جماعه ازاي اهدى ازاي اهدي اعصابي انا قاعده مش قادره اعمل حاجه كل تفكيري العالم بيبوظ في حرب بتحصل الحرب داخله عندنا الجو مدمر علامات الساعه القيامه هتقوم كميه طاقه سلبيه طالعه بتقول لي انه انت ما فيش داعي تحاولي تاني احنا نتوب لحد هنا مفيش داعي للمحاولات ولا ان انت تذاكري ولا ان انت تشتغلي ولا ان انت تتعلمي وانه خلاص كل حاجه بتنتهي
مش فاهمه ايه اللي انا فيه بس انا عايزه انهي اللي انا فيه ومش عايزه احبط حد بس اعمل ايه ازاي اسيطر على افكاري
و إحنا بنشتغل و بندرس و بنتعلم و بنكون مستقبل و اسرة ليه ؟ ، علشان ضامنين المستقبل ,؟ ليه هو مين فينا ضامن انه يعيش للحظة الجاية ، و انا بكتبلك دلوقتي انا مش ضامن ان اعيش لحد ما اخلص كتابة الاجابة ، ومع ذلك هكتبها و ادقق فيها و اراجع اخطائي الإملائية ، علشان انا بعمل اللي عليا ، طب لو مت قبل ما اوصل للي انا بعمل كل ده علشان ، فيكفيني شرف المحاولة ، العالم فيه حرب ، تمام ، كورونا ، تمام ، قيام الساعة ، تمام ، امتى في الحقب التاريخية ما كنتش كل الحاجات دي موجودة و برده قالوا نفس اللي انتي بتقوليه ، و غيرهم ما قالوش كده و فضلوا يعملوا اللي عليهم، اللي دفن راسه في التراب مات في معاده و ما استمتعش بأي لحظة في حياته ، و اللي واجه و عاش و استمتع قدر يموت و هو مبتسم للعالم اللي ساب في خطوات له ، و منهم ناس اساميهم لسه بتتذكر للنهارده و لحد ما احنا نموت و يجي بشر غيرنا، فأنا مهما كان هموت امتى فهما كان هعيش اد ايه مهما اللي بيحصل حواليا ، هعيش اليوم بيومه و تفضل شمس كل يوم نعمة من ربي و إشارة ان دي بداية يوم جديد و دورة حياة جديدة من ضمن مليارات دوائر الحياة اللي في الكون و كلها متصلة ببعضها علشان اقوم و اسعى و ادعي ان اقابل ملك الموت و اتا مبتسم ، وبالتوفيق 😊
تم النشر الأربعاء، ٢٥ مارس ٢٠٢٦
بصي يا بنت الحلال الموضوع محتاج منك وقفة حازمة مع عقلك أول حاجة لازم تقفلي الموبايل وتبعدي عن الأخبار تماما لأن عقلك مش هيستحمل كمية الطاقة السلبية دي تالت حاجة ركزي في اللي تحت إيدك وبس اليوم اللي إنتي فيه هو اللي تملكي تغيري فيه حاجة فمتقعديش تفكري في بكرة اللي هو بتاع ربنا أصلا ومحدش يعرف فيه إيه وحتى لو قامت القيامة إحنا مأمورين نشتغل ونعمر لحد آخر لحظة والمذاكرة والشغل هما الحاجة الوحيدة اللي هتحميكي من التوهان ده وتديكي معنى لحياتك فاستهدي بالله وقومي اغسلي وشك واشغلي وقتك بأي حاجة مفيدة مهما كانت صغيرة وما تستسلميش للأفكار اللي عاوزة توقفك في مكانك إنتي أقوى من كدة بكتير والدنيا لسه فيها خير كبير مستنيكي وجد والله ربنا يحفظك ويسعدك
تم النشر الأربعاء، ٢٥ مارس ٢٠٢٦
بصي يا حبيبتي، اللي إنتي حاسة بيه ده طبيعي جدًا، خصوصًا مع متابعة الأخبار طول الوقت، ده بيخلي العقل في حالة قلق مستمرة حتى لو مفيش خطر حقيقي حوالينا. أول خطوة مهمة إنك تقللي متابعة الأخبار، مش لازم تقطعيها خالص بس خليها مرة واحدة في اليوم من مصدر موثوق وخلاص، وبلاش قبل النوم. الأفكار اللي بتيجي لك دي اسمها أفكار قلق، مش حقايق، يعني العقل بيضخم الأمور ويخوفك، فحاولي كل ما الفكرة تيجي تسألي نفسك: “هل ده واقع دلوقتي؟ ولا مجرد خوف؟” اعملي روتين بسيط ليومك حتى لو حاجات صغيرة جدًا (مذاكرة خفيفة، مشي، حاجة بتحبيها)، ده بيساعد دماغك يهدى. وجربي تمارين التنفس: خدي نفس ببطء 4 ثواني، واطلعيه في 6 ثواني، كرري كذا مرة، هتفرق جدًا. وإفتكري إنك مش لوحدك، وكل ده هيعدي، بس محتاج تهدي نفسك شوية واحدة واحدة ❤️
تم النشر الأربعاء، ٢٥ مارس ٢٠٢٦
