انا في تانيه ثانوي ازهر ومختش مواد علميه في أولى ولا تانيه وبنحدد هنخش اي من اول المرحله الثانويه اللي هي اولى على عكس العام اللي بيحددوا هيدخلوا اي من تانيه والعلمي في الازهر بيشمل علمي علوم وعلمي رياضه فأنا دلوقتي عاوز أحول علمي رأيكم إيه؟
انا عارف انها هتبقا تقيله بس
ممكن تبدأ تشاور القريبين منك عارفين قدراتك (ركز في اختيار الشخص ده عشان كلامه هيفرق) وقبلها اصلا تقعد مع نفسك تشوف انت ليه عايز تحول لعلمي هل عندك الحاجه الاكيده اللي من جواك انت عايزها مش توقعات حد عليك اللي تشجعك انك تدخل علمي وتقويك على جهده؟ يعني اعرف سبب التحويل ده ايه ولو لقيته منطقي وواقعي مش انه كذا عايزني ادخل كذا او سيناريو مش واقعي كتخيل مثلا ساعتها استخير وقبل كل ده تستخير برضو عشان متلومش نفسك مع اول عقبه او اختبار يقابلك او تحس انك قررت غلط وتوكل على الله
تم النشر الأحد، ٢٣ نوفمبر ٢٠٢٥
انا فى تانيه ثانوى علمى أزهر بص هو انت الأول اقعد مع نفسك وشوف ميولك والحاجه اللى انت حاببها وشايف نفسك فيها وصلى صلاة استخاره واللى فيه الخير ليك ربنا هايوفقك ليه اما بقى بالنسبه للعلم ف انا شايفه ان الفكره فكرة اجتهاد لو دخلت دخله جد وتذاكر ومتراكمش حاجه عليك ف المواد هاتبقى أسهل مما تتوقع بكتير ولو انت كويس فى الرياضه ف الموضوع هايكون حلو معاك فى تالته وبما ان هى مهمه ف نصيحه منى تابع مستر أحمد عصام الدين بصراحه هو هايخلى الرياضه لعبتك وكدا كدا العربى والشرع زى ماهما بس اخف بكتير طبعا بس متخليش فكره ان العلمى أعلى من الأدبى وإن طالب علمى بيتعب اكتر من طالب ادبى ف تبقى غلطان لأن ده مجال وده مجال وده ليه تخصصاته وده ليه تخصصاته ف لو هاتحول يبقى عشان نفسك وبس وبالتوفيق ولو فى اى استفسار تانى اتفضل
تم النشر الاثنين، ٢٤ نوفمبر ٢٠٢٥
لعرض السؤال في فدني اضغط هنا