السلام عليكم ورحمه الله وبركاته
حاليا انا طالبه علمي رياضه وبصراحه ما كنتش بذاكر قوي او ما كنتش بذاكر فعلا في تانيه ثانوي وما كنتش بنزل دروس كنت باخد اون لاين كنت براكم المحاضرات كثير وكده المهم اني واقعه في الرياضه طيب داخله علمي رياضه ليه انا مرتاحه في علمي رياضه وحابه وجودي في علمي رياضه طيب اتأسسي مش عارفه ابدأ منين وكل ما افتح فيديو على اليوتيوب مش بقدر اكمله وهو مش عارفه أبدأ منين او اروح فين بصراحه يعني فهو التأسيس مهم في الرياضه لان عندنا تراكمات تيجي في الامتحانات فبصراحه محتاجه حد علمي رياضه يفيدني في التأسيس وكده لان حابه اتأسس كويس علشان اتأقلم لرياضه ثالثه ثانوي
رقم واحد ابدأي بإنك تسيبي الموبايل وتقفلي السوشيال ميديا انت مشكلتك الأولى في التركيز ثانيا بقى مشكلة الرياضة، انزلي مع مدرس اوفلاين وسيبك من الاونلاين، الاوفلاين سيظل دايما افضل من الاونلاين، بس دوري على مدرس محترم وشرحه كويس وبيتقي ربنا وبيشتغل من كتاب المعاصر التركمات هتتجاب مع الحل الكتير، حلي كتير كتير كتير و زي ما قلتلك في الأول لازم تبعدي عنك كل عوامل التشتت
تم النشر الثلاثاء، ٤ أغسطس ٢٠٢٦
وعليكم السلام ورحمة الله وبركاته عن تجربة في تالتة ثانوي الأونلاين في الرياضة محتاج التزام ولو راكمتي بتضيعي لا قدر الله عشان كده أنصحك تنزلي سنتر المدرس في السنتر بيأسسك في الجزئية القديمة اللي محتاجاها في بداية كل درس وده هيريحك من تشتت اليوتيوب وفيديوهات التأسيس الطويلة . أهم حاجه تركزي عليها انك تحلي كتير مع الحل الكتير المعلومه هتثبت وهتلاقي الاسئله بتتكرر + ولو وقعت منك حصه حاولي تلميها ف اسرع وقت على قد ما تقدري بلاش تراكمي ربنا يوفقك ويجبر بخاطرك
تم النشر الثلاثاء، ٤ أغسطس ٢٠٢٦
وعليكم السلام ورحمة الله وبركاته يا أمورة، أول حاجة أحب أقولك إن شعورك ده طبيعي جدًا، وكتير من الطالبات بيمرّوا بنفس المرحلة بعد ما يتراكم عليهم المواد. إنك حابة تبقي في علمي رياضة ومرتاحة فيه ده أمر إيجابي جدًا، وهيبدأ يساعدك دلوقتي لو بدأتِ تخطي خطوات عملية. ابدئي بالتأسيس من الأساسيات اللي بتُبنى عليها المناهج الجديدة، يعني راجعي أهم المواضيع من تانية ثانوي زي الجبر والدوال والمثلثات والإحصاء، لأن الامتحانات بتجيب أسئلة متراكمة. قسمي الدراسة لأجزاء صغيرة: كل يوم خدي موضوع واحد بس، وشوفي فيديو قصير (مش أكتر من ١٥-٢٠ دقيقة) وبعدين حلي تمارين بسيطة عليه فورًا عشان تحسي بالتقدم. لو مش قادرة تكملي فيديو كامل، جربي تكتبي الأفكار الرئيسية في ورقة وترجعي لها تاني يوم. كمان حددي جدول يومي واقعي، مثلاً ساعة واحدة في اليوم في البداية، وكل أسبوع قيمي نفسك بتمارين من السنين السابقة. لو لقيتِ صعوبة في نقطة معينة، ابحثي عن أسئلة مشابهة على فدني عشان تشوفي تجارب الطالبات التانيات وتستفيدي منها. أنتِ قادرة تتأسسي كويس وتتأقلمي مع ثالثة ثانوي، بس السر في الاستمرارية حتى لو بخطوات صغيرة. لو عايزة نناقش خطة أكتر تفصيلاً قوليلي.
تم النشر الاثنين، ٣ أغسطس ٢٠٢٦
و عليكم السلام ، انا علمي رياضة دفعة ٢٦ انا راكمت تفاضل و تكامل ف تانيه " بس انا متأسسه رياضة بشكل عام كويس" اللي ساعدني إن رجعت عادي الفيديوهات الفروع اللي متأسستش فيها بتاعت تانيه ثانوي و شوفتها و كان معايا المعاصر بتاع تانيه ثانوي حليت منه ، بصراحه بذلت مجهود بس كنت مُصره على إن اكمل ف فعلا اتأسست فيهم و اخدت مع أحمد عصام هو خلاني شاطرة جدااا ف الرياضة و استمتعت بيها لأبعد حد ، بس لو أنتِ شايفه نفسك بتراكمي انزلي أرض بس قيمي المدرس اللي هتاخدي معاه ، يكون فعلا بيديكي أصل القانون مش بيديكي أفكار حل و خلاص لإن الرياضة مفهاش افكار حل هو بتفهمي الأساس عشان تتعاملي مع اي سؤال جديد لإن الإمتحان اسئلته بتيجي جديدة بتناقش فهم الطالب ، ف لو لقيتي المدرس بيديكوا القانون منغير متفهموه اصلا و بعدها بيروح يحل على طول بيخليكم تبصمجوا أفكار بمعنى أصح ف امشي من عنده حتى لو حسيتي إنك بالنظام ده بتحلي ف هو ده مؤقتا لكن مش هينفع ف الإمتحان خالص
تم النشر الأحد، ٩ أغسطس ٢٠٢٦
حبيبتي تسلميلي 🎀🎀
تم النشر الاثنين، ١٠ أغسطس ٢٠٢٦
الشكر لله يحبيبتي ، ربنا يوفقك ف رحلتك، لو احتاجتي حاجه أبقي قوليلي و إن شاء الله أقدر أساعدك 🤍
تم النشر الأحد، ٩ أغسطس ٢٠٢٦
شكرا 🧸 بتمنى لكي التوفيق يا حبيبتي ❤️🫂
تم النشر الأحد، ٩ أغسطس ٢٠٢٦
شكرا جدااا بتمنى لك التوفيق 🎀💗
تم النشر الأربعاء، ٥ أغسطس ٢٠٢٦
ملهاش علاقة انك في تانيه ثانوي و انت في تالته ثانوي .. الفكرة انك في تالته بتدخل السنه و عاوز تعمل حاجه فعلا و تجيب اخرك يعني عشان تعرف تتعامل مع علمي رياضه يفضل انك تحل مسائل كتيير و تتابع ناس برده زي احمد عصام ،احمد سرور و غيرهم كتيير بس الهدف الاول انك تحل و تحاول تفهم بجد كل خطوة اتعلمت ليه عشان متجيش في الامتحان تقول ايه ده هو انا كنت بعمل ايه لأ احيانا العقل بيضحك عليك بيوهمك انك فاهم السؤال و لو جبت سؤال تاني مش هتحله كده اسمها بصمجه ف من الاول خالص اهوو حرب في سؤال و بعدين جرب في سؤال تاني و حل و التوكل علي الله
تم النشر الأربعاء، ٥ أغسطس ٢٠٢٦
لعرض السؤال في فدني اضغط هنا