السلام عليكم
انا عندي مشكله نفسيه من زمان من لما كان عندي ١١ سنه او اقل بس بدأت تأثر عليا قوي الفتره دي ، انا بكره الأفراح و المناسبات الاحتفالية من غير اي سبب منطقي
مش بس بكره اروح اي احتفالات وبكره اني اسمع اي حاجه تخصها
يعني لو في فرح جمب البيت مثلآ
انا بيبقى عندي اكتئاب وضيق شديد في اليوم ده ببقى مستنيه الفرح يخلص بفارغ الصبر
ومن فتره كان عندنا حفله في السكشن تبع الكليه وكان إجباري ان احضر
فده كان من أسوأ ايام حياتي
حضرت الحفلة وانا بموت من الضيق وخلصت الحفله ومشيت وانا بعيط من غير سبب
ومستنتش صحابي زي ما متعوده .
و عليكم السلام ، اللي عندك ده تقريباً رهاب من الاماكن المزدحمة ، لو بيحصلك في أي مكان فيه ناس كتيرة انتي ما تعرفيهومش، لكن لو مقتصر بس على المناسبات و الافراح ف الغالب انك اتعرضتي لتروما في مناسبة و اتحفرت في اللاوعي عندك ، ممكن تكوني مش فاكره الموقف نفسه و ايه اللي حصل وقتها و ممكن يكون عقلك حجب عنك الذكرى علشان ما تتوجعيش ، لكن الإحساس هيفضل يظهر لما تتحطي في نفس الموقف تاتي ، الافضل انك تروحي لأخصائي نفسي و إن شاء الله يقدر يساعدك توصلي لحل ، وبالتوفيق 😊
تم النشر الاثنين، ٢٣ مارس ٢٠٢٦
بصي يا بنت الحلال طبيعي جداً تحسي بتقل على قلبك في الأماكن اللي فيها دوشة وزحمة وده مش معناه إنك وحشة أو فيكي عيب بالعكس ممكن تكوني ببساطة شخصية حساسة بتتعب من الطاقة العالية والضوضاء وده في الدين ملوش ذنب عليكي خالص طالما مش بتقطعي رحمك أهم حاجة متسيبيش نفسك للحزن والضيق يسيطروا عليكي واستعيني ديماً بذكر الله عشان قلبك يهدى ..ألا بذكر الله تطمئن القلوب.. وحاولي تفهمي نفسك أكتر ومتقارنيش حالك بغيرك لأن كل واحد ليه طاقة معينة في التحمل فخليكي رحيمة بنفسك ومتحمليهاش فوق طاقتها ولو تقدري تعتذري عن المناسبات اللي بتؤذيكي نفسياً بالذوق ومن غير زعل اعملي كدة وحافظي على هدوئك النفسي لأنه أمانة عندك ربنا يسعد قلبك ويشرح صدرك ويريح بالك ديماً
تم النشر الاثنين، ٢٣ مارس ٢٠٢٦
وعليكم السلام ورحمة الله وبركاته يا عزيزتي 💕 أول حاجة، أشكرك إنك شاركتيني اللي جواكِ.. ده شعور صعب جدًا، ومش لوحدك فيه. اللي بتحسي بيه ده ممكن يكون "رهاب اجتماعي" خفيف أو مرتبط بصدمة قديمة من طفولتك (زي حدث في سن ١١)، أو حتى حساسية للضجيج والزحمة اللي بتيجي مع الاحتفالات. كمان، في الإسلام، الاحتفالات الزايدة ممكن تكون تذكير بـ"الدنيا زائلة"، وده يزود الضيق لو الروح مش مرتاحة. نصائح عملية عشان تتعاملي معاه: سجلي اللي بيحصل : كل مرة تحسي بالضيق، اكتبي إيه اللي حصل قبلها (صوت موسيقى؟ زحمة؟ ذكرى قديمة؟). ده هيساعدكِ تفهمي السبب الجذري وتتحكمي فيه. خطة هروب : لو فرح قريب، جهزي نشاط هادئ زي قراءة قرآن أو مشي لوحدكِ في مكان هادئ، أو حتى سماع قرآن بسماعات عشان تغطي الضجيج. بني قوتك اليومية : زيدي الرياضة الخفيفة (مشي ٣٠ دقيقة يوميًا)، وادعي ربنا يريح قلبكِ: "اللهم أذهب الغم والحزن عني". كمان، حددي أهداف صغيرة زي "هقابل حد واحد بس في المناسبة الجاية". لو استمر : روحي لصفحة الخبراء في Fedni (fedni.net/experts) وابحثي عن متخصص نفسي أو معالج سلوكي، هما هيقدموا استشارة شخصية تناسبكِ. أنتِ قوية وقادرة تتغلبي عليه خطوة خطوة، وهتلاقي الاحتفالات مش هتأثر في سعادتكِ الداخلية. جربي وقليلي إيه رأيك بعد أسبوع! 😊 إذا عايزة تسألي أكتر أو تبحثي أسئلة مشابهة في Fedni، هتلاقي إجابات كتير مفيدة. ربنا يفرح قلبكِ 💖
تم النشر الاثنين، ٢٣ مارس ٢٠٢٦
بصي انا مش قصدي حاجه والدتك بتقارنك ليه مع بنت خالتك عمرها المقارنة ما هتعمل حاجه وانتي اصلا هتحسي بنفسك ودائما مع الوقت تقولي انتي في نفسك دي احسن مني علي فكره طريقه امك نفس طريقه والدي كان يقولي ملناش دعوه بالناس ولا نبصلهم وكان يرجع يقول شوف فلان وشوف علان ولما قولتله مش انت قولت ما بصش للناس بتجيب سيرتهم ليه ضربني بالقلم🫠 فا والله مش قصدي حاجه الشخص اللي مش بيحمد ربنا علي بنته أو ابنه أو حتي اي حاجه في حياته النعمه نفسها ويبص لغيره هم بيحسدوا بس بيبصوا للاعلي منهم لو بصوا للاقل اللي هم ناس ابهاتهم وأمهم مش قادرين عليهم ومطلعين عينهم ،والدتك مفكره بس أن الجراءه في البنت دي حاجه كويسه وهتخلي الناس تحبها انا قبل ما ادور علي إن الناس تحبني ابص علي إن ربنا يحبني ويرضي عني انا هعمل ايه بالناس وكمان هل المرأة خلقت للجراءة احنا مش هننكر إن الجراءه حلوه في بعض الأوقات بس المرأة خلقت للحياء (فَجَاءَتْهُ إِحْدَاهُمَا تَمْشِي عَلَى اسْتِحْيَاءٍ) ......قال النبي ﷺ: "الحياء لا يأتي إلا بخير" ،....... فا الحياء والبراءة عمره ما كان مرض نفسي بل ده يدل علي صلاح المرأة .... وقال رسول الله صلى الله عليه وسلم "الدنيا متاع، وخير متاع الدنيا المرأة الصالحة" فا والله لقد قل الحياء في هذا الزمن وأصبحت المرأة تصور نفسها وتجرب في الشارع وتتكشف من جسدها وتضحك بين الناس ويعلوا صوتها فا اثبتي وخليكي كده متسمعيش كلام امك وربنا يجعلك إمرأة صالحه ويبعد عنك الحرام وولاد الحرام ويرزقك الخير وراحه البال في حياتك
تم النشر الأربعاء، ٢٥ مارس ٢٠٢٦
شكرا وجزيتي خيرا يا اختي 💗
تم النشر الخميس، ٢٦ مارس ٢٠٢٦
