفسك ونصيبك هيجيلك لحد عندك وهتعرفي بس ساعتها الفرق بين اختيارك المُلح واختيار ربنا. من الاخر متبقيش ذليلة النفس والمشاعر واعرفي معنى طاقة الأنثى اللي متخلكيش قابلة اللي بيحصل حواليكي بالشكل المقزز دا وربنا يربط ع قلبك عموما وتفوقي
تم النشر الخميس، ١٦ أكتوبر ٢٠٢٥
ارتاحي منه وربنا كريم يعني ظي ما هو بيقولك ارتحت انت كمان ارتاحي وخذيها قاعده وعسي ان تكرهوا شيئا ويجعل الله فيه خيراً كثيراً وانت كارهه حالك ولكن مس عارف لي فيه ايه .
تم النشر الخميس، ١٦ أكتوبر ٢٠٢٥
يعني اي اعمل
تم النشر الخميس، ١٦ أكتوبر ٢٠٢٥
لعرض السؤال في فدني اضغط هنا