السلام عليكم ورحمه الله وبركاته.
عندي 17,5 سنه اول ما دخلت اولي ثانوي ف واحد قالي ان هو بيحبوني وكده قال لي بعد كده ان هو مستعد يعمل اي حاجه عشان بعد ما اتكلمنا بأيام بابا عرف وبعدين هو فعلا كلم اهلي وكان عاوز يكلم اهله واهلي وعرف اهلنا على بعض وكان فخور بيا وكان دائما خلى ان مفيش مشكله تحصل لي في البيت فعلا بابا ما عمليش حاجه بالعكس وقال لي بلاش تتكلمي ولد علشان مفيش ولد بيكلم بنت اتجوزها فانا لما قلت له كده قال لي طبعا هتحدى باباكي وهعرفه ان كلامه ده غلط
وبعدين لما انا لما قعدنا سنه وسنتين يعني ولا ثانوي كلها مع بعض هو اصلا مكنش ناوي يكمل في ثانوي بس يكمل عشان يبقى معايا. ولم تالته ثانوي واحنا مع بعض. وبعدين كده في ثالثه ثانوي كنا متفقين ان احنا بنتكلمش حصل مشاكل ما بين مامتي ومامته مامتي تكبرت على مامته عملت مشاكل وقالت له يبعد عني
المهم يعني ان احنا اتصالحنا وكانت خالته بتيجي عندنا هنا البيت وكانت صاحبه مامته وكده بس المهم بعد مشاكل يعني بعد المشاكل دي ما اتصالحنا بقينا رجعنا نتكلم ثاني وفكرنا نتكلم هو بيتلكك كتير وبيعملي مشاكل كثير بصراحه عشان نبعد والموضوع وصل ما بين هو بالنسبه ووريني جسمك وبتاع المشكله دي ان انا كنت بيصعب عليا يعيط وكده كان بيكلمني فيديو يكون راضي يعيط عم بيصعب عليا فكنت بساعده.
وبعد ما أساعده يعمل مشكله. ويرجع يعني يرجع تاني ولم نتصالح هيرجع المشكله وبعدين هو خلاص هيخسرني وكده. واما فاضل اخر شهر ثالثه ثانوي كويس معايا اللي بعدها لما خلصنا امتحانات قال لي نبعت علشان حرام وبتاع فانا وقتها يعني. فانا وقتها قربت من ولايات كثير وكده علشان انا نفسيتي ما كنتش احسن حاجه بعد ما كنت متدينه ولاد كثير. وبعدين هو بيكلمني وكده علشان يصالحني ويتاسف لي واقعد اقول له لا انت عملت كذا وفيا وكنت بتبعد عني ومعرفش ايه كنت كنت بعدت عني خالص كنت بعدت عني كنت هتنسيني
وانا فعلا ما كنتش طايقه لاني كنت اتعلقت باول ثانيه وبعدين هو من شهرين كده قال لي بصي من الاخر كنا بقى بنتكلم ونبعد هو عمال يصالحني ويقول لي انا اسف والله كنت بعمل كده عشان مصلحتكم شايفك عايزه تبقي حاجه كويسه وعايزه تجيبي مجموع كويس فكنت خايف كنت عامل كده علشان تركزي وبس وما تركزيش معايا وبتاع ولا مكنتش طايقه بصراحه هو كان خايف يخسرني كام من شهرين قال لي بصي انا خسرت حلمي وخايفه اخسرك انت كمان فانا مش عايزه اعلق نفسي ومش عايزك تتعلقي فعايز نبقى مع بعض من غير ما نتعلق عشان انت عارفه ان اهلك هيطلبوا حاجات كتير وانت باباك وكيل الوزاره واصلا هم مبدئيا مش موافقين عليا. مش هتعلقيش وكده فقلت له لا انت تحاول عشاني وتبقى متمسك بيا يااا ننسى كل بينا خالص.
فيعني بعد خالص.
