انا مريضه روماتويد بقالي 4 سنين لفيت علي دكاتره كتير وكنت اتشخصت غلط اول ما اكتشفت بالمرض نفسيتي مكنتش احسن حاجه وكنت بحاول اخرج. نفسي من الي انا فيه لان جالي من وانا صغيره فالموضوع كان مأثر اوي ان من واحده كانت بتعمل كل حاجه في يوم دلوقتي مبقتش بقدر اكمل الحاجه الي بعملها روحت لدكاتره كتير وتحاليل كتبر وعلاجات كتير علي مدار 4 سنين كنت اول فتره العلاج اكون كويسه وبعد. كده ارجع احس بتعب تاني كأن مكنتش بتعالج الموضوع مأثر علي نفسيتي اكتر دلوقتي ان زعلانه علي نفسي وعلي شبابي انا محتاجه دعم نفسي
حاسه بيكي بجد يمكن تجربتنا مش نفسها، لكن أنا برضو مريت بتجربة مرضية أثرت على حياتي بشكل كبير، وفاهمة جدًا إحساس إن الإنسان يحس إن حياته اتغيرت فجأة. كان فيه وقت حسيت فيه إن أبسط الحاجات بقت محتاجة مني مجهود كبير، وحاجات كنت بعملها بسهولة بقيت بتتعبني جدًا، وده كان بيضغط عليا نفسيًا أكتر من أي حاجة. وكنت ساعات أبص لأي حد بيعمل حاجة عادية وأقول بيني وبين نفسي هو مش حاسس قد إيه دي نعمة.مش حقد لكن حرفيا كنت دايما ببص علي الناقص فيا و موجود ف غيري و ازعل علي نفسي ان ربنا ابتلاني بحاجه زي كدا،و حتى دراستي اتأثرت، مش لأني بقيت أقل، لكن لأني بقيت ببذل ضعف المجهود وفي الآخر أوصل لنتيجة أقل من اللي كنت متعودة عليها، وده كان بيوجعني جدًا. وعديت بمواقف وكلام من الناس كان صعب، فحاسه فعلًا بكل كلمة قولتيها. لكن تعرفي رغم إن المشكلة لسه موجودة، بقيت ممتنة لحاجات كتير علمتهالي. قربتني من ربنا أكتر، وخلتني أقدر النعم الصغيرة اللي كنا بناخدها كأنها عادية، وخلتني أحس بالناس أكتر وأفكر قبل ما أقول أي كلمة، لأني عرفت إن ممكن الشخص اللي قدامي يكون شايل وجع محدش يعرفه. حاولت أخلي التجربة دي تبقى نقطة إيجابية في حياتي، وحاجة أفتخر بيها بعد كده، إني عديت بكل ده وقدرت أحسن من نفسي بسببه. لأن في الآخر مهما طال التعب هيعدي بإذن الله، وهيفضل اللي اتعلمناه منه هو اللي هيكمل معانا. وكمان اتعلمت إن كلام الناس مش هو اللي يحدد قيمتي، وإن المرض ممكن يصعب الطريق، لكنه مش لازم يكسر طموحي. لسه عندي أمل ولسه بحاول، ومؤمنة إن ربنا قادر يفرجها في أي وقت، وإن كل تعب ليه حكمة حتى لو إحنا مش شايفينها دلوقتي. عارفة إن الكلام مش هيشيل التعب، لكن حبيت أقولك إنك مش لوحدك. فيه ناس مرت بتجارب مختلفة، لكن فاهمة إحساس إنك تزعلي على نفسك وعلى حياتك اللي كانت قبل المرض. وربنا يخفف عنك ويقويكي ويرزقك الشفاء ويطمن قلبك 🤍
تم النشر الثلاثاء، ٣٠ يونيو ٢٠٢٦
أنا آسفة جدًا إنك بتمري بكل ده، وأقدر إن المرض ده أثر عليكِ نفسيًا وجسديًا بشكل كبير، خاصة بعد التشخيص الخاطئ والدورة الطويلة من العلاجات اللي بترجعي فيها لنقطة الصفر. إحساسك بالحزن على شبابك وفقدان القدرة على إنجاز الأشياء اللي كنتِ بتعمليها طبيعي جدًا، ومش ضعف منكِ، ده رد فعل طبيعي لمرض مزمن زي الروماتويد اللي بيغير روتين الحياة فجأة. أول حاجة، خلينا نركز على الدعم النفسي اللي محتاجاه دلوقتي. حاولي تبدئي بخطوات صغيرة يومية، زي تخصيص وقت قصير (حتى 10 دقايق) لنشاط بسيط بتحبيه، سواء قراءة آية أو حديث بيطمنكِ، أو كتابة 3 حاجات إيجابية حصلت في يومكِ مهما كانت صغيرة. ده بيساعد في إعادة بناء الثقة بالنفس تدريجيًا، ويذكركِ إن فيه جوانب في حياتكِ لسه تحت سيطرتكِ. كمان، الصلاة والدعاء بيوفروا راحة نفسية كبيرة، جربي تخصيص وقت للدعاء بطلب الشفاء والصبر، لأن الإيمان بيخفف من الضغط النفسي ويمنحكِ قوة داخلية. ثانيًا، من المهم تتعاملي مع الجانب العاطفي ده بطريقة عملية: حددي أهدافًا واقعية صغيرة زي "أكمل مهمة واحدة النهاردة" بدل ما تحاولي تعودي للنشاط الكامل مرة واحدة، وتابعي تقدمكِ في مذكرة بسيطة عشان تشوفي التحسن حتى لو بطيء. لو التعب النفسي مستمر، ابحثي عن أسئلة مشابهة على فدني عشان تشوفي تجارب الآخرين وتستفيدي من وجهات نظر إضافية. أنتِ مش لوحدكِ في الرحلة دي، وكل خطوة صغيرة بتقربكِ من التوازن النفسي والجسدي. لو عايزة تتكلمي أكتر عن أي جانب، أنا هنا أسمعكِ وأدعمكِ. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الثلاثاء، ٣٠ يونيو ٢٠٢٦
لعرض السؤال في فدني اضغط هنا