عندي مشكلة مهمة جدا
في حفلة بتاعت المغني اللي اسمه حماده هلال و واحد تاني اسمه كابونجا و عندنا شاليه ف جنب الحفلة علطول و عاملين خصم لينا كمان جامد جدا عشان نحضرها
مشكلتي اني خايفة اروح و اموت وقتها سوء خاتمة او اني بعد ما قعدت سنة بحاول اوقف اغاني ارجع اخيب و اسمع تاني و من ناحية تانية حاجة جوايا بتقولي متضعيش الفرصة و هتتصوري مع مغني و مش هتدفعي كتير و شايفة مغريات كتير بس خايفة من ربنا بجد حاسة انه ممكن يعاقبني لو روحت
قولت لاخواتي يروحوا هم ونا مش هروح و حاسة اني مبين نارين... نار اني عايزة اروح و اتصور معاه و اسمع اغانيه منه مباشرة عشان بحبه و نار اني خايفة من ربنا لان ربنا اهم بكتير من مغني... و المشكلة ان لسه عندي فرصة اشتري تذكرة بس بحاول اقنع نفسي انه لأ ده مش هينفع و حرام اعمل اييي
حاسة اني مخنوقة و مضايقة و بالذات اني لسه مخلصة تالتة ثانوي و جبت مجموع منيل بس ف الاخر ربنا كرمني و دخلني كلية محترمة و حاسة بتأنيب اللي هو بعد ما ربنا كرمني اروح اعصيه بكل بجاحة؟؟
بجد ساعدوني طمنوني قولوا اي حاجة عشان بجد مترددة جامد
السلام عليكم، نصيحة بجد بلاش، مش هتستفادي أي حاجة غير إنك تعصي ربنا ومفيش أي حاجة تستحق تكون مقابل لده. لكل الأسباب اللي قلتِها، وكمان خدي بالك، ربنا هيسألك عن مالك فيما أنفقتِه... حتى لو عاملين خصم كبير وسعر التذكرة قليل فأنتِ هتتسألي عنه برضه. وهيسألك كمان عن الوقت اللي هتقضيه في الحفلة. ** أنا عارفة إن الإغراء بالنسبة لك كبير بس هو ده معنى الاختبار، إن يكون قُدامك الإغراء والشيء اللي بتحبيه ومع ذلك تتخلي عنه عشان ربنا. متخليش الشيطان ينتصر عليكِ بوسوسته وتزيينه الباطل بالمبررات اللي بيوسوس لك بها وتقليله حجم الذنب في عينيكِ. خليكِ أنتِ أقوى وحطي كل الأسباب اللي تخليكِ تمتنعي عن حضور الحفلة مكتوبة قُدامك وعددي معها نعم ربنا عليكِ وآخرها الكلية اللي رزقك بها. ده هيسهل عليكِ نجاحك في الاختبار. وافتكري حديث الرسول عليه الصلاة والسلام، "إنك لن تدع شيئا ابتغاء الله إلا آتاك خيرا منه" ربنا يهديكِ للخير دائما ويبعد عنك وساوس الشيطان.
تم النشر الخميس، ١٤ أغسطس ٢٠٢٥
نصيحة بلاش تروحى محدش ضامن يعيش لامتى ووقتها هتبقى سوء خاتمة وصدقينى من ترك شيئا لله عوضه خيرا منها متروحش وربنا هيعوضك بحاجة احسن ويوفقك بحاجة احسن بكتير المغنى او الممثل مش حاجه عظيمه تفتخرى انك تتصورى معاهم دول ناس عاديه جدا طلعى الفلوس اللى هتطلعى بيها صدقة وربنا يوفقك لحاجة احسن
تم النشر الخميس، ١٤ أغسطس ٢٠٢٥
والله انتي محترمه وبنت ناس وانك تخافي ربنا ف كل حاجه دي حاجه مبقتش متوفره اليومين دول الفلوس ال هتدفع ف الحفله ممكن تطلعيها صدقه او تعملي بيه اكل وتوزعيه علي الغلابه هتاخدي اجر وف نفس الوقت ذكاة عن نجاحك وافتكري نار الدنيا متجيش لمحه من نار الاخره هدانا الله واياكم
تم النشر الجمعة، ١٥ أغسطس ٢٠٢٥
وهل تريدين صفقة أجمل من هذه مع الله.. صدقيني بعد فوات هذه الحفلة سوف يأتيك شعور من اثنين.. شعور بالسعادة عند انتهاء الحفلة وانت مطيعة لربك.. او شعور بالندم بعد حضورها وانت الآن من حقك الاختيار لكن فيما بعد سيكون وقت الاختيار قد فات
تم النشر السبت، ١٦ أغسطس ٢٠٢٥
