ببقي عاوزه اصلي والتزم بس بقول بكره نفسي اقرب من ربنا واشتكيله نفسي انظم حياتي علي العباده وطاعه الله واهتم بدراستي مش عارفه انا مستنيه اي مستنيه اما يفوت الاوان مع العلم اني ف سنه مهمه ف المدرسه والمفروض انها اللي هتحدد مستقبلي مش عارفه انا عايشه ليه ضغوط الحياه خدتني ونستني اني عندي واجبات تجاه ديني ودراستي بجد انا محتاره لو حد عنده حل يقولي 💔
كل م عليكي تكتبي ازاي هقولك صلي ع النبي الاول وركزي معايا احنا عندنا ٥ فروض هتتعبدي لربنا بالخطوات دي ولو حد عنده حاجه زياده يقول ونستفاد كلنا حاولي تبدئي يومك من الساعه ٢ بالليل ( متستغربيش مره في مره هتبق عاده ي جميله 🌹) هتعمل الاتي تتوضي وتجهزي عشان تصلي القيام لو انتي في بداية العباده واول مره ليكي ف ابدئي بركعتين صلاه وادعي بكل حاجه بالمستحيل حتى هيستجاب حتى لو مكنتيش بتصلي قبل كدة وادعي ربنا يهديكي لي وادعي لنفسك انك تصلي وتلتزمي وتقري صفحتين من القرآن وتسبحي واستغفري وتصلي على الرسول ١٠٠ مره كل دا هياخد بالضبط ١٥ او ١٨ دقيقه دا لو انتي بطيئه يعني مش هياخد منك كتير خلصتي ؟ روحي نامي واصحي الفجر نفس الشيء صلي ركعتين فرض وركعتين سنه واقري سورة يس بنية طيبه او بالحاجة اى نفسك فيها مثلا ان ربنا يثبتك على الصلاة والأذكار خلصتي ؟ شوفي يوم هتعمل في اي نتقابل في الضحى هتيجي ع الساعه ١٠ او ٩ اي وقت بعد طلوع الشمس لغاية قبل الظهر تصلي ركعتين ولو انتي جدعه ف اقري صفحتين قرآن هيجي الظهر تصلي أربع ركعات سنه واربعه فرض وركعتين سنه واقري سورة نوح او صفحتين قرآن وسبحي في الوقت بين الظهر والعصر وادعي لانه وقت استجابه وممكن تنامي بعد الظهر ساعه او ربع ساعه حسب م تحبي لو وقتك فاضي يجي العصر تصلي أربع ركعات والأذكار يجي المغرب ثلاث ركعات واتنين سنه تيجي العشاء أربع ركعات واتنين سنت و٣ وتر ولو حابه تصلي القيام بعد العشاء وقبل م تنامي تمام بس انا بفضل كدا ويريت تسمعي لدكتور حازم شومان عن قياز الليل هو من أحب العبادات لقلبي ويشهد الله وعشان تلتزمي بالصلاه والتسبيح والصدقه والصوم والى آخره هاتي دفتر حوالي ١٥٠ ورقه كدا واكتبي في صفه عنوان التزامي بالقرب من الله واقسمي الصفحه نصين نص للفروض والعبادات ال في وقتها ونص للفروض ال اتأخرت عليها مع السبب مفيش خانه للفروض ال متمتش اعملي كدا لمدة ٣ ايام او اسبوع وهتلاقي منك لنفسك بتروحي تتوبي وكمان هتدخلي الحمام هتلاقي نفسك بتتوضي لوحدك لي لأنك اتعودتي دي الخطوات ال مشيت عليها لغاية م تقدمت في العباده وربنا يثبتني عل. كدا انا حاليا في ٣ث وبمشي بنظام اطور من دا ال هو بصحى الساعه ٢ وبصلي ١٢ ركعه اتنين اتنين وفاصل صفحتين قرآن و١٠٠٠ تسبيحه متنوعه وأكثرهم الاستغفار والصلاه ع النبي وانام ساعه لغاية الفجر اصحى اصلي والاذكار واقرأ تفسير ٥ اسطر وأقرأ يس بنية البركه في وقتي واقعد اذاكر لاني لسا في لخبطة التراكمات وكل دا بعدها الضحى وصفحتين قرآن والظهر ونوح وصفحتين قرآن والعصر والاذكار والواقعه والمغرب وعم وصفحتين قرآن والعشاء والوتر والملك وصفحتين قرآن والأذكار والقيام لما اعرف اني هتأخر في النوم ولو مش هتأخر بنام في حاجه تاني التسبيح في كل صلاه بردو مهم ف بنظامي بصلي الفروض والسنن والنوافل حوالي ٤٠ ركعه والقرآن ٢٤ صفحه وتسبيح ممكن ١٠٠٠ او اكتر حسب اتمنى لو حد قرأ تعليقي وعنده زياده يقول ولكم الثواب واتمنى اكون فدتك ولو بحاجه بسيطه 🌹 بس مهم انك تكتبي في ورقه وتبق معاكي على طول حتى وانتي بتاكلي لازم تبصي فيها عشان تفتكري وخلي فونك عليه الاذان ومواعيد الصلاه ونزلي تطبيق اسمه المصلى عليه كل حاجه
