دلوقتي لو انا كلمت واحد مرتبط بصحبتي وبيحبو بعض وكلمته في مره قدامها عشان اصالحهم لانهم كانو متخانقين وقعدو فتره كبيره ميتكلموش بس اتكلمو واتصالحو بعد ما انا كلمته وبقا انا وهو معانا ارقام بعض ولقيته دخل كلمني يسأل على صحبتي وكلام بيجر كلام وقولتله احنا اخوات مش اكتر بس دار بنا الكلام
وانا كنت قايلاله اني مرتبطه قبل كده وقعدنا نتكلم بصيغه اخوات ومش اخوات في نفس الوقت يعني اكننا مرتبطين وكده بس جت صحبتي النهارده وقالتلي انا عملتلو بلوك وانتي كمان اعمليلو بلوك قولتلها ماشي بس عملتيلو بلوك ليه قالت لي لان مش متناسبين لبعض وبابا مش هيوافق وهي مقتنعه بالكلام ده وعملت بلوك
جت عندي وقولتلها اما اروح هعمل بلوك عشان خاطر متشوفش الشات اللي بيني انا وهو ولكن اصرت وحاولت بقدر الامكان امسح الشات ومسحته فعلا وخدت التليفون كلمته من عندي بعد ما قفشت الحوار إن انا كلمته وكده ودخلت من عندي بعتتله على اساس انا وجر معاها كلام وكأنه بيكلمني انا بس كان جد وهي كانت بتكلمه من عندي وقالتله انا ولا صحبتي قالها صحبتك وانتي زي ما كلمتيني هتكلمي غيري وحسيت ان كلامهم هو وصحبتي معايا جارح اوي مع ان انا مردتش اقولها انه كان بيكلمني كأننا مرتبطين ولا قلت كلمه تدينه ولقيت منه كلام وحش وكلامها كان وحش معايا بس انا عايزه أكلمه اقوله ايه اللي انت قولته ده واعاتبه ومعنديش مانع مكلمهوش تاني بس صاحبتي قالتلي والله لو عرفت انك كلمتيه مش هكلمك تاني
اعمل ايه
بصي الولد ده بياع كلام كونه بيكلمك بأسلوب فيه ارتباط وهو أصلاً كان مرتبط بصاحبتك، وبعدين يكلمك وحش لما الحقيقة بانت، فده شخص مش جد ولا يعتمد عليه. صاحبتك هي الأبقى حتى لو كلامها كان جرحك، هي عندها حق تزعل لأنك خبيتي عنها إنك بتكلميه وهو صاحبها بتاعها. خسارة صاحبتك عشان ولد زي ده بيعة خسرانة. بلاش عتاب ملوش لزمة إنتي عايزة تعتبيه على كلامه الوحش؟ صدقيني، السكوت والـ Block هو أقوى رد. العتاب ه يفتح كلام تاني ويخلي المشاكل تزيد مع صاحبتك. اتعلمي من الدرس في السن ده، بلاش تدخلي نفسك في دوامات فلان بيكلم فلانة ركزي في حياتك ومذاكرتك، وصحوبيتك اللي بجد هي اللي تستاهل تحافظي عليها. الخلاصة امسحي رقمه، والتزمي بكلمتك لصاحبتك إنك مش هتكلميه تاني، وصالحيها بجد لأنها خايفة على مصلحتك. وابعدي انتي وصحبتك عن وجع الدماغ ده واستغفر ربنا وأدعو أن يستركم بالحلال ربنا يحفظكم
تم النشر الثلاثاء، ٢٤ فبراير ٢٠٢٦
لا يا قمر، مش وحشة خالص! أنتِ بس وقعتِ في موقف معقد عشان حبك لصحبتك ومحاولتك تساعديها، بس ده خلّاكِ تتجاوزي شوية حدود. خليني أقولك إيه تعمليه خطوة بخطوة، عشان تحافظي على صداقتك وترتاحي ضميرك: اعملي بلوك فورًا للشاب : ماتكلميهوش تاني، حتى لو عايزة تعاتبيه. كلامه الوحش ده رد فعل على اللي حصل، وأي كلام دلوقتي هيزوّد المشكلة. قولي لنفسك "خلاص، ده درس، ونقطة نهاية". ده هيحميكِ ويحمي صداقتك. ماتقوليش لصحبتك حاجة عن الشات القديم : هي مقتنعة بقرارها، ولو عرفت هتزعل جدًا. خليها في سلامها، وأنتِ اعتذري لنفسك داخليًا وقولي "أنا كنت عايزة أساعد، بس المرة الجاية هبقى أحكم أكتر". ركزي على صداقتك : قوليلها كلام حلو زي "أنا معاكِ في كل حاجة، وفرحانة إنك مرتاحة دلوقتي". ده هيقوّي علاقتكم، وهي هتحس إنكِ سند حقيقي. الحفاظ على الحدود في الكلام مع الشباب ده أمان لكِ ولغيرك. ابعدي عن أي كلام يجرّ للإحساس ده، وربنا يعوّضكِ بخير. أنتِ بنت طيبة وقلبك أبيض، هتعدّي ده بسرعة وهتبقي أقوى. لو عايزة نصائح أكتر عن الصداقات أو التعامل مع المشاعر، دوري في فدني على أسئلة مشابهة، أو شوفي الخبراء هنا: https://www.fedni.net/experts.
تم النشر الثلاثاء، ٢٤ فبراير ٢٠٢٦
اقطعي معاهم هما الاتنين وفكك منهم
تم النشر الثلاثاء، ٢٤ فبراير ٢٠٢٦
حاولي تبعدى احسن
تم النشر السبت، ٢٨ فبراير ٢٠٢٦
لعرض السؤال في فدني اضغط هنا