السلام عليكم ورحمه الله وبركاته عارفه اللي انت بتوصفيه ده بالظبط اسمه مجاهده النفس وجهاد النفس قدره عند ربنا اعلى بكثير من الجهاد اللي بيكون بالسيف وفي وسط حرب يعني لو في بني ادم نزل عشان يدافع عن الاسلام وعشان يقول انه البلد دي هتمشي باشهد ان لا اله الا الله وان محمد رسول الله وقف عنده استعداد ان هو يموت قصاد ان الناس تعرف انه الاسلام هو دين الحق وانا بجاهد نفسي انا درجتي اعلى منه تخيلي وانا كده جوه نفسي بستحمل الخناقه بقول لا انا هخلي قدر ربنا اعلى بكثير من قدر اي حاجه ثانيه ده جهاد النفس .....اوعي تستهوني بيه اللي انت بتعمليه ده حاجه عظيمه جدا برافو عليك واثبتي اثبتي وقولي دايما اللهم ثبتني عند كل فتنه اللهم ثبتني عند كل فتنه اللهم ثبتني عند كل فتنه لانه الفتن عظيمه جدا جدا والجهاد قصادها بيخلي الاجر ان شاء الله اعلى بكثير من اي وقت ثاني وافتكري انه القابض على دينه كالقابض على جمره من نار اعتقد ان احنا في الزمن ده جدا يعني زي ما الرسول عليه الصلاه والسلام قال لنا في خطبه الوداع فيعني ان شاء الله ربنا يثبتنا امام كل الفتن بتاعه هذا الزمن
تم النشر السبت، ١٦ أغسطس ٢٠٢٥
ما رح احكي كتير ، بس بدي تتخيلي اهلك رايحين على هاي الحفلة بعد بسنتين من موتك(وهاد اشي طبعا محتمل الله يهديهن)... شو رح يفيدوكي؟ ولا اشي.. اعملي لآخرتك واحتسبي الاجر
تم النشر السبت، ١٦ أغسطس ٢٠٢٥
والله واضح أن ضميرك صاحي أما موضوع بين نارين فده طبيعي لان الشيطان مش عايزك تلتزمي عايزك دايما بعيده عن ربنا وافتكري ولا تروحي مكان تخافي تموتي فيه ولا تشربي حاجه تخافي تموتي وانتي بتشربيها ولا تشوفي حاجه تخافي تموتي وانتي بتشوفيها وبعدين الخلوه مع ربنا حلوه يطلع مين المغني ده وربنا مديلك كل النعم دي
تم النشر الخميس، ١٤ أغسطس ٢٠٢٥
اعتبريه اختبار من ربنا ولازم تنجحي فيه حطي في دماغك الجنه ولا النار واختاري بقى كل ماتحتاري اعملي كده خلي إيمانك قوي مش حاجه زي دي اللي هتخليكي تاخدي ذنوب قد كده بالعكس انتي اللي انصحي اي حد عارفاه رايح قوليلوا مينفعش لعل حد يرجع في قراره وأصلا مغني اي دول ندعيلهم ربنا يهديهم مش نتصور معاهم ونحبهم ف بلاش طبعاً ولا عرض ولا حتى لو بجنيه أنا لو مكانك واي شخص محترم بيخاف من ربنا مش هيروح مهما كانت المغريات
تم النشر الخميس، ١٤ أغسطس ٢٠٢٥
لو قلنا انك رحتي الحفلة هتفرحي لساعات ومع أهلك والأغاني والأصوات والأضواء والمتعة وفي الآخر ترجعي البيت وتتلاشى كل هذه المتعة وتبدأي يأنبك ضميرك وقد تبدأي تحتقري فعلك أو حتى نفسك ................. لكن لو مرحتيش هتحسي بالملل و تحسدي أهلك أنهم راحوا واستمتعوا اما انتي قاعدة بين أربع جدران ولكن بعد ما يرجعوا وتنتهي الحفلة هتكتشفي أنهم مستفادوش حاجة وانك انتي اللي فزتي بتوفيق الله في تجنب ما يغضبه وده اللي هيديكي ثقة في نفسك وموقف مش هتنسيه / وعلى العموم لكي الخيار المتعة اللحظية او الرضى الدائم وحتى ان رحتي فاستغفري
تم النشر الجمعة، ١٥ أغسطس ٢٠٢٥
إنت تبتي من ذنب كبير ودا اختبار علشان يبان إذا كنتي صادقة في توبتك ولا لا ادعي ربنا والثبات وحاولي بقدر الإمكان متقربيش من موضع الفتنة أو الذنب علشان ممكن تنتكسي وترجعي أسوء من الأول عليكي بالقرآن وأضمنلك إنك مش هتحبي تسمعي أغاني تاني
تم النشر الجمعة، ١٥ أغسطس ٢٠٢٥
لعرض السؤال في فدني اضغط هنا