يا حبيبتي، أنا فاهمة تماماً اللي أنتِ فيه ده، القلق ده زي الدوران في دائرة سودا بياخد كل طاقتك ويخليكِ مش قادرة تتحركي. ده شعور طبيعي في زمن زي ده مليان أخبار مدمرة، بس أنتِ أقوى من كده، وهتقدري تخرجي منه خطوة خطوة. خلينا نرجع لحياتك الطبيعية مع بعض، عملياً ومن غير تعقيد: 1. اقطعي متابعة الأخبار فوراً (الخطوة الأولى الأهم): حددي وقت واحد بس يومياً: 10 دقايق الصبح، وخلاص. بعد كده، احذفي تطبيقات الأخبار أو ضعيها في مجلد بعيد، واستبدليها بتطبيق قرآن أو أذكار. قولي لنفسك: "اللي هيحصل هيحصل بأمر الله، وأنا مش هغير العالم دلوقتي، هغير يومي أنا." 2. سيطري على أفكارك بالطريقة دي: اكتبيها : خدي ورقة، اكتبي كل الفكرة السلبية (زي "القيامة قربت")، وبجانبها رد إيجابي قوي: "إذا قامت الساعة وفي يد أحدكم فسيلة فليغرسها). اقريها كل صباح. غيري التركيز : لما يجيلك الطاقة السلبية، قومي فوراً اعملي حاجة صغيرة: صلي ركعتين، أو ذاكري صفحة واحدة، أو رتبي الغرفة 5 دقايق. الجسم هيرد على الدماغ. 3. ارجعي لحياتك خطوة صغيرة كل يوم: ابدئي بقائمة مهام بسيطة: النهارده ذاكري 15 دقيقة، بكرة زوديها. مش لازم كل حاجة مرة واحدة. اجعلي روتين يومي: صلاة الفجر + مشي 10 دقايق + وجبة صحية. ده هيرجع الدوبامين اللي مخليكِ تحسي بالإنجاز. تذكري: الدنيا فانية، بس عملك الصالح باقي. ركزي على اللي تستطيعي السيطرة عليه (نفسك)، مش العالم. أنتِ مش لوحدك يا قمر، كتير زيك بيحسوا كده، بس التوكل على الله والعمل الصغير بيفتح الأبواب. جربي الخطوات دي النهارده، ولو استمر الشعور قوي، روحي على صفحة الخبراء في فدني https://www.fedni.net/experts وابحثي عن متخصص نفسي هيقدملك استشارة شخصية. وابحثي في فدني عن "كيفية التعامل مع القلق" هتلاقي إجابات تانية مفيدة. أنتِ هتقدري، صدقيني! 💕
تم النشر الأربعاء، ٢٥ مارس ٢٠٢٦
ونصيحه حاولي تبعدي عن الاخبار واي حد بيتكلم في حاجات محبطه كتير، املي يومك بعلاقتك بربنا وبيكي وبالناس اللي بتحبيهم لحد ما تهدي وتستقري اكتر
تم النشر الأربعاء، ٢٥ مارس ٢٠٢٦
هو الفكره بس انه كلنا ممكن نموت في اي لحظه فحتى لو مفيش حرب او اي حاجه والواحد بيفكر بالطريقه دي ماهو برده مش هيعمل حاجه ماهو ممكن حرفيا يموت بعد كام ثانيه يبقى اي فايدتها وقتها؟ فانا عارفه انه يمكن الجو المحيط بيسبب احباط فعلا ولكن مفيش عصر خالي بجد من المشاكل والواحد لو يفتكر الهدف الاساسي من كل حاجه بيعملها هيرتاح يعني احنا عايشين وبنحاول كل يوم عشان بس نكون حاولنا قدام ربنا لعل وعسى يعفو عنا وفي النهايه الدنيا دي مش دارنا ولا هي الحقيقه ف حاولي بس تذكري نفسك دايما انتي هنا ليه لعل وعسى الإحباط ده يقل شويه وترجعي تسعي من جديد وربنا يوفقك
تم النشر الأربعاء، ٢٥ مارس ٢٠٢٦
ما تشعرين به هو حالة من 'قلق الأحداث' وهي طبيعية جداً في ظل الأخبار المنتشرة، لكن الحل هو السيطرة على مدخلات عقلك: تقليل الأخبار: حددي وقتاً قصيراً جداً في اليوم لمتابعة الأخبار، وابتعدي عن 'التريندات' المرعبة التي تضخم الأمور. التركيز على الدائرة الصغيرة: فكري في يومك أنتِ فقط (ماذا سآكل؟ ماذا سأذاكر؟). العقل يهدأ عندما ينشغل بمهام ملموسة بدلاً من الأفكار الغيبية الكبيرة. قاعدة (الآن وهنا): إذا قامت الساعة وفي يد أحدكم فسيلة فليغرسها.. هذا معناه أن واجبنا هو العمل والاستمرار حتى آخر لحظة، وليس الاستسلام للخوف. التنفس والذكر: الصلاة والذكر والوضوء يهدئون الجهاز العصبي جداً. استعيذي بالله من الشيطان، واعلمي أن مستقبلكِ يستحق المحاولة مهما كانت الظروف. الله يربط على قلبك."
تم النشر الخميس، ٢٦ مارس ٢٠٢٦
ممكن تعملى حاجة أشبة ب فكرة الإعتكاف فى إنك لمدة يوم أو أكتر مثلا تقررى تمنعى كل حاجة وتنعزلى مع حاجة بتعمليها تكونى بتحبيها قرآة قرأن مثلا قرأة كتاب كامل أو ما شابة مع منع مثلا الموبابل طول هذا اليوم وغلق التلفزيون وكل حاجة ممكن تأثر عليك بحيث تعملى زى ريستارت كدا وبعدين بقى تبدأى أول ما اليوم ينتهى إنك تقللى من استخدامك للموبايل ب مسح بعض البرامج مثلا تهتمى بنفسك انتى وإية اللى انتى أنجزتية النهاردة وواظبى على الأذكار يوميا علشان تحفظك من الوساوس اللى بتجيلك دية
تم النشر الأربعاء، ٢٥ مارس ٢٠٢٦
لعرض السؤال في فدني اضغط هنا