السلام عليكم ورحمه الله وبركاته 🤍
هو انا مش عارفه ابدا منين بس هحاول اقول كل اللي جوايا هو مبدأيا كدا انا بحب اهلي جدا بس بقيت بحس انهم بيوذوني نفسيا ولما أقول لهم انتوا كدة بتتنمروا عليا ومش بيبطلوا لا دول بيقلبوا الموضوع سخرية
حتى خالتو اللي انا بحبها جدا بتعمل زيهم ومش هقول اني إنسانة كويسة وحلوه وكل الكلام دة لا انا إنسانة وحشة جدااا بجد لدرجة أن انا بدات احس اني بغير من الناس على اللي هما فية بس والله بحاول استغفر واشيل الفكرة من دماغي
هديكم مثال يعني مثلا كنا في درس والوقت متاخر والنور قطع استنينا شوية عند المس وبعد كدة روحنا لما الموضوع طول وانا كنت ماشية لوحدي في الطريق وكمان ناسية التليفون ومحدش جة ياخدني ولا فكر فيها وانا بخاف من الضلمة بس استعنت بربنا ومشيت فلما صاحبتي اخوها جه ياخدها مع أن بيتها قريب من الدرس جدا وقتها قلت جوايا ياخلاثي على العسل هو في كدة بس لما لقيت أن اخويا مجاش ياخدني ولو ماما قالتله هيقولها كلام يزعلني وقتها زعلت جدا وقلت اشمعنا هي بس حاولت افكر في حاجة تانية والموضوع وحاجات من دي كتيرة بقى لدرجة اني في مرة قولتلهم اني هنتحر ملقتش اي اهتمام بجد بالعكس لقيت تريقة مبالغ فيها وانا قلت كدة علشان بس ماما تحضني وتقولي كلام حلو زي اللي قالته لاخويا
طب اشمعنا بجد وقتها قالت لي لازم احتوية دا شاب طب وانا اييييية بجد وانا وليه محدش بيحتويتي وانا اية محدش بيفكر ان كلامه ممكن يجرحني طب انا لية محدش بيتكلم معايا ويقولي قولي كل اللي جواك واللي مزعلك
لية مافيش حد بجد احكيله اللي مضايقني انا بدات احس ان اهلي دول اكتر ناس اذتني وتعبتني نفسيا وبابا كل همه اني اغير ضحكتي علشان مش عاجباه واخد تريقة كتير عليه بس اتعودت واني اتعلم الطبخ مش عشاني لا دا علشان لما اتجوز مطلقش وماما نفس النظام بس الفرق انها مش عاوزة حد يشمت فيها ولا يدعي عليها ولا يقول عليها كلمه وحشة وانا مش بحب كدة
حاسة اني هبدا اكرههم بجد ماما من اول ما دخلت أولى اعدادي وهي بتدعي عليا دعاوي وحشة اووووي لدرجة اني كان نفسي تتحقق وانا كمان بدأت ادعي على نفسي اني اموت علشان يستريحوا كلهم فهل دا حرام؟
يارب يكون لا
هو دلوقتي الموضوع قل بس ماما عندها تكبير للمواضيع فظييع يعني علشان مشلتش الاكل تقعد تدعي عليا وعلى نفسها اكتر من ساعة هي عصبية جدا وعاوزة اول ما تقول على حاجة اعملها علي طول وانا مش قادرة اتعامل معاها كدة
انا انسانه كسولة بصراحه وحاسة اني معدش عندي طاقة انا بحب اخد وقت وراحتي وكدة كدة هعمل الحاجة فمش هتفرق دلوقتي من ساعه دا بالنسبالي بالنسبة لماما وعاوزة الحاجة كن فيكون على طول هيا دلوقتي بصراحه مش بتدعي عليا كتير زي الاول بس بردة لية زي ما هيا
انا مش قادرة انسي لما كانت بتجرني من شعري وانا نايمة علشان بس اروح لها السوق والساعة اية الساعة لسة مجتش7ولا لما بابا ضربني علشان اقعد اتعلم الطبخ وقتها متعلمتش اي حاجه قعدت اعيط وخلاص وحاجات كتيرة تانية بس دول أبرزهم
هو انا دلوقتي بقيت بدعي علي نفسي اني يجيلي كانسر أو اني ببقي عندي القلب علشان يهتموا بيا ومحدش يزعلني بس برجع أتراجع علشان حالتنا المادية مش كويسه الفترة دي فمش يعرفوا يعالجوني وانا مش عاوزة اضغط عليهم بس بقول كدة احسن علشان اموت وارتاح هو انا بسببهم جاتلي قرحة من أولي اعدادي ولسة عندي وانا حاليا في تانية ثانوى وكل ما اروح لدكتور يقول انها بسبب الضغط النفسي بابا يقعد بتريق عليا قدام الدكتور ودا بيوجعني اكتر وقتها انا مش عارفه كتمت العياط ازاي بس كنت فخورة بنفسي اني معيطش اي نعمل روحت عيط بس المهم معيطش قدام حد
