السلام عليكم ورحمه الله وبركاته
انا تالته ثانوي و كنت مجتهده دراسيا و ملتزمة دينيا و كله تمام بس من الاسبوع اللي فات تقريباً وانا دخلت فدوامة اني مش قادره ولا عارفه اعمل حاجه حتي الصلاة بقوم لها بكسل شديد عايزه أخرج من الدوامه دي ابدأ منين ؟؟!
أكيد فيه سبب، ولازم تحلي السبب اللي وصلك لكده. ولو مفيش سبب يبقى محتاجة تغيري جو شوية لأن السنة لسه طويلة
تم النشر الجمعة، ٨ ديسمبر ٢٠٢٣
لو سمحت مضيعش تعبك فكر في حلم امك وابوك وحلمك انت اولا حاول انك تسعى بكل الطرق عشان متندمش بعدين
تم النشر الخميس، ٧ ديسمبر ٢٠٢٣
بصي أنتِ لازم تغير جو تكافئ نفسك علي تعبك الي فات اقري سورة البقرة ويس انتِ شغفك خلص طاقتك خلصت بتحصل عادي بس خليكي جدعة وشطورة وقومي ذاكري وارجعي احسن من الاول حاولي متبينيش انك بتذاكري وانك قريبة من ربنا عشان في ناس بتحقد و بتحسد وحاولي تتكلمي مع حد قريب من قلبك وبترتاحي معا صلي واقعدي علي سجادة الصلاة واشتكي لي ربنا وعيطي وطلعي كل إلي جواكي هترتاحي وشغفك هيرجع تاني ربنا معاكي ويكرمك ويحققلك حلمك ويبارك في وقتك ويجعلك صالحة لي نفسك والي حوليكي يارب ❤✨
تم النشر الأحد، ١٠ ديسمبر ٢٠٢٣
كلو في الثانوي بيكون كدا ما تقلقيش انتي ماشيه صح حاولي بس تتعبي الشهر دا كمان و كدا كدا هتاخدي اسبوع اجازه من كل المواد الشهر الجاي ترتاحي ف الاسبوع دا و ربنا يوفقك يارب
تم النشر الثلاثاء، ١٢ ديسمبر ٢٠٢٣
دا حسد من شخص معاكي انا مريت بنفس التجربه دي وسدقيني لما تفاجئ الي حواليكي بخطتك احسن من كتير من ما تكشفي خطتك بس دا في الدراسة
تم النشر الأحد، ١٠ ديسمبر ٢٠٢٣
جددى طاقتك اطلعى مشوار مع حد بترتاحي فى الكلام معاه واقعدوا على بحر او كافيه
تم النشر السبت، ٩ ديسمبر ٢٠٢٣
المساعده ممكن تبقي بأشكال مختلفه كتير.. - تدي لحد من وقتك و تسمعله - تساعد حد في حل مشكلة - تساعد حد في تكملة شغل او مذاكرة - تعمل لحد مشوار عشان شايفة مشغول و معندوش وقت *ساعد حد النهارده.**لما تكون مش عارف تاخد قرار* راجع القيم اللي بتؤمن بيها و الأخلاق الي اتربيت عليها و خد قرارك علي اساسهم. ما تقولش لنفسك: "ما هو فلان عمل كذا، و محدش قاله حاجة فانا هعمل زيه" قيمك و اخلاقك هي اكتر حاجة بتميزك كشخص و اكتر حاجة بتبني في الشخصية الي انت بتشتغل عليها.*متسنتاش انك تتحمس علي حاجه عشان تبدأ تعملها.* الزقه الاولانيه لازم تحصل منك انت مش من حماسك.. الحماس بيتولد بعد ما بتكون عودت نفسك علي انك بتعمل الحاجه دي كل يوم و ابتديت تشوف نتيجه التكرار بعد ايام/اسبوع/شهر…. *حتي لو في الاول بتعملها و انت جاي علي نفسك* متدوّرش علي الطريق المختصر* الطريق المختصر بيكون في اوقات مطلوب اكيد و بيكون مفيد لاختصار الوقت و المجهود. بس في حاجات محتاجة انك تاخد الطريق من اوله لاخره عشان تستوعب كل الخبرة الي بتكتسبها في الطريق ده. *قيّم الموضوع قبل ما تقرر انك عايز تختصر و ماتخافش، كل حاجة حلوة بتاخد وقت عشان تحصل.* _____________________________ فِلَسطين في دعواتنا و صلواتنا، و ربنا يصبّر الجميع 🇵🇸
