بصي انا كنت زيك كده بس انا أصغر منك يعني وكانت الدروس متراكمة علي وكان كل اما ييجي الليل أو افتح الكتاب كنت بتخنق وخايفة اني مجبش مجموع معين وخايفة من راي الناس ولكن الحمد لله ربنا سترها احنا بنكون فاكرين ان الناس مركزين معانا ولكن الحقيقة محدش مهتم اصلا ولا حد شاغل باله بيكي واللي انت فيه ده طبيعي جدا ومتحسسيس نفسك ان ده مشكلة لانك في ٣ ثانوي وسنة مهمة يعني فطبيعي تكوني قلقانة وخايفة لمتلحقيش تلمي اللي وراكي او ان الناس هيبصولك نظرة مش كويسة فمتحطوش في بالك انك تعبانة نفسيا وبقولك تاني كل اللي انت فيه ده طبيعي وخدي الموضوع على انه عادي ومتفكريش فيه كتير وجربي قبل ما تذاكري تمارسي التأمل وتكتبي في ورقة كل اللي في دماغك كل مشاعرك هترتاحي وذاكري على طول من غير تفكير كتير
شكرا بجد ل كلامك ريح نفسيتي شوية بس كنت عايزه أسألك لميت المتراكم ازاي ؟
تم النشر الأحد، ٢٩ مارس ٢٠٢٦
لعرض الإجابة في فدني اضغط هنا