انا طالبة داخله ٣ ثانوي السنة دي بس المفروض اكون أولى كلية دلوقتي ودي من أسباب النفسية ابويا الله يسامحه قعدني سنه من التعليم ومهموش حالتي النفسية حتى بعد ما حاولت انتحر اكتر من مرة مرتين ببرشام ومرة بموس خلاقة وكل دا بعد موت ماما بسبب السرطان
ثانيا ابويا كان يطلع من الصبح ويسيبنا من غير لا اكل ولا فلوس نجيب اكل كان يخلينا نجيب فرخة كل اسبوع دا لو مش اكتر كمان ونقسمها علي يومين او تلاتة لدرجة اني كنت بستلف خضار من جيراني علشان اوكل اخواتي وبعدها جاب امه اللي خلت حياتنا جحيم ولما مقدرناش روحنا عند تيتا ام ماما وبقالي سنه في عيشة مرفهة نوعا ما بس لسه حالتي النفسية سالب ١٠٠
اللي مريتي بيه مش حاجة سهلة أبدا: فقدان، مسؤولية، وضغط نفسي ومعنوي. أول خطوة إنك تحكي ده وتعبري عنه دي شجاعة كبيرة منك. ولكن انتحارك مش هو الحل، بالعكس، ده بيظلمك أكتر وبيضيع تعب مامتك اللي كانت عايزة تشوفك واقفة على رجلك. أمانك النفسي أولا لو الأفكار السلبية رجعت، لازم يكون عندك شخص تلجأي له فورًا (قريبة، صديقة، خط نجدة) وتأكدي انك مش لوحدك، فيه طرق كتير تساعدك تخرجي من الدائرة دي واحدة واحدة وتواصلي مع أخصائي نفسي يقدم لك الدعم المناسب
تم النشر الخميس، ٢٨ أغسطس ٢٠٢٥
روحي لدكتور سيكاتري
تم النشر السبت، ٣٠ أغسطس ٢٠٢٥
ربنا يعوضك يا حببتي اوعي تفكري ف الانتحار متخسريش أخرتك عشان دنيا فانيه كدا كدا وكلنا عندنا ابتلاءات بس مختلفه
تم النشر الجمعة، ٢٩ أغسطس ٢٠٢٥
لعرض السؤال في فدني اضغط هنا