السََّلامُ عليكُم ورحمةُ اللَّـهِ وبركاتُه
مؤخراً لمَّا باجي أدعي ربنا مش بكون قادرة أدعي ولا قادرة حتى أنطق اقول يـا رب، وبعيط بسبب الحالة دي لإني مكنتش كده
حتى اوقات إستجابة الدُعاء مبقتش بترقبها زي الاول ولا في قدرة أنطق أقول اي حاجة...
و عليكم السلام ورحمه الله وبركاته ، و هو لازم تقوليها او تحركي لسانك ، يعلم ما في نفسك ، عياطك كافي جدا انه يوصل كل حاجه انتي عايزه تقوليها ، و حلو انك بتعملي ده لأنه تفريغ مهم للكبت و الضغط النفسي اللي عندك ، العياط من اجمل و انقى ردود الفعل البشرية ، ده اللي بيفكرنا اد ايه احنا ضعاف و محتاجين لمكان نرجعله دايما لما تبقى الدنيا مش كفايه ، أما عن الاستجابة فهي مش بالترقب هي بالإيمان المطلق الخالص لله سبحانه وتعالى ، ثقي بالله و توكلي عليه ، ومهما كنتي شايفه نفسك وحشه ، اتأكدي انك مش متشافه منه كده ، و بالتوفيق 😊
تم النشر الاثنين، ٣٠ مارس ٢٠٢٦
وعليكم السلام ورحمة الله وبركاته يا حبيبتي 🌸 أول حاجة، متعيطيش... ده شعور طبيعي جداً بيحصل لكتير مننا، خاصة لو في ضغوط أو هموم بتأثر على الروح. ربنا سبحانه يعلم اللي في قلبك حتى لو مش قادرة تنطقي كلمة، والدعاء بالقلب مقبول عنده. الشيطان بيحاول يقطع الصلة دي، بس هترجعي أقوى إن شاء الله. خطوات عملية تساعدك دلوقتي: ابدئي صغير : قولي "سبحان الله" أو "الحمد لله" 10 مرات يومياً بعد كل صلاة، هتفتح الباب تدريجياً للدعاء. اقري قرآن بسيط : صفحة يومياً من سورة البقرة، وادعي بعدها بكلمات جاهزة زي "اللهم ارزقني الإيمان القوي". حددي وقت ثابت : 5 دقايق قبل الفجر أو بعد العشاء، حتى لو بس تسمعي أذكار مسجلة وترددي معاها. راجعي الفرائض : الصلاة والزكاة والصيام بيفتحوا أبواب الدعاء، وابتعدي عن المعاصي اللي بتحجبها. ده هيروح مع الوقت، وهتترقبي أوقات الإجابة تاني زي الأول وأحسن. جربي وشوفي الفرق بعد أسبوع، ولو عايزة دعم أكتر، دوري في أسئلة مشابهة في فدني أو شوفي الخبراء هنا: https://www.fedni.net/experts – في متخصصين في الروحانيات والنفسية هيساعدوكِ. أنتِ قوية، وربنا معاكِ دايماً 💕.
تم النشر الاثنين، ٣٠ مارس ٢٠٢٦
لا شك أن القلب فيه ما يثقله عن الدعاء مثل الملهيات والاسراف في الطعام واستخدام الهاتف والأغاني .. فقللي منها تصفو علاقتك بالله
تم النشر الأربعاء، ١ أبريل ٢٠٢٦
شكرا ليك.
تم النشر الاثنين، ٣٠ مارس ٢٠٢٦
أكيد كلنا بنعمل ذنوب محدش خالى منها ...... بصى انتى مشكلتك فى الدعاء تمام الدعاء أصله النيه ف انتى بتبقى مجمعه كله حاجتك وتضرعك لله فى قلبك ومش عارفه تقوليها بس انتى نيتك موجوده للدعاء يقول عز وجل "... يَعْلَمُ خَائِنَةَ الْأَعْيُنِ وَمَا تُخْفِي الصُّدُورُ ..." يعنى كل اللى فى قلبك ربنا عارفه قبل ومن غير ما تقوليه ديه حاجه بس تعرفيها لعل وعسى تهدئ من روعك شويه ...... لكن ممكن تعملى كذا حاجة لعل وعسى ترجعى زى الأول تانى حاولى تستغفر كتير كتير ملازمة الاستغفار بنية صالحة تعتبر سبباً مباشراً لتغيير الحال إلى الأفضل، وتجديد الإيمان، وإعادة الروحانية السابقة للعبد، كما يفتح أبواب السماء.🤍
تم النشر الاثنين، ٣٠ مارس ٢٠٢٦
تعديل الحاله اللي اقصدها ان علاقتي مع ربنا مبقتش زي الاول ونا هنا اقصد الدعاء لاني كنت بتكلم وبدعي ليه وبقولو على حاجات نفسي فيها ولو خايفه حايفه من اي وهكذا في كل امور حياتي حرفيا... لكن دلوقت الحوار ده اتغير تمام مبقتش بدعي بس بعمل باقي الطقوس الدينية زي الصلاه و قراءة القرآن و... ، بس ده بردو في ذنوب بعملها...
تم النشر الاثنين، ٣٠ مارس ٢٠٢٦
لازمى قراءة سورة البقرة يوميا بس واظبى عليها دون انقطاع والله هتلاقى فيها مفعول السحر لكل حاجه فى حياتك أهمها انها بتحفظك من لو الحالة ديه بسبب مس او سحر مثلا بس غالبا ممكن يكون الحاله ديه آثار ذنب معين مثلا لأنك كنتى بتقولى كويسه وكنتى بتترقبى الوقت وفجأه كل دا اتغير فاهمانى
تم النشر الاثنين، ٣٠ مارس ٢٠٢٦
وعليكم السلام ورحمة الله وبركاته، العياط بسبب الحاله اللي وصلتلها...
تم النشر الاثنين، ٣٠ مارس ٢٠٢٦
وعليكم السلام ورحمة الله وبركاته ........ العياط من الحالة ؟ ولا العياط خشية لله عز وجل اللى هو خشوع مثلا ؟.......... من كلامك انك كنتى بتترقبى اوقات إجابة الدعاء وبتدعى ف ممكن يكون اللى حصل دا مثلا آثار ذنب معين ..... ممكن ترقى نفسك أو حد يرقيكى وتشوفى كدا ربنا يكتب لك ما تتمنيه
تم النشر الاثنين، ٣٠ مارس ٢٠٢٦
اللهم صلي وسلم وبارك على سيدنا محمد يارب أشفى كل مريض
تم النشر الثلاثاء، ٣١ مارس ٢٠٢٦
لعرض السؤال في فدني اضغط هنا