السلام عليكم ورحمة الله وبركاته
الموضوع بدأ من سنة تقريبًا كان حصل معايا مشكله وكان زميل ليا بيساعدني و عشان كان في شغل بينا فكان في تواصل الكلام بدأ يزداد بينا وصراحةً بدأت أعجب بيه، لكن انا اعتقد ان سبب اعجابي دا ان مكنش في حد في حياتي وان دا مجرد فراغ عاطفي،
تمر الايام ونكون متفقين وانا وصاحبتي وهو وصاحبه على خروجة فبنتكلم علي الجروب كنا عاملينه عادي عشان نتفق نروح فين وهكذا، وانا بطبيعتي اصلا تلقائيه في الكلام وباخد وبدي مع الي قدامي طبعا مع التزام الحدود، فزميله كان بيرد عليا وبيتكلم معايا عادي جدا بردو، لقيت زميلي بيتكلم وبيقول على الخاص يتكلميني انا يتكلميه هو فانا مفهمتش وبعدها قالي من الاخر كدا انا بغير عليكي ومعجب وتاني يوم الميعاد المتفق عليه عشان نخرج صحابنا مجوش وكنا انا وهو مطولناش لكن كنت فرحانة اوي الصراحة وكانت اول مره في حياتي اروح ديت، بالاضافه الي ان لما والدتي كانت عايزه تكلمه كلمها ومرفضش او قل بأصله وفضلوا علي تواصل حتي يومنا هذا،
فيما بعد الديت التعامل بيني وبينه كان عاادي جدا يمكن اقل من الاول كمان
كل مأكلمه يتحجج ويقول اصل انا مش فاضي اصل انا مع صحابي اصل انا نايم اصل انا مش عارف اي حرفيا ال 24h ممش فاضي ولما بعلق علي دا يقولي اني نكديه ورخمة
كان دايما مغرور ومحسسني ان الي هو مفيش منه اتنين علي وجه الارض وعلي طول يتنمر عليا وعلي شكلي بحجة الهزار،لكن حرفيا كل حاجة في حياتي جربتها لاول مره كانت معاه
اول مره ادخل سنيما، اول مره اروح ديت، اول مره اروح ملاهي مع حد بحبه وهكذا
وكانت اول هديه فلانتين جاتلي هو الي جابهالي
الي هو ذكريات العمر ودا الي بيخليني احن ليه من الوقت للتاني
وفي مره رقم غريب كان بيكلمني فعامله اتصل عليه وابعتله عشان يتصرف
يكنسل ويقولي انا مع صحابي ومش فاضيلك
استنقصته وعملتله بلوك كاني خلاص بخرجه من حياتي
وبعدها بفتره لاقيت واحد بيكلمني وبيقولي انه معجب
ولما اتواصل مع زميلي دا الاقي انه هو الي مديه رقمي وان الشاب دا بيحبني
وهو اصلا ميعرفنيش يعني لمحرد اني بعدي من قدام المحل بتاعهم كل يوم دا مش سبب كافي انه يحبني
وبعدها زميلي دا يقولي من الاخر انا معرفتش احبك انتي زي اختي
وبعدها بفتره يكلمني ونرجع محرد اصدقاء تاني وكان نوعا ما بيغظني الي هو شوفي انا بكلم كام واحده. من بعدك، وبعد الموضوع دا بشهور
الاقيه بيرن علي ماما ويقولها انا عايز اكلمها وطبعا انا عاملته بقرف عشان مش بعرف اطصنع
وبعدها يبعتلي علي الوتس ويقولي انا بدأت حياة جديدة وعايزك معايا والكلام دا
ارفضه بكل الطرق ليزال متمسك فاستغربت دا عنده كرامته فوق اي حاجة يعني لو قولتله لا من اول مره هيمشي علي طول
وبعدين من كلامه فهمت انه بعد ملف لفته ملاقش حد يهتم بيه ويخاف عليه زيي
كل الي كلمهم كانوا بيتسلوا بيه يا بيستغلوه عشان الفلوس
حسيت انه حاطني علي الاحتياطي وقت ميعوزني هيلاقيني صعبت عليا نفسي اوي وصعب عليا حالي لما افتكر الي عمله
بعدها يقولي في فرح عندنا في العيله وانا حجزتلك فستان و كوافير وعايز اعرفك علي اهلي
فرفضت بكل الطرق فكلم ماما واقنعها وبعدها بلغني فالكلام مكنش لطيف يعني الي دار بيني وبينه
قفلت معاه من هنا واتصلت علي والدته من هنا وقولتلها في واحد اتنين تلاته
وقفلت معاها ومن ساعتها متكلمناش انا وهو
الموضوع ان انا فعلا متلغبطه وبشتاق الذكريات الي معاه بس
ومش عارفه انا كدا ظلمته ولا لأ
لعرض السؤال في فدني اضغط هنا