انا في كلية وجامعة كويسين الحمدلله واول ما دخلت الجامعة اتعرفت علي ناس بس مكانوش شبهي اوي ف اتعرفت علي ناس جديدة وفي منهم الي شبهي والي لا وفي ارتحت معاهم وفي لا بس انا بطبعي شخص اجتماعي علي قد ما قدر ف كان من ضمن صحابي دول شلة كملت معايا لحد السنة دي بس حصل في النص خلافات بينا واتقسمنا والناس دي أذتني بشكل وحش جدا نفسيا كنت تعبانه جدا و الناس دي بعدها بكام شهر رجعوا اعتذرولي عن اي اذي وحاولوا يتعاملوا معايا تاني وانا بطبعي مبحبش الخصام ومبلجألهوش إلا لما بكون زعلت اوي ف عشان كدا وافقت نكون صحاب تاني وهما كانوا مندهشين إني قبلت اعتذارهم ورجعت تاني صاحبتهم لا وكمان عرفتهم علي صحابي وكانوا فاكرين اني بتكلم عنهم وحش اتفاجئوا من صحابي دول انه لا مكنتش بتكلم عنهم ابدا بالعكس كنت بجيب سيرتهم بكل خير باستثناء واحدة كدا مينفعش انا وهي نكون صحاب بعدها صحابي دوول من غير اي مقدمات جت فترة الامتحانات واحنا كلية عملي كنت بساعدهم في حاجات كتير في المواد اتفاجئت انه جه الامتحان وحصلي ظرف ومحدش فيهم ساعدني وكلهم اتلموا علي بعض وبقيت انا لوحدي تماما معاايا حد واحد بس من زمايلي وانا بعدت عنهم شوية بعد الموقف دا ؛ حاليا انا وحيده بشكل وحش جدا في الجامعه بعد ما البنتين دول بقوا مع صحابي واذوني بشكل بشع ومش قادرة اتخطي ان بعد كل الخير الي قدمته ليهم هما يتلموا علي بعض واكون انا لوحدي بالشكل دا. وانا بحاول اتأقلم في دراستي انا الحمدلله تقديراتي كويسة بس مش عارفه اتأقلم علي دراستي وانا لوحدي واتخطي كل دا
هل هما بعدوا فجأة بدون اي مقدمات عنك؟ لو فيه امكانية تعرفي ايه اللي حصل، وايه السبب اللي خلاهم يبعدوا يبقى كويس. لو هما بعدوا فجأة .. يبقى خلاص، الواحد مش هيقدر يجبر اي حد انه يكون معاه. بس تقدري انك متبقيش لوحدك، متركزيش حياتك كلها على شوية الصحاب دول، ما ممكن تكوني صحاب تانية! بلاش حياتك تبقى منحازة لفصيل معين، او ناس معينه فقط ..
تم النشر الأربعاء، ١٤ فبراير ٢٠٢٤
بصي هما الصحاب ليهم دور كبير يا بالايجاب يا بالسلب بس انتى مش هتجبرى حد انو يفضل معاكى بس تقدرى تحلى المشاكل اللى وصلت الموضوع لكده وتقدرى تكوني صحاب جداد ودا هيدكي خبره ف التعامل اكتر وهتعلمى اكتر من خبرات الصحاب الجداد ف لو الموضوع مأثر معاكى بالسلب شويه دلوقتى ف حاولى تخلقي من الموضوع دا حاجه ايجابيه تفيدك ذي كل معرف ناس جديده هتعلم اكتر هستفاد اكتر وممكن يبقو احسن من اللى فاتو بكتير
تم النشر الأربعاء، ١٤ فبراير ٢٠٢٤
طبعا انت جميل جدا انك شخصيه بتحب الاجتماعيات وعندك كده صفاء ومش بتحبي انك تتخاصمي مع حد او تفضلي زعلانه من حد ودي صفه جميله جدا جدا فيكي بس خلينا نقول انه المواقف اللي هتعدي عليكي في مختلف العلاقات علشان تعلمك انه مهما كانت الحاجه اللي فيك جميله وظريفه وهدفها انه العلاقات تكون سهله وبسيطه وما نشيلش من بعض ده مش معناه انه بضروره ان الناس تقابل ده بانها تعمل زيه خلينا في الحاجه الاساسيه انه حاطين على الجميل اللي فيك حتى لو ده مش بيديك نتيجه من الناس زي اللي انت بتعمليه وبالنسبه بقى للصحاب والناس اللي بتعمل التصرفات دي فالدنيا بتعمل لك فلتره لوحدها لو انت مش عارفه تفطري الناس مين ينفع يفضل معك يمين لا فالمواقف اللي زي دي بتفل تر لك.لوح.اهم حاجه تكوني تعلمتي الدرس كويس.
تم النشر الجمعة، ١٦ فبراير ٢٠٢٤
ربنا معاكي يارب ويقومك ويساعدك ويفوقك ويقفلك ولاد الحلال ويبعد عنك ولاد الحرام.انا بعد اذن حضرتك هقولك حاجه الغلط او العيب مش منك العيب منهم انهم خسرو حاجه جميل وذهبيه زيكي اوعي تفتكري ف يوم من الايام انك وحيده لا ربنا معاكي وهتكونِ صحاب احلَ واجمل بكتيرر وربنا يزرقك يارب وانتِ بعد كدا اختاري صحابك ااقصد انك تختاري اصدقاءك من تعاملهم من شخصيتهم من كلامهم عمر الاصحاب كانو بالمواقف ولا بالاشكال ولو كانت الناس بتعامل بعضيه بالاشكال كان ربنا اخدنا باشكالنا مش اروحنا واناواثقه انكِ ف جامعه هتتعرفِ عل ناس احسن وافضل واجمل ومترجعيش لصحابك الي اذؤكِ لانهم ممكن يؤذيكِو تاني ف انتِ اتعلمي من غلطك وشكرا واسفه لو ازعجت حضرتك ف حاجه😊🤍
تم النشر الخميس، ١٥ فبراير ٢٠٢٤
ديه تجربة تعلمك انك يبقى بينك وبين الناس مسافة تخليكى متتعرضيش لأي أذى و انك المفروض تبعدي عن اي حد أزاكى ولو مره كرامتك أهم و انتى لسه عندك فرصة الأستغناء عنهم و تعملى أصدقاء جدد و تخليهم هم اليرجعولك و انتى الترفضيهم
تم النشر الجمعة، ١٦ فبراير ٢٠٢٤
اتأقلمي ...وحاولي تستمتعي بالهدوء والحاجات اابسيطة اللي حواليكي....وجودك لوحدك افضل من الاذي وقلة القيمة ....انتي تستاهلي الاحسن .....نقي الناس اللي يتزعل عليهم
تم النشر الجمعة، ١٦ فبراير ٢٠٢٤
حاولى تتاقلم مع صحاب جديده وخليكى دايما تتعاملى مع شخص بحذر
تم النشر الجمعة، ١٦ فبراير ٢٠٢٤
لعرض السؤال في فدني اضغط هنا