انا كمان بعاني من المشكله دي بس قدرت لحد ما اظبط الدنيا ، اولا بالنسبه لحوار تنظيم الوقت فاليوتيوب مليان ناس بيتكلموا عن الموضوع والصحيان بدري وافضل وقت وطريقه وكل الكلام الحلو دا ، بس اللي لاحظته انه اكتر حاجه بتضيع وقت ان كل مدرس بيفضل يتكلم كتير ويضيع وقت ملوش لازمه فا اوقات بعمل سكيب لفيديوهات ملهاش لازمه او بزود سرعة الفيديو ، تاني حاجه انك ممكن تكوني بتاخدي وقت زياده عن اللزوم في حاجه بسيطه ودا هيعطلك ويخليكي مش فاهمه فا احسن حاجه انك تخلصي مذاكرة الماده وتحلي عليها في اي وقت في اليوم بس لازم نفس اليوم وقبل متحلي تحاولي تلخصي اللي كنتي فكراه بورقه جمبك ، اخر حاجه هي عقليتك مينفعش تبقي مقتنعه انك فاشله او انك طالما متأخره شويه فا مش هتلحقي لأ ، شوفي نفسك انك بتحاولي وتقدري وقدري المجهود اللي بتبذليه ، دا حل عام لو عندك اسئله فموضوع معين اكتبي .
مش لازم تضغطي نفسك وتصحي بدري كدا ، في طريقه اسمها بومودورو جربيها واقعدي نص ساعه ذاكري وعشر دقايق راحه مثلا ، وزي ما قولتلك متسيبيش مجال تتشتتي وخليكي رحيمه مع نفسك
تم النشر الأربعاء، ١٧ ديسمبر ٢٠٢٥
معنديش اي ابلكيشن غير المنصات حرفيا ماسحة كل حاجة ومفيش معايا تليفون حتى يعني انا صاحية من الساعة ٢ بالليل معملتش اي حاجة جيت اذاكر احياء حسيت ان انا مش مركزة مسمعتش غير نص ساعة من المحاضرة وفضلت اشوف مراكمة ايه ولقيت حاجات بسيطة اللي نازلة الاسبوع ده محاضرة في كل مادة بس بخلصهم صليت الفجر ومن وقتها مذاكرتش حاجة وبجد معرفش الوقت ضاع ف ايه غير انه ضاع مع اخواتي وكده وبفضل اندم بقى واحاسب نفسي ضيعت ليه وكان فاتني خلصت
تم النشر الأربعاء، ١٧ ديسمبر ٢٠٢٥
ممكن لو عندك سوشيال امسحيها لأنها بتشتت وتضعف التركيز وجاهدي نفسك لأن التركيز عضله بتتمرن وحاولي متقابليش حد لحد متخلصي اللي وراكي وبعد كدا العبي بقيت اليوم براحتك وتمرين مفيد بحاول اعمله يوميا هو ميديتيشن او تأمل ١٠ دقايق وتركيز علي النفس ، وحاولي تتخلي عن عقليتك المثاليه والكمال لأنها هتدمرك
تم النشر الأربعاء، ١٧ ديسمبر ٢٠٢٥
بصحى بدري الحمدلله قبل الفجر بشوية وأبدأ مذاكرة باجي الساعة ٨ بفصل حرفيا ومقدرش اكمل بقيت اليوم ببقى فايقة عادي مش حوار نوم بس بحس ان انا خلاص هبطت وافضل اضيع في وقت مع اخواتي او افضل امشي في البيت بلا فايدة
تم النشر الأربعاء، ١٧ ديسمبر ٢٠٢٥
لعرض الإجابة في فدني اضغط هنا