فانا خلاص نبعد خالص وانا قلت له نبعد وكده فقال لي خلاص نبعد قلت له قعدت اعيط في الفيديو كله كده فبيقول لي هو انت بتعيطي ليه فبيقول لي قلت له علشان انا انا مش مستحمله قال لي والله انت مكبره الموضوع وبتاع قلت له احنا البنا ده كله ايه قال لي اللي بينا ده كله حرام وما لوش لازمه يبقى انا ما لهوش لازمه بالنسبه لي بقوله ثلاث سنين ملهاش لازمه بالنسبه لك ذكريات انا كنت ماشيه بنفس الشارع ده اللي احنا مشينا فيه وعملنا كذا فيه ولا لازمه بالنسبه لك فقال لي ما لوش لازمه عشان حروب انا وقتها قمت عامله بلوك قعدت يومين اعيط لماما وكده وبعدين لما احس ان انا بقيت هاديه شويه. فكيت البلوك وقلت له لو عايزني يكلم اهلي وبتاع فهو محسس ان هو ممكن يخسرني رغم ان انا عملت بلوك يومين ومسحت الرقم ورجعت سجلته تاني وبتاع هو ولا مسح رقمي ولا حتى اغير الاسم اللي مسميهولي اللي هو قلب احمر ده ابيض جنبه ولا ولا اي حاجه. ولا اخذت اي خطوه حتى لما كلمته تاني رد عادي خالص ما فيش بينا حاجه اللي هو كان مفيش بينا مشاكل كاننا كويسين عادي المهم فقال لي والله انا لو جاهز انا اول ما اكنس اكون اول واحده تقدم لك وبقى في كل فتره يكلمني كل يومين يكلمني يطمن ان انا موجوده معاه بعد ما كان بيقول لي نسيني ودلوقتي انا مش عارفه. كل فتره بنتكلم انا لو فتحت حوار وبيتكلم وبتاع بس هو بيبعد علشان حوار الشهوه ده. بيقول لي ان حوار شهوته ده عامل له مشكله فهو بيبعد علشان حرام وبيبعد عشان. وبيبعد عشان شهوته. وقال لي انا الهدف يعني اعمل 100,000 ويبقى معايا وظيفه ثابته وهاجي غير كده مش هعرف اجي عشان ما اظلمش حياتنا فانا دلوقتي عندي 17 ونص سنه هو عنده 18.5 احنا الاثنين فوق الجامعه انا اتاب اعلام هو اداب مساحه وانا دلوقتي بشتغل في صيدليه ب 3000 جنيه في الشهر بيقول لي ان هو بياخ المصاريف ولو راح مثلا اصلا معندوش وقت يروح حتى اا مع صحابه اي مكان فبيقول لي ان هو بيحوش الفلوس. هو بيقول لي ده التارجت لو وصل له هيجي يتقدم لي غير كده مش هيظلم حياتنا مع بعض فقلت له خلاص استناك لحد 23 سنه كويس ست سنين فقال لي خلاص تمام كده حلو ان احنا نتفرج على 21 سنه كان استنى كمان بعدها سنتين جاي يعمل جيش مجاش تمام هو دلوقتي ما بيفتحش واتساب كتير حتى اليوم اللي اتكلمنا فيه ده كان بالنسبه لنا كانه يوم مقدس كنا بنحتفل مع بعض بيه وكده ماسج طويله كلها حب وبتاع السنه دي وما بعتليش المسج اليوم ده كان من يومين مابعتليش المسدج دي بالعكس انا لما بعتها له حتى ما ردش عليها زي ما كان بيرد عليا دائما المسجد طويله كان بيبعث لي مسج طويله ويرد على المسج بتاعتي المسدج يعني طويله كلها حب برضه لا ارد عليها ربنا يرزقنا بالحلال مع بعض يا رب يا روحي. بحبك وجنبها بقى الكلام ده. طب قلت له انا غلطانه والله ان انا بعمل كده قال لي انت عايشه الجو افلام ودراما وانا مخنوقه عندي مشاكل في البيت وحتى قعدت من الشغل عشان امتحانات الكليه وانا دلوقتي والله مش قادر معلش نتكلم بيقول لي معلش انت تكلميني في وقت انا متضايق فيه فهنقفل دلوقتي كويسين وبتاع قلت له انا انا انت كسرتني وانت عملتني ليه برده عايشه اجابه دراما كان الاثنين بيحبوا بعض من الثانوي وهيحاربوا علشان بعض وبتاع ما تمشي الواقع شويه الحياه صعبه قلت له انا مقدره كل ده بس انت انت حتى مش هاين عليك تفرحني في اليوم ده قال لي ما انت ما بيفرقش معاكي غير شويه الحب اللي على الواتساب كلمتين حلوين وبتاع. لكن في الحقيقه ما بيفرقش معاكي اصبري لما نتخطب وانت تشوفي