الأهل بحد ذاتهم متعودين علي حاجات معينة ف الماضي ف انهم يشوفو حاجة مختلفة احتمال يقولوا حاجة ملهاش علاقة زي مريضة نفسياً او حتي المقارنة مع بنت خالتك بكل بساطة عرفيها انك ملكيش دعوة بحد لان انتي ليكي شخصية و بنت خالك ليها شخصية ، مفيش حد شبه حد ف المجتمع دا شكلاً و شخصياً فبكل بساطة اعملي الي هيريحك بجد و هو بكل بساطة تجاهلي الي هي بتقوله و اعتمدي و ثقة ان دي شخصيتك و شخصيتك حلوة و جميلة و فكرة كرهك للافراح دي مش حاجة وحشة خالص ،اقصد حتي انا مش بحب الافراح و ولا التجمعات بسبب كرهي للازدحام و البشر الكتير و الاصوات العالية فا عادي متهتميش ب اي حاجة تتقلك
تم النشر الأربعاء، ٢٥ مارس ٢٠٢٦
@Omar Samy. @SAIF ELDEN اللهم آمين ولكم بالمثل واضعاف يارب وشكرآ جدا
تم النشر الأربعاء، ٢٥ مارس ٢٠٢٦
مش عارف بس انا شايفها حاجه حلوه إن ربنا مش عاوزك تحبي الاحتفالات دي بسبب ذنوبها والمعاصي اللي فيها بس هل كرهك للاحتفالات لو من صغرك يبقي فعلا عادي امال لو بسبب بعدك علي انك مش بتختلطي كتير مع الناس أو انك بتبقي قاعدة في البيت معظم الوقت في كلا الحالتين كرهك للاحتفالات دي نعمه حلوه مش وحشه
تم النشر الثلاثاء، ٢٤ مارس ٢٠٢٦
طيب هل بتكون من كل الاحتفالات حتى لو كانت احتفالات دينيه ..
تم النشر الثلاثاء، ٢٤ مارس ٢٠٢٦
دي مش حاجة وحشة يروحي دا مجرد جزء من شخصيتك و هو انك شخص عنده حساسية من الاصوات العالية و التجمعات و الازدحام و البشر الكتير و الي احيانا يخليكي تحسي بشعور غير مريح او ضيق تنفس لكن دا مجرد حاجة نابعة من شخصيتك و واضح من دا انك شخصية هادية و خليني اقلك ان دا مش يعني انك انطوائية
تم النشر الثلاثاء، ٢٤ مارس ٢٠٢٦
عليكم السلام ورحمة الله وبركاته ـ يبدو لي ان هذا جيد لا يوحي لشيء سيء بالنسبة لي.
تم النشر الاثنين، ٢٣ مارس ٢٠٢٦
على فكرة عمر عنده حق ودا بيحصل حتى معايا انا برضو 🙂 .. المهم لازم تحبي نفسك وغيري نفسك للاحسن حاولي تكوني صداقات ماشي وحاولي تتكلمي مع قرايبك واهلك وكدا واحده واحده هتتعودي هيا اااه انا بعترف إن الوحده جميله لكن صدقيني عمر الوحده ماكانت حل بالعكس دي مشكله اكبر .. ومش معنى كدا اني اقولك اندمجي اكتر من الازم لا حطي لنفسك حدود وحطي لاي حد يتكلم معاكي حدود وكوني واثقه في نفسك وماتهتميش لكلام اي حد وربنا يوفقك 💗🌹
تم النشر الأربعاء، ٢٥ مارس ٢٠٢٦
@H . @ْ ْ @Omar Samy امي بتقول لي أن انا كده مريضه نفسيآ ولازم اشوف دكتور نفسي علشان انا مش طبيعية في نظرها 😂😂 وبتقارني ببنت خالي بتروح أفراح ايه وبتعمل ايه وقد ايه هي جريئه وبتكلم كل الناس واغلب الناس عرفاها ومش بتسيب فرح مش بتروحه وإلخ....
تم النشر الأربعاء، ٢٥ مارس ٢٠٢٦
@SAIF ELDEN ايوه
تم النشر الأربعاء، ٢٥ مارس ٢٠٢٦
لعرض السؤال في فدني اضغط هنا