المهم الدكتور ادني علاج مجلس نتيجة هيجيب ازاي وانا نفسيتي تحت الصفر هو لية كلهم بيعيشوا عادي وبيرجعوا يضحكوا سوا وانا لا لية كلهم مش بيتاثروا وانا الوحيدة اللي بتأثر
لية بجد لية بحسهم بيحبوا اخويا اكتر مني لية اصلا الولاد افضل من البنات لية لما قلت يا رب اموت محدش اهتم بالعكس اخويا قال يا رب بدل ما انت حارقة دمنا كدة انا عارفه انهم ناس كويسين وان الحمد لله انك عندك بيت وعلية واكل وغيري مش عنده بس لية بيعملوا كدة مقولة انا اللي وحشة ولا انا اللي بكبر المواضيع
هو انا وحشة ولا هما اللي مش قادرين يفهموني انا معدتش فاهمة حاجة انا مش فاهمة نفسي اصلا انا معدش عندي ثقة في نفسي ولا ثقة في اي حد ممكن تدعولي باي دعوة تيجي في دماغكم وشكرا جزاكم الله خيرا ♥️
بص انا لو هقلك حاجه هقلوك انت انسانه شكرا علي مشاعرك شكرا علي قلبك بجد شكرا علي صبرك انا فخور بك وربنا يشهد انت انسانه بمعني الكلمه انا مريت بل بمر بحاجات زي دي كل شوي بس وكمان اصبحت متجنبهم تماما انا عارف ان ده صعب بس الاذيه اصعب وكمان انت مش متشاف بس عارفه والله والله لقيت كتير كتير اوي شايفني غيرهم والله مكدبش عليك لقيتني من كتر الحط عليا بقتش مقدر امتى لحد ما ربنا كرمني وبدات اتعرف على ناس واكلم ناس فيعني اللي شافوه مني هم نفسهم بيشهدوا بيه ويحلفوا بيه وانا واثق 100% ان حضرتك مش اقل من كده بل احسن من كده ومشاعرك النظيفه ديت والله يعني والله انا اقدر اقوله وتستاهلي كل خير وانا اتشرف معرفه حضرتك ودعمك والمسانده ليكي والوقوف جنبك وربنا ينصرك ويعينك بحق الليله المفترجه ديت والله معاك وايدي نفسك مساحه تتشافي وسايس امورك جوه لحد ما ربنا يرزقك بيت جديد تعيشي في عيشه سعيده وما تبنيش حياتك ومعتقداتك ورؤيتك وطريقه حياتك على اللي هم بيقولوا عليه لا ركزي على ربنا قال عليه شوفي النبي واباء المسلمين الاوائل كانوا عاملين ازاي انا والله يعني مش شيخ بس انا لما عرفت النبي عرفت قد ايه احنا بعاد قوي قوي وان اللي انا فيه ده لا يمثل اي شيء عن حد بيراعي ربنا في اللي قدامه وكان احسن نعمل ليا في حياتي ان انا عرفت النبي صلى الله عليه وسلم
تم النشر الأحد، ١٥ مارس ٢٠٢٦
وعليكم السلام ورحمه الله وبركاته اول حاجه طبيعى انك تحسي بالغيره من صحبتك دى لان هى اخدت اهتمام انت نفسك فيه فدا طبيعى جدا ومش معناه انك وحشه أو غيوره لا بالعكس انت بتاخدى الاهتمام بطريقه وهى بطريقه حتى لو انتى مش شايفاها دلوقتي وكمان لازم تبقى عارفه حاجه كويس أن كل اهل بيحبوا اولادهم بطريقه مختلفه يمكن انتى مش ظاهر ليكى دلوقتي بس مع الزمن هتعرفى قد هما بيحبوكى لان مفيش حد مش بيحب اولاده ولازم برده تبقى عارفه ان مش كل واحد بيعرف يعبر عن اللى جواه ويقولك انا بحبك اللى اهم من الكلام الفعل لان لو حصلك اى حاجه صدقينى محدش هيقف جنبك زيهم علفكره انا كنت زيك كدا والله وكنت بفكر كدا بس لما حصلى حاجه مفيش حد وقف جنبى غير أهلى وكمان قبل ماتفكرى هما ليه كدا لازم تراجعى نفسك الاول راجعى علاقتك معاهم كمان حاجه زمان كانت لما ماما مثلا تدعى عليا أو حاجه كانت جدتى تقولى