احمد على حبيبته وتشوفي ما تحكميش علي من دلوقتي في مره كنت بقول له برضه كنا باتكلم كل ما نتكلم فيديو كل يقعد يضحك وف مره قالي وفري كل دا لو اتجوزنا بقولو لو قالي هتعترضي علي امر ربنا كمان وديما يقولي احكمي عليا لو اتخطبنا متحكميش عليا دلوقتي وفكري بواقع شويه فكك من شويه كلام وقلب وهبل دا سوشيال هو بيعملي عل كل الاستوريز لاف عشان بيخاف ازعل واقرر انساه بس اوقات بقي بيفتح ومش يشوف الاستوري بتاعتي لانو اصلا ممكن يفتح دقيقه ف اليوم بس بيفتح بليل يعملي لاف عل الاستوريز ويقفل
عينه اسود فبقول له في ايه فبيقول ان هو اصلا مشغول مذاكره وشغل وكليه وكده وجمب فقال لي ان هو مضغوط جامد يعني فقلت له انا بطاطا بزياده قال لي بصراحه اه علشان بتقولي لي دائما انت عايزاني اجهز كل حاجه بسرعه تقدم لك حالا لو ينفع وعايزاني ودايما بتحسني بتحسي ان انا مش مهتم وان انا ما بحبكيش ودائما بتشكي فيا وانا وانا بحس ان انت كده مختاره. فانا مش عارفه يعني انا ادعي بيه في صلاتي ولا انا كده بعلق نفسي ولا ايه افضل حاجه ممكن اعملها احنا نتكلم مثلا مره كل اسبوع. تقريبا في الحدود دي.هو بيبعد عني عشان ديما لما بيكلمني شهوته بتيجي وهو خايف نغلط مع بعض وكمان خايف نتعلق ونتعشم ونتكسر وبصراحه بقا بيفتح حيدخلش شاتي زي الاول انا بقيت مش فاهمه هو عاوز اي ولا أنا المفروض ادعي بيه زي ما وعدنا بعض زلا كدى بعلق نفسي ومش فاهمه هو ناوي علي اي @أحمد الديب
وعليكم السلام ورحمة الله وبركاته ما شاء الله بنوته رقيقة ومشاعرها قويه ومخلصة جدآ في علاقاتك ولكن الموضوع بدأ بدري وبدري أوي يعني من ٣ سنين تقريبآ كنتي ١٣ سنه ونص أو ١٤ سنه ودا وقت اضطراب في المشاعر لانها بتكون مبنية على عاطفة واندفاع وليست مبنية على عقل وحكمة وعلشان كده اسمها فترة مراهقة وكذلك احمد وقت ما عرفك تقريبآ مكنش طلع بطاقة وغالبآ انتي اول بنت يكلمها لان سنه صغير فكان من الطبيعي انه يتعلق بالعروسة الجميلة اللي ضحكتله واعجبت بيه وهنا احساس الرجولة كان سابق قدراته لانه فكر في خطوبة وارتباط وكلم اهله وكلم اهلك لكن رد فعل اهلك منطقي وتعامل بابا كان غاية الحكمة وكلمته كانت صح وهنعرف كلمته لما نشوفها ازاي اتحققت خصوصآ ان احمد كانت وخداه الشهامة بزيادة انه يملك الاصرار على تحقيق النجاح في علاقتكم إلا أن كلمة والدك تكسب في الاخر لانها نابعه عن حكمة لما قالك بلاش تكلمي ولاد علشان مفيش واحد بيتجوز واحده كلمها وبمرور الوقت بدأ احمد يكبر واكيد بدأ يدخل في علاقات متعدده لانه حس ان بابك مقفول فكان دافع اكتر انه يتعدد في علاقاته ويقطع تواصله معاكي لانه لقى البديل وبالتالي قلبه قسي معاكي وبيتجاهل ويبعد ويقول كلام عنيف واصبح لا يهتم بدموعك بل انه تجرأ وبدأ يدخل في مطالبات جنسية وكل دا انتي واقفة مكانك مستنية تحقيق الوعد اللي قالة من ٣ سنين انه هيحارب الدنيا من أجلك بس الحقيقة بتقول انه اول ما قرر يحارب بدأ يحاربك انتي وعلشان كده انا قولتلك انك بدأتي بدري لان كل وعد في توقيت غير مناسب بيكون مجرد حماس عاطفي غير مبني على واقع حقيقي ، والايام اثبتت ذلك ان احمد مع الايام لقى ان الجواز مش سهل وانه محتاج فلوس ولسه قدامه جيش وكمان محتاج وظيفة وفجأة اكتشف دا دلوقت ! طيب كان الاستاذ احمد هيتجوز ازاي من ٣ سنين فاتو؟ وكمان كان مستعد يحارب لكن دلوقت بيقولك اه نصبر كمان ٦ سنين ما هو كده كده مش خسران حاجة لانه عايش حياته سواء بالتجهيز لشغل او دراسة او أي شيئ تاني ولما بيحتاجك بيلاقي حضرتك في الانتظار ولما بيزهق ويقفل ويغيب بيرجع يلاقي حضرتك مستنياه بالذكريات القديمة اللي أصبحت من وجهة نظرة حرام × حرام ومع كل دا انتي مستنية تشوفي نتيجة عكس اللي بتعيشي فيه هنا لازم نبدأ بالحل وسامحيني لو كلامي قاسي بس انتي لازم تعرفي حاجة ان في فرق بين الواقع والتوقع يعني الواقع بيقول انه بيتسلى وبيتلاعب وانتي للأسف متوقعه منه الإخلاص فيما وعد ، توقعك اصبح غير مطابق للواقع وعلشان كده لازم تعيشي الواقع انه شخص باع وشاف طريق تاني ومش فارق معاه لا مشاعرك ولا حزنك ولا دموعك ولا كسرة قلبك ولو انتي شايفه ان عدم استخدامه للبلوك او اي رد فعل للإنسحاب فدى مش معناه انه مخلص ووفي بالعكس دا معناه انه سايبك تعملي بلوك وهو واثق انك هترجعي تكلميه وبالتالي هو مش هيبعد ولا عمره هيسيبك بس هيجبرك انك تنسحبي علشان وقت الجد يقولك انتي اللي بعدتي مش انا لاني كنت بحاول وغصب عني حضرتك هو مستنيها تيجي منك علشان يفضل في نظرك فارس الاحلام اللي مغرم بيك بس الظروف صعبه ولو انتي لم تتخذي الخطوة بنفسك في الابتعاد هتلاقي مع الوقت الاستاذ احمد فجأة بيخطب بحجة ان اهله بيجبروه على كده وفجأة تلاقيه بيتجوز بحجة انه غصب عنه بس لازم يسمع كلام اهله أو هتلاقي منه سلوك تاني زي مثلآ انك تعرضي عليه تديله جزء من مرتبك علشان يكمل ال١٠٠ الف وتتجوزو او الخطوة التانية اللي ماسك نفسه معاكي وبيمثل انه بيقفل علشان يمنع نفسه انه يضعف بشهوته معاكي ودي حيلة علشان لما تلاقيه بيبعد وبيقفل بسبب شهوته فحضرتك توافقي انك تبعتي صور او تدخلي معاه في علاقة جنسية بالهاتف وفي كل الاحوال الاستاذ أحمد بيلعب على مشاعرك ومستني انك تقدمي انتي الحلول والتنازلات او الانسحاب علشان هو يفضل بريء ومضحي وعلشان كده لازم نفتكر كلام بابا ان عمره ما هيتجوزك وهتفضل العلاقة دي علاقة سامة تستنزف مشاعرك وافكارك ولجل ان تنجو بنفسك لازم نبدأ فورآ بالبلوكات وبدون مقدمات واعتباره درس كبير في حياتك يعلمك ان الصادق يأتي من الباب وينتظر ولأنك قيمة غالية يظل هو منتظر حتى يسمح له وعليه ان يجتهد في تجهيز شأنه حتى يتقدم بما بتناسب مع مطلبات أهلك ولو لم يفعل ذلك فسوف تنتهي العلاقة بالفشل لأن من يأخذ بالتواصل بدون جهد سوف يتخلى عنك بكل يسر ١) الابتعاد فورآ وانهاء التواصل معه ٢) لا شك إن قرار البعد ليس سهلآ ولكن تذكري أن ألم البعد أهون من مذلة الاستمرار ٣) إن لم تنسحبي اليوم سوف تنسحبي ذات يوم ولطن طول الاستمرار يزيد من صعوبة الابتعاد مما يجبرك انتي على تقديم التنازلات ومع تقديم التنازلات لم يفي هو بوعوده وسوف يطلب المزيد ولا شك ان العلاقة مسيرها للفشل مهما طالت ٤) ركزي في دراستك وانجحي علشان تكوني قوية بنجاحك ثم احسني اختيار الشخص المناسب ممن يتقدمون إليك وهتلاقي العوض من ربنا ٥) قربي من ربنا وادعي انه يثبتك في الابتعاد ويعوضك بالخير عن الحزن والخذلان اللي حصل أخيرآ لازم تعرفي من لم يتألم فلم يتعلم وهذه طبيعة الحياة ندخل في محن لنعرف الطريق الصحيح مع الناس الي تقدرنا وتعرف قيمتنا وتصون وعودها ويارب يعوضك بالخير ويسعدك ويجازيه على ما ظلم
تم النشر الاثنين، ٢٢ ديسمبر ٢٠٢٥
بعد ما كتبت السؤال لقيتو باعتلي المسدج دي رغم اننا متكلمناش من اسبوع أنا آسف علي كل حاجه عملتها ومش اسف زي كل مره انا اسف بجد لو ظلمتك أو قصرت معاكي يشهد الله بحق هذا الشهر المبارك اني هعمل كل الي اقدر عليه واجي اتقدملك ف اسرع وقت وحقك عليا ف اي حاجه حصلت مني ♥️
تم النشر الاثنين، ٢٢ ديسمبر ٢٠٢٥
لعرض السؤال في فدني اضغط هنا