انا ثقتي بنفسي قليله جدا مع اني حلوه والناس كلها بتقول كدا وانا كذا مره شوفت حساب جوزي متابع ستات عريانه على الانستا ومسكته مره بيتفرج عليهم وصرت عندي شك دائما حتى لما يمسك تليفونه عادي بيتفرج علي حاجات عاديه اقول دا اكيد يتفرج على الستات واروح جايبه تليفونه واتفرج على رجاله عشان أفضي غيظي مع اني عارفه انو دا حرام وكمان هوا مش شايفني عشان يتقهر
يا جميلة، مقدرة مشاعرك بس خلينا نتناقش شوية ثقتك في نفسك بتيجي انك تقدري نفسك، مش بان زوجك يشوفك حلوة! حتى لو مش جميلة شكليا! كل إنسان عنده ما يميزه واللي يخليه متميز ومتفرد! انت تستحقي الاحتراموالحب مش لأجل الشكل بس! اللي قدرت اشوفه في كلامك حاسة انك مش كافية لأنه بيبص لغيرك! تأكدي ان كفايتك مش بأنه يبص لغيرك، لما يعمل كدا فدي مشكلته! مش انك غير كافية مشاعر عدم آمان وخذلان! ممكن تتكلمي معاه وتحطوا اتفاق بينكم وخطة انه يبطل يعمل كدا غيرة وشك! خلي بالك بين غيرة حب وغيرة تهدم العلاقة! مش معنى ان شخص غلط يبقى كله غلط ومش كويس! مفيش حد معندوش عيب أو خطأ بيعمله! المهم ناخد بيده ونصلح مع بعض بتعملي زيه عشان تغيظيه! مش حل! بالعكس دا هيخليك تقلي في نظرك وتحسي بمشاعر سيئة! ومش هيحل المشكلة! ولكن ممكن يزودها . . . طيب ممكن تعملي ايه بشكل مؤقت وفوري؟ ١. ناقشيه بهدوء ووضوح عرفيه ان اللي عمله دا بيؤذيك! ٢. وقفي تقليد له! ٣. متقارنيش نفسك بحد! ٤. حبي نفسك وجسمك واهتمي بنفسك عشانك قبل ما يكون عشانه! الخطوة المهمة جدا انك تتواصلي مع أخصائية نفسك تقدم لك الدعم المطلوبة بشكل أعمق من مجرد نصح
تم النشر الجمعة، ٢٥ يوليو ٢٠٢٥
اولا انك تشوفي رجال علشان غيظك ده غلط كبير جدا لانه حرام واحنا مش بترد الغلط بغلط لازم تواجهيه وتعريفه انك عارفه وتحذريه وخدي موقف منه ثانيا ثقتك بنفسك دي هتخلي اي حد يحترمك ويخليك ليكي مكانه خاصه لا يا اما يبقا شايفك عادي وسوري يعني يستهزء بيكي لازم يبقا عندك ثقه بنفسك وانتي بتقولي انك بسم الله مشاء الله جميله ايه الي مخليكي مش واثقه ثقتك بنفسك تخلي الي قدامك يحترمك لانه عارف انك قويه حاولي تبيني للقدامك انك واثقه من نفسك وانك مش خايفه وبالنسبه لزوجك حاولي تتفهمي معاه خدي موقف
تم النشر الجمعة، ٢٥ يوليو ٢٠٢٥
السلام عليكم زوجك مش شرط يتفرج عشان انتى مش حلوه ....طالما هو معندهوش حدود اخلاقيه او دينيه فى الحته دى فهيعملها من باب التسليه رد فعلك (اللى هو بالنسبالك انتقامى ) هل فعلا بيفرغ شحنة غضبك وايه شعورك لما اتفرجتى ؟
تم النشر السبت، ٢٦ يوليو ٢٠٢٥
ممكن تشوفي فيديوز وناس بتشرح كيف تخلي ثقتك بنفسك قوية
تم النشر السبت، ٢٦ يوليو ٢٠٢٥
ايوا يمكن انا مامريتش بتجارب أو حطيت نفسي في مواقف دائما بكون خايفه وبنعزل شكرااا جداا هحاول اتعامل مع ناس وأوسع دائرتي
تم النشر الأحد، ٢٧ يوليو ٢٠٢٥
هعمل كدا عشان افهم الي جوايا وفعلا انا مش فاهمه نفسي اصلا وعايشه في عالم تاني
تم النشر الأحد، ٢٧ يوليو ٢٠٢٥
اسمعي ياسر الحذيمي مهم اوي... ولازم ترمي نفسك في مليون موقف حتي لو مكسوفه عشان تتعودي لاحظي ان اكثر ناس عندهم ثقه هم الي بيعاملو الناس كل يوم صح؟
تم النشر الأحد، ٢٧ يوليو ٢٠٢٥
حبيبتي جيبي دفتر واجلسي مع نفسك كل يوم ساعه او ساعتين افهمي نفسك واكتبي كل حاجه جواكي وعلى كل الأشياء اللي بتحسي فيها وبعدها تحضري فيديوز ل بنات او ليڤات كويسين جدا
تم النشر الأحد، ٢٧ يوليو ٢٠٢٥
بشوف ويحاول اعلي ثقتي بنفسي بس دي حاجه فشخصيتي لاني كنت انطوائيه
تم النشر الأحد، ٢٧ يوليو ٢٠٢٥
بحاول اقنع نفسي مش زيهم وانا احسن منهم بس مش عارفه كمان هوا شعور قرف لأن الستات دي تكون مش حلوه اصلا بس هي عارضه مفاتنها وعريانه وكدا
تم النشر السبت، ٢٦ يوليو ٢٠٢٥
استمدي ثقتك بنفسك من نفسك مش منه .. انتي شريفة عفيفة مش زي *** اللي بيشوفهم
تم النشر السبت، ٢٦ يوليو ٢٠٢٥
لعرض السؤال في فدني اضغط هنا