تم النشر السبت، ٢٨ أكتوبر ٢٠٢٣
بصى اعملى لنفسك جدول صلاه وحطيه قدامك كل متعملى صح ع فرض نفسك هتتشجع كمان نظمى يومك ابدأى يومك من الفجر الرسول كان بيقول بارك الله لأمتى ف بكورها الصحيان بدرى مهم جدا ودكاتره وعلماء تتكلموا فيه اصحى الفجر صلى واقراى سوره البقره والاذكار وبعدين افطرى مش هياخد منك ساعه وبعدين ذاكرى وقت الصبح دا جميل وفيه بركه كبيره جدا الصلاه هتكسرى فيها ف الاول وبعدين ان شاء الله هتتلزمى صلى وادعى كتير ربنا يثبتك نظمى مذاكرتك وحطى لنفسك جدول مذاكره وعدد ساعات نومك متقلش عن 7 أو 8 ساعات ومتزدش برضو كل حاجه هتيجى خطوه بخطوه بس ابدأى
تم النشر السبت، ٢٨ أكتوبر ٢٠٢٣
اول حاجه للعبد اللي عاوز يلتزم أنه ميقولش بكره هعمل أبداي من دلوقتي عيشي كل لحظه كانها اخر لحظه في حياتك لأن ممكن تبقي اخر لحظه في حياتك فعلاً شوفي كده تخيلي كده لو قالولك أن ده اخر يوم في حياتك أو اخر يوم دراستك انتي ممكن تنهي يومك ازاي هتلاقي نفسك دائما بتصلي وأكنها اخر صلاه بتذاكري وكأنها اخر مذاكره حولي يكون ليكي حال مع الله ولكل عبد صيت في السماء انتي تحبي يكون صيتك ايه صاحبه الصلاه علي وقتها صاحبه ركتين الفجر صاحبه الصلاه علي النبي تحبي صيتك ايه انصحك كمان انك تشحني قلبك كل يوم بورد محدش يشوفك فيه غير ربنا يكون صلاه علي النبي والاستغفار والله هتشوفي العجب في حياتك ويفضل الوقت ده قبل صلاه الفجر بساعه وتصلي الفجر وتنامي وا مثلاً تبدأي يومك براحتك وتشحني قلبك كل يوم بمقطع ايماني ارشحللك شيخه هاله سمير حازم شومان احمد العزب محمد الغليظ مصطفي حسني وبخصوص المذاكره اول ما تصحي من النوم خططي يومك هيمشي ازاي وحاولي ميبقاش الجول ميثالي اوي وقت المذاكره الاول مثلاً يقي بسيط اربع ساعات والحاجة ولما تيجي اخر اليوم حولي تقيمي نفسك بنفسك مش بحد تاني وتقارني النهارده بامبارح فكده انتي باستمرار بغيري تفكيرك وأخيرا احب ابشرك طالما ربنا جعل في قلبك الشعور ده وايدك خلاه تكتب الطلب ده فربنا عايزك تكوني احسن لان لايكلف الله نفسا إلا وسعها اسف لو تولط عليكي أسأل الله العظيم أن يصلح حالك يخرك من الظلمات الي النور ويوفقك لما يحب ويرضي
تم النشر الاثنين، ٣٠ أكتوبر ٢٠٢٣
التاني بالتدريج صلي صلاة الفجر وبعد كدا كل الصلاة ان بالتدريج تاجي
تم النشر الاثنين، ٣٠ أكتوبر ٢٠٢٣
ابدأي بس صلي و حافظي علي المفرض في وقتها وكل م تكوني مخنوقه امسكي المصحف و بدأي اقرأي وانتي هتنسي الزعل اهم حاجه انوي فعلا انك تتغيري و استعيني بالله
تم النشر الاثنين، ٣٠ أكتوبر ٢٠٢٣
حاولي على الأقل تصلي فرض، المهم إنك متنميش غير وإنتِ مقابله ربنا لو مره وحده على الأقل، وبعدين الفرض هيجيب فرضين وهكذا، طب جه يوم مصلتيش فيه حاجه خالص، تيجي بليل تصلي مل الفروض مع بعض، طب سبتي فرض اايوم اللي بعديه تصليه مع الفرض اللي ذيه، وربنا يهديكي ويثبتك
تم النشر السبت، ٢٨ أكتوبر ٢٠٢٣
لعرض السؤال في فدني اضغط هنا