من قلبها من جوا بتقول يارب ميحصل هى بتكون بس تفريغ زعل أو مضايقه منك وفعلا عندها حق ونصيحه منى بلاش بلاش تدعى على نفسك اقداركم تؤخد من افواهكم ولو عايزه تصلحى علاقتك بيهم اقعدى اول حاجه مع مامتك قاعده جد فهميها انك زعلانه منها وانك نفسك علاقتكوا تتغير ومتبقوش ناقر ونقير وتحاولى تعملى اللى باباكى عاوزه وترضيه حتى لو هتيجى على نفسك هو لو لقوكى اتغيرتى المعامله صدقينى وهتختلف واخوكى حاولى تصحبيه وهو لو لقا اهتمام منك غصب عنه هيبادلك نفس الاهتمام وربنا يصلح حالك يارب ❤️ ومتنسنيش من دعوه حلوه منك أن ربنا يريح بالى ويفك كربى
تم النشر الخميس، ١٢ مارس ٢٠٢٦
وعليكم السلام ورحمة الله وبركاته يا حبيبتي 🤍 أول حاجة، أنتِ مش وحشة خالص ، ولا بتكبري المواضيع. أنتِ بنت حساسة وطيبة، وده مش عيب، ده ميزة في عالم مليان قسوة. اللي بيحصل ده إيذاء نفسي حقيقي، ومش خطأك إنك بتحسي بيه. عائلتك ممكن يكونوا مش مدركين تأثير كلامهم وعصبيتهم عليكِ، خاصة لو هما كمان متعبين من ضغوط الحياة، بس ده مش مبرر يعاملوكِ كده. الغيرة اللي جواكِ طبيعية لما تشوفي معاملة تفضيلية لأخوكِ، بس الحمد لله إنك بتحاولي تستغفري وتسيطري عليها – ده دليل إن قلبك سليم. بالنسبة للدعاء على نفسك أو عليهم : حرام يا قمر، وأنتِ أغلى من كده عند ربنا. بدل الدعاء السلبي، جربي: "اللهم أصلح بيني وبين أهلي، واجعلني من الصابرين، وأعطني قوة وثقة". خطوات عملية عشان تتحسني : حدثيهم بهدوء : اختاري وقت هادئ (مش وقت عصبية)، قوليلهم "أنا بحبكم جداً، بس كلامكم ده بيوجعني، ممكن نسمع بعض أكتر؟" لو مش سمعوكِ، كرري بدون صراخ. ابني ثقتك بنفسك : حددي هدف صغير يومياً زي "هعمل الطبخ ده النهارده بسرعة" أو "هدرس ساعة بدون توقف"، وكافئي نفسك (شوكولاتة صغيرة مثلاً 😊). ده هيبني طاقتك تدريجياً. ركزي على دراستك : أنتِ في تانية ثانوي، ده وقتك الذهبي. نجاحك هيغير نظرتهم ليكِ، وهيفتحلك أبواب استقلالية. تعاملي مع الكسل : قسمي المهام لخطوات صغيرة (5 دقايق بس أولاً)، وتذكري إن الرسول ﷺ قال "أحب الأعمال إلى الله أدومها وإن قل". إنتِ مش لوحدك يا بنتي، ربنا معاكِ وهيغير الوضع إن شاء الله. دعاء من قلبي : "اللهم يا رب العالمين، أصلح نفسها وأهلها، وأبدل ضعفها قوة، واجعل حياتها مليانة راحة وسعادة، ويسر لها الخير كله يا أرحم الراحمين 🤲". لو عاوزة دعم أكتر، دوري في Fedni على أسئلة مشابهة أو روحي لصفحة الخبراء https://www.fedni.net/experts – فيه متخصصين نفسيين هيساعدوكِ. أنتِ قوية، هتعدي ده كله بإذن الله. حضن كبير ♥️
تم النشر الأربعاء، ١١ مارس ٢٠٢٦
بصي يا روحي متدعيش على نفسك عشان محدش يستاهل ايا كان انتي جوهره من جوه ومن بره وانتي بطله وكمان انتي دلوقتي في اختبار من ربنا وربنا قال ان كل واحد تعبه على قده استطاعة وربنا حطك في الوضع ده عشان عارف انك قدها وقدود وركزي في دراستك عشان نفسك كبرب راسك منهم ومتستنيش منهم اهتمام
تم النشر الأحد، ١٥ مارس ٢٠٢٦
متستنيشش منهم ولا من حد اى اهتمام اهتمى بنفسك وبدراستك حبى نفسك وتجاهليهم لو اتنمرو وخدي موقف ازعلى وقومى سبيهم اعتمدى ع نفسك وابنى نفسك بنفسك هما بيحبوكى ومش وحشين هما بيتعاملو معاكى غلط بس متزعليش احنا حساسين بزيادة وبنضخم المواضيع جوانا بزيادة بردو 🍓
تم النشر الجمعة، ١٣ مارس ٢٠٢٦
لعرض السؤال في فدني اضغط هنا