هو ليه دايما بننجذب لشخصيات المؤذيه الي بترهقنا وتتعبنا؟
يعني ليه بنفضل متمسكين بيهم وبنحبهم رغم كل حاجه وحشه ممكن يعملوها ومش بنقدر نبطل نحبهم يعني احنا مش بنبقا عارفين فلاول انهم مؤذين بس لما تنكشف حقيقتهم ليه بنرفض ان احنا نصدقها؟
اتمني حد يفيدني
ده بيبقى راجع لحاجات كتير .. ممكن يكون واخد اساسا فكرة سيئة عن نفسه .. وده غالبا بيكون من الصغر .. نشأ أنه شخص ميتحبش، شخص ميستاهلش أي حاجه حلوة. ف البتالي هو بيبقى مقتنع جدا بالشخص المؤذي. فيه علاقات بتبقى ادمانية، حتى لو الشخص وحش اه .. حتى لو الشخص وحش، ما المخدرات وحشة وسيئة، والشخص بيبقى عارف ده كويس وبرضه ممكن ميبطلش. فيه حد ممكن يكون متعلق ومدمن اكلات معينة، وهو عارف إن الاكل ده هيوصله لطريق في الاخر خطر، بس بيكمل رغم كل المخاطر. الشخص اللي مش كويس أو السئ ممكن ميبانش من الاول كده علطول، بس بيبقى فيه جزء عنده هو بيقدمه بيبقى ناقص ف الطرف التاني. ع سبيل المثال .. لو انتي محتاجه الاهتمام اوي، ف هو ممكن يقدر يقدم ده كويس، وكويس اوي كمان ويشبع الجزء الناقص ده عندك، ف انتي كده هتبقى اتعلقتي بيه. بتبقى فيه علاقات تانية انتي مش بتشوفي الشخص نفسه أو الطرف التاني .. انتي بتكوني عايزة حاجة معينه في دماغك بتدوري عليها، زي حنان الاب مثلا المفقود، ف بتدوري عليه بره وبرضه بتبقى علاقة ادمانيه. ممكن كمان يكونوا الاب أو الأم نفسهم مؤذيين ف بتبداي تدوري ع حد برضه ليقدم ليكي نفس اللي بتاخديه ف البيت من الاذي النفسي، لأن الأمر اتعودتي عليه لدرجة أنه بقى أمر طبيعي جدا في حياتك. في شيء تاني وهي أنك تحاولي تثبتي حاجه معينه لنفسك .. ازاي؟ ممكن عادي جدا تكوني اتربيتي في بيئة أو بيت سوي نفسيا وكل حاجه، ولكن دخلتي مثلا ف علاقة كانت مؤذية ليكي، سببت ف جرح والم قاسي جدا، لدرجة إن بعدها انتي بقيتي ف تحدي، أو بقى عندك رغبة انك تعملي نفس التجربة مرة تانية مع شخص مؤذي تاني، علشان بس تنجحي العلاقة وتثبتي لنفسك أنك مش فاشلة، أو بمعنى أدق العلاقة هي اللي منجحتش. ف بتكرري نفس الموضوع على الامل أن يحدث اي شئ جديد. ولكن مش بيحصل.
تم النشر الأحد، ٢٧ أغسطس ٢٠٢٣
الانجذاب ده سره اننا نكون شايفين نفسنا قليلين. او اننا نكون بشكل لاواعى تعودنا على الاذى ( ده بيكون من التربية المعتمده على الاذى واللى بيتبرمج فيها الطفل انك اتضربت او اتهنت او اتأذيت عشان انت متستاهلش غير كده لسوء سلوكك او لانك سىء ) بنرفض نصدق لان دايما بنكون مديين ليهم قيمة كبيرة جدا . فمش قادرين نشوف الكبار دول وحشين عشان مش هنقدر نواجه نفسنا باننا اسأنا التقدير وكمان مش هنقدر ندى لنفسنا حقها لاننا اصلا مقللين منها
تم النشر الاثنين، ٢٨ أغسطس ٢٠٢٣
لانو الاذى بحرك المشاعر والقلب ف مع الحركة احنا بنفكر انو لساتنا بنحبهم بس قلبنا عم يتحرك من الاذى وبولد كره بس بالبطيء ..ومن الصدمة عقلك يستوعبه حب بس بعدين بتكرهيه بس تصحي من الصدمة. وكمان الشخصيات المؤذية بس نتعرف عليهم بلبسو قناع حلو ويشوفو شو الصفات الي تحبي تكون موجودة بالشخص وهو بورجيكي اياها الصفات ف بتلاقي هالشخص صفات واخلاق وكدا ف بتصيري تحبيه وصداقة وكدا وبس يجي ياذيكي بصير يرفع القناع بت ظهر حقيقته الي غير كل الصفات يلي انتي عيشتيها معه وبتنصدمي ف ما بتصدقي حقيقته ف قلبك بتحرك وبقاوم صدمة الحقيقة.. ف بتتعلقي فيه لعل وعسى يرحع يعتذر او يكون هاد كلو مقلب او كذب. وهاي هي الحقيقة.
تم النشر الأحد، ٢٧ أغسطس ٢٠٢٣
لعرض السؤال في فدني اضغط هنا