تم النشر السبت، ٩ ديسمبر ٢٠٢٣
*اوقات بنلاقي نفسنا محطوطين في وضع مقارنه و بالذات من الاهل.* شوية نقط تفكر فيها لما تلاقي نفسك اتحطيط في الموقف ده. - المقارنه بالغير هي اوحش حاجة ممكن تعملها في نفسك. لانك عمرك ما هتبقي راضي بوضعك مهما حصل - لو اهلك هم الي قارنوك بحد.. متخليش الموضوع يأثر فيك لانهم فاكرين انهم بيشجعوك بالطريقة دي لانهم ميعرفوش طريقة تانية. عدي الموضوع بس متخليهوش ياثر فيك *المقارنة مهمة في حالة انك بتقارن نفسك بنفسك. كنت فين و بقيت فين.. اتحسنك ولا واقف مكانك ولا بقيت اوحش.* متقارش نفسك بأي حد تاني.
تم النشر السبت، ٩ ديسمبر ٢٠٢٣
قوم وانهض وذاكرة😉
تم النشر السبت، ٩ ديسمبر ٢٠٢٣
أكيد دا لازم يحصل المهم إنك متوتريش نفسك وخدي يومين او حتى اسبوع استريحي فيهم ومتضغطيش على نفسك
تم النشر السبت، ٩ ديسمبر ٢٠٢٣
ده أثر الشيطان لانك كنتي ملتزمه عليكي ان تتجاوزي الأثر ده جددي توبتك من جديد واقري ازكار
تم النشر الخميس، ٧ ديسمبر ٢٠٢٣
اولا استعيذي من الشيطان وقومي صلي ثانيا متذكريش فترات طويله ومتوصله قسميهم بمعني ممكن تذكري صفحه وتحدي بريك تشربي في اي حاجه بتحبيها اوتاكلي و بعد كده ارجعي ذكري من تاني وهكذا لحد متخالصي واهم حاجه تشجعي نفسك وتكافئ نفسك
تم النشر الخميس، ٧ ديسمبر ٢٠٢٣
*متدوّرش علي الطريق المختصر* الطريق المختصر بيكون في اوقات مطلوب اكيد و بيكون مفيد لاختصار الوقت و المجهود. بس في حاجات محتاجة انك تاخد الطريق من اوله لاخره عشان تستوعب كل الخبرة الي بتكتسبها في الطريق ده. *قيّم الموضوع قبل ما تقرر انك عايز تختصر و ماتخافش، كل حاجة حلوة بتاخد وقت عشان تحصل.* _____________________________ فِلَسطين في دعواتنا و صلواتنا، و ربنا يصبّر الجميع 🇵🇸*مش لازم تقنع الي قدامك بوجهة نظرك* و كمان مش لازم تقتنع بوجهة نظره. اهم حاجه ان يكون في احترام مابينكم لان كل واحد شايف الحياه من عدسة عينه و من خبرات حياته. ✌🏽لو الخطة مانجحتش، غير الخطة مش الهدف 💪🏾متنساش تاخد راحه. من الشغل، المذاكرة، السوشال ميديا، الاصحاب، من التليفزيون و من الاخبار. محدش يقدر يستحمل كل ده طول الوقت 💙*الأثر الى هتسيبه فى الحياة هيعيش اكتر منك بكتير* استثمر من دلوقتي في الاثر الي انت عايز تسيبه. *الحاجه الكويسه بتاخد وقت عشان تتعمل 💪🏾*
تم النشر السبت، ٩ ديسمبر ٢٠٢٣
التخصص هو أساس التميز في عصر العلم
تم النشر الخميس، ٧ ديسمبر ٢٠٢٣
لعرض السؤال في فدني اضغط هنا