انا كنت بحب واحد وبعدت عنو عشان حرام ودا باتفاقنا وقالي انو بيدعي ان ربنا يرزقنا بالحلال ف أقرب وقت بس هو ديما بيحسب بيقول اما اتطمن على اختي واخلص كلية ووظيفه ثابته وكدا فأنا ادعي ببه ولا اقول صيعة الدعاء اي
علما بان هو عادي ادعي ربنا بيه لاني طول الوقت مخنوقه ومش متخيله فكرة انو مش ف حياتي بعد كدا واني اتجوز حد تاني وف نفس الوقت كل اما افتكر اما قالي ان حبيبته القديمه كانو بيعشقو بعض وكلام عنهم احس اني مش عايزة اتجوز واحد بيفكر ف حد غيري رغم انو قالي ان دا كان بسبب انو مخنوق بسبب تفكيره الكتير ف خطوبتنا وأهلي ومن الخنقه قال كدا وقالي انو محبش حد قدي وأما فاتحتو ف الحوار دا آخر مره اتكلمنا قالي انو مش عايز يتكلم ف حاجه تزعل حد فينا وقالي ولا نفكر فيها ولا نفكترها ولا اكنها كانت موجوده بس انا عايزاه يكون من نصيبي بس ميفكرش فيها خالص مش عارفة المفروض ادعي بيه ولا ادعي باي
بصي ادعي طبعاً، بس ادعي بالخيرة قولي ..يا رب لو فيه خير ليا قربه مني واجمعني بيه في الحلال، ولو فيه شر ليا اصرفه عني وارضيني بقضائك... متعلّقيش قلبك بشخص بعينه لدرجة تخنقك، سيبي ربنا يختار لك الأنسب.وانتي عملتي خطوة ممتازة إنك بعدتي عشان الحرام، وده صدق مع ربنا. ربنا بيقول ..ومن يتقِ الله يجعل له مخرجاً ويرزقه من حيث لا يحتسب. ف اطمني إن اختيارك لرضا ربنا مش هيضيع أبداً. وكلامه عن حبيبته القديمة وهو لسه بيحاول يبدأ معاكي مؤشر خطر. الشخص اللي قلبه لسه مشغول بحد قديم أو بيقارن، بيرهق اللي معاه جداً.و الحب الحقيقي هو اللي بيسعى للخطوات الرسمية مهما كانت الظروف صعبة. لو هو محلك سر وبس بيشكي من خنقته وماضيّه، يبقى بيستهلك مشاعرك على الفاضي.وقفي تفكير وسببها على ربنا ، لو هو فعلاً نصيبك، ربنا هيسهل الأمور ويغير حاله ويجيلك من الباب. ولو مش نصيبك، فالخيرة فيما اختاره الله. ركزي في حياتك ومستقبلك، ومتحمليش نفسك ذنب تفكير حد تاني. وخلاصة الحوار ...ادعي ربنا يرزقك بالزوج الصالح سواء كان هو أو غيره اللي يريح قلبك مش اللي يتعبك.اتمنى تكون وصلت . بعتذر عن الإطالة 😊 وجد والله ربنا يحفظك ويسعدك
تم النشر الاثنين، ٩ مارس ٢٠٢٦
انا بدعي بالصيغه دي ولو حبتيها ادع بيها اللهم ارزقني زوجا صالحا يصب عليا الحب صبا لا اشقى بصحبته ابدا طيب الخلقٌ جميل الخلْقه حسَن الأثر جميل الصوت كثير الهمه شديد النشاط ذو هيبه وقوه وذو عطف وحنان فإن كان هو فلنعم وان كان غيره فهذا اختيار الله فلنعم وامر المؤمن كله خير ولقد وفق الله اخوتك بالرد علي سؤالك ويكفيكي ان تفعلي ما قالو طبتِ
تم النشر الثلاثاء، ١٠ مارس ٢٠٢٦
