قريب صاحبتي هو عارفني وكان بيحاول يوصلني انا مكنتش عايزة الموضوع دا لكن هو كان مصمم وعايز يتقدم لي وبالفعل اتقدم احنا كنا قبلها بشهر بنتكلم جه وهو وباباه لكن متكلموش في اي تفاصيل خالص
كانت قاعده تعارف عادية فاحنا المفروض كنا مستنين منهم مكالمة عشان نشوف اي اللي هيتم بعد كدا بعدها بيومين كلمني وبيعيط وبيقولي ان حسابه في البنك اتقفل في الفلوس اللي كنا هنجيب بيها الشبكة فأبويا قالي هنأجل كل حاجه بس انا هحاول معاه وهكلمو تاني
من بعدها اختفى ومبيكلمنيش لكن كلم صحبتي اللي هي قريبته كان بيكلمها يحكي لها كل يوم وقعد يعيط ويقولها أبويا عايزني أوقف الموضوع وبيقول لي انا مش همشي في الموضوع ولو عايز تكمل كمل انا مش هساعدك ومش راضي يقول اسباب ولا حتى كلم بابا قاله حاجه
بعدها باسبوع بابا كلمه عشان هو لما جه ساب لي 1000 جنيه فهو كان عايز يدي له فلوسه قال لبابا انا كنت هكلمك بس انا والله في مشاكل مع ابويا ومش بكلمه وعايز احكي لك عليها وقابل بابا وقاله اصل عمي عايز يجوزني بنته وبابا موافق واصلا ابويا مبيكلمش عمي دا وانا مستغرب ازاي موافق
طب عايزة افهم لما الموضوع كدا من الاول جالي ليه عشمني ودخل بيتي ليه من الاول انا مش زعلانه عليه بس هتجنن وافهم عمل كدا ليه انا مش عارفه اتخطى اللي حصل دا
فعلا تصرف بيقهر صراحة، بس ممكن الشب فعلا حبّ يتقدم وبسبب المشاكل مع العائلة حاول ينسحب بهاي الطريقة. الموقف بيقهر مزبوط، وزعلك مش عشان بدك الشخص هاد وإنما بسبب الموقف... بس عشان تتخطي فكري فيها انه هاد هو النصيب. انه ربنا حماكي من اشي اكبر؛ ممكن اذا تزوجتيه تصير مشاكل تتمني بعدها لو كان رفضك قبال كل العالم ولا انو تتزوجيه. فكري فيها انه كل هاي الاحداث الي بتصير مسخّرة عشان تتزوجي شخص احسن من عائلة احسن، وتوكلي عربنا مش رح يخيب ظنك.
تم النشر الجمعة، ٣ أكتوبر ٢٠٢٥
ايه حوار الأطفال ده.. لما قريت و استوعبت افتكرت الحركات اللي كانوا بيعملوها النصابين او الناس اللي عايزة تحبك تمثيلية علي حد.. واضح انه حوار غريب و تضييع وقت و مالوش اي معني نصيحتي ليكي ركزي في حياتك و اقطعي تواصل معاه علشان الأهم نفسك، و صلي و قربني من ربنا و ادعي.. و اي تواصل مع الشخص ده او والده خليه يمر من خلال أهلك و بس.. و ركزي في حياتك او دراستك و مستقبلك و سيبي موضوع القسمة و النصيب علي الله..
تم النشر الجمعة، ٣ أكتوبر ٢٠٢٥
مرحبًا عزيزتي، أفهم تمامًا مدى الألم والارتباك اللي بتعيشيه دلوقتي، خاصة لما حد كنتِ بتوثقي فيه ويظهر بهذا الشكل المفاجئ والمؤلم. في مواقف زي دي، من الطبيعي جدًا تحسي بالخيانة، والحيرة، والخذلان. خليني أحاول أساعدك تفكري في الأمور بشكل متوازن: لماذا تصرف هكذا؟ أحيانًا الناس بتدخل علاقات أو احتمالات ارتباط وهم فعليًا مش ناضجين عاطفيًا أو ما عندهمش الاستقرار اللازم لإتمام علاقة جدية. ممكن يكون كان متردد أو مضغوط من أسرته أو عنده مشاكل خاصة، فتصرفه الغريب هو نتيجة لضغوط خارجية وتأثيرات عائلية على قرار الارتباط. تصرفاته وأثرها عليك الدخول فجأة في حياتك ومناقشة أمور شخصية، ثم انسحابه المفاجئ بدون توضيح، يخلق جرح نفسي وصدمة. وفي حالات كثيرة يكون التصرف ده نتيجة لخوفه من المواجهة، أو عدم قدرته على تحمل المسؤولية. انتِ مش مخطئة ولا محتاجة تلعبي دور الضحية، لكن مهم تفهمي أن الموضوع مش بينك وبينك بس، بل في عوامل خارجية بتأثر. كيف تتجاوزين الموقف؟ اسمحي لنفسك تحسي : خذي وقتك تعيشي مشاعرك، سواء حزن أو غصب أو خيبة أمل، ولا تستعجلي بالتجاهل. ثقي في نفسك وقيمتك : واضح إنك قيمة ومصيرية، والشخص اللي يستحقك لازم يكون حريص على مشاعرك. تواصلي مع أشخاص تثقين فيهم : عائلتك أو صحابك اللي بتحبيهم، يمكن يساعدوك تفكري بمنطق وبهدوء. واظبي على الدعاء والاستعانة بالله ، فالله مصدر القوة والدعم الحقيقي، ولازم تذكري أن كل تجربة صعبة دليل على قرب الخير في المستقبل. النصيحة العملية : حاولي تتجنبي أي اتصال مباشر أو متابعة معاه إذا كان بيؤذيك نفسياً. وأعيدي ترتيب أولوياتك وركزي على نفسك، هواياتك وأهدافك. أمور الزواج والارتباط تحتاج تفكير واعي وشريك مستقر نفسياً وعاطفياً، وأنتِ تستحقي الأفضل إن شاء الله. لو احتجتي تتكلمي مع مختص، ممكن دائماً ترجعى لخبراء في فدني. كمان ممكن تنظري لأسئلة مشابهة هنا في فدني، لأن كتير مروا بمواقف تشبه مواقفك وتم تقديم نصائح مفيدة. أنا هنا دائماً معاكِ يا غالية، وإذا حابة تفضفضي أو تحتاجى نصايح، ما تتردديش تسألي. دمتِ بخير وعافية 💕 ذكية
تم النشر الجمعة، ٣ أكتوبر ٢٠٢٥
لعرض السؤال في فدني اضغط هنا