يا حبيبتي لولو، أنا ذكية هنا معاكي، وأحس بضيقك ده كويس جدًا.. اللي بيحصل ده طبيعي في مشاعر الحب، خاصة لما يكون فيه التزام ديني زي اللي عملتوه. برافو عليكي إنكم بعدتوا عشان الحلال، ده خطوة كبيرة ومحترمة 💕. صيغة دعاء مناسبة: بدل ما تدعي بشخص معين (علشان الدعاء الأحسن يكون عام ويفتح أبواب الخير كلها)، قولي كده كل يوم بعد الصلاة، خاصة في الثلث الأخير من الليل: "اللهم يا مقلب القلوب، ثبت قلبي على طاعتك، وارزقني زوجًا صالحًا يخاف الله، يُسعدني وأُسعده في الدنيا والآخرة، ويجعل بيننا مودة ورحمة، وأبعد عني كل ما يُضيّق صدري. اللهم إن كان خيرًا لي فاقدُره، وإن لم يكن فاصرفني عنه وارزقني أفضل منه." كرريها بإخلاص، وثقي إن ربنا أحنّ وأعلم بصلاحك. الدعاء ده هيريّح قلبك، ويفتح لك نصيبك الحقيقي اللي فيه السعادة. نصيحة عملية سريعة: ركّزي على نفسك دلوقتي : خلّصي دراستك أو شغلك، وطوري نفسك. ده هيخليكي أقوى وأجمل في عيون أي حد يستاهلك. الغيرة دي عابرة : هو قالك ميفكرش في الماضي، وده كويس. ربنا هيمسح الهم ده لو سلّمتي أمرك له. الصبر مفتاح الفرج، يا قمر.. وتخيلي إن اللي جاي أحلى بكتير! 😊 لو عايزة استشارة أعمق أو حد يسمعك، روحي لصفحة الخبراء في فدني: https://www.fedni.net/experts، أو ابحثي عن أسئلة مشابهة هناك هتلاقي إجابات كتيرة. ربنا يفرّج همّك ويرزقك السعادة الحلال يا رب 🕊️.
تم النشر الاثنين، ٩ مارس ٢٠٢٦
اهم حاجة ان انتوا بطلتوا كلام وادعي قولي اللهم إن كان خيراً لي فاجعله من نصيبي وان كان شراً فاصرفه عني
تم النشر الاثنين، ٩ مارس ٢٠٢٦
كلمة افتكرها و هو معاكي يبقي منسهاش ياحبيبتي و الاحسن انك تدعي بالزوج الصالح متدعيش باسم معين لان ناس كتير اتجوزت عن حب و بعدين بيكتشفوا أن ده اوحش قرار اخدوه في حياتهم ادعي ربنا إن كان خير ليكي يقربه و ييسرله أمره و لو شر يبعده و يرزقك بالخير ليكي
تم النشر الأربعاء، ١١ مارس ٢٠٢٦
بلاش واحد كان بيحب واحده قبلك 🙂 معرفش ليه بس بحس ان صعب الواحد ينسى اول حب في حياته بس ممكن اكون غلطانه عادي
تم النشر الاثنين، ٩ مارس ٢٠٢٦
هو كدا بيتسلي بيكي زيها بالضبط دا واحد عنده نقص بيكمله من كل واحدة شوية
تم النشر الأربعاء، ١١ مارس ٢٠٢٦
انا شايفه ان هو بيبني نفسو مش لازم تنتظريه خالص
تم النشر الأربعاء، ١١ مارس ٢٠٢٦
هو كمان كان بيخونها ؟!و بيكلم بنات كتير؟!انتي بتحبي علي ايه يبنتي ؟!بالله عليكي ده ينفع زوج اصلا يعني انتي ترضي ده يربي طفل راجل سوي و كل الكلام البيقولهولك كذب والله أنا مريت بالحوارات دي و صدقيني زي ما كان بيتسلي مع غيرك بيعمل معاكي ومش بعيد انو قال لغيرك نفس كل الكلام ده ومش بعيد يكون وخده كوبي من الشات اصلا
تم النشر الأربعاء، ١١ مارس ٢٠٢٦
لا هيا بالنسبالو مش حب لأنها مكانتش اول واحده ف حياتو وقالي انو كان بيكلم بنات كتير وقتها لدرجة انو كان بيخون البنت دي مع اختها بس هيا الوحيده وقتها ال قعدت معاه سنه واول ما صاحبو قالو سيبها سابها وشاف غيرها وكمان هيا اكبر منو ب 3 سنين يعني تقريبا زي مامتو هو الفرق بس انو كان عندو مشاكل ف بيتو كتير وهيا كانت حنينه معاه اووي وبتسمعو وقالي انا عمري ما آمنت اقولك حاجه وبحسك هتعايريني بس هيا لا حكيتلها كل حاجه وكانت بتفهمني من نظرة رغم انو قالي كتير انو كان بيتسلي بيها زي ما اتسلي ب غيرها
تم النشر الأربعاء، ١١ مارس ٢٠٢٦
لعرض السؤال في